Sair (hurup Arab Gundul: شعير) entu atu jenis sair kolot nyang dapet sawaban deri kebudayaan Arab.[1] Sair masup atu jenis sair lama nyang asalnya deri negeri Parsi èn dibawa' ke sastra Indonésia barengan ama masupnya ajaran Selam di Indonésia. Jumblah baris di sair entu empat baris dengen jumblah ucap delapan entuk sepulu ucap. Bagèan sair semuanya isi, laèn ama pantun nyang ada sampirannya. Rima nyang dipaké ama sair biasanya polanya a-a-a-a. Isi sair bisa aja ceritra roman, peristiwa sejarah, ama pengajaran igama. Sair juga' bisa isinya tamsil atawa saduran.[2]
Ruju'an
- ↑ Kosasih, E. (2008). Apresiasi Sastra Indonesia (PDF). Jakarta: Nobel Edumedia. h. 14. ISBN 978-602-8219-57-0.
- ↑ Sumaryanto (2010). Mengenal Pantun dan Syair. Semarang: PT. Sindur Press. h. 12. ISBN 978-979-067-054-9.