Wy/yue/護照

< Wy‎ | yue
Wy > yue > 護照

護照係由一個國家嘅政府簽發俾自己公民嘅國際旅行證件。

如果要去其他國家或地區遊埠,好大機會需要用到護照,有時仲要申請簽證

點樣申請 edit

中國大陸

中華人民共和國公民可以申請中華人民共和國護照。新申請或者續領中國護照請去各地公安局。

香港

香港居民通常會用兩種護照嘅其中一種遊埠,即係香港特別行政區護照或者英國國民(海外)護照(BNO)。前者俾持有香港永久性居民身份證嘅中國籍人士申請,而後者就只係俾喺1997年6月30號或以前出世,而又喺1997年12月31號或之前申請過BNO嘅人續領。

新申請或者續領香港特區護照,請去香港入境事務處。續領英國國民(海外)護照,請上女皇陛下護照署嘅網站申請。

澳門

澳門居民通常會用兩種護照嘅其中一種遊埠,即係澳門特別行政區護照或者葡萄牙護照。前者俾持有澳門永久性居民身份證嘅中國籍人士申請,而後者就只係俾喺1981年11月19號或以前喺澳門出世嘅人或者佢哋嘅後代申請。

新申請或者續領澳門特區護照,請去澳門身份證明局。新申請或續領葡萄牙護照,請去葡萄牙駐澳門總領事館。