Wy/yue/東京迪士尼度假區

東京迪士尼度假區（東京ディズニーリゾート）喺日本千葉，係第一座美國本土以外嘅迪士尼主題樂園，亦係亞洲僅有嘅兩座迪士尼樂園之一（另一座位於香港）。東京迪士尼度假區係全世界第三多造訪人次嘅主題樂園。值得一提嘅係，東京迪士尼度假區並唔係由迪士尼所有，而係由日本嘅Oriental Land公司負責營運。

東京迪士尼樂園入面嘅仙履奇緣童話城堡

概要

東京迪士尼度假區主要由兩個樂園所組成，分別係東京迪士尼樂園（東京ディズニーランド）同東京迪士尼海洋（東京ディズニーシー）。東京迪士尼樂園喺1983年4月開幕。東京迪士尼海洋喺2001年9月開幕，成為咗全世界唯一一座以海洋為主題嘅迪士尼樂園。

除咗兩個主題樂園之外，東京迪士尼度假區園外周圍仲有結合商店、餐廳、電影院嘅綜合商業設施伊克斯皮兒莉（イクスピアリ），同埋日本最大嘅迪士尼周邊商品商店旅途愉快（ボン・ヴォヤージュ）等附屬設施。

講

日文係東京迪士尼度假區嘅通用語言。另外，度假區裏面亦有唔少可以用簡單英語溝通嘅工作人員。為咗方便講中文嘅遊客，園方除咗提供中文版嘅地圖手冊之外（可在來賓服務所索取），亦備有中文服務人員，佢哋會戴住寫有「中文」兩字嘅米老鼠形狀徽章，徽章尺寸較小，可能唔容易注意到。如果喺園區裏面搵唔到中文服務人員，喺「來賓服務所」度有中文服務櫃台，需要幫助嘅時候可以直接去。而家喺三種設施裏面有可以借嘅中文字幕顯示器（神燈劇場、美人魚礁湖劇場、提基神殿），要喺入場前向工作人員拎。有部分設施有提供中文嘅告示。

雖然唔熟悉日文都可以喺東京迪士尼度假區暢行無阻，但有一部分嘅表演同設施可能要一定程度嘅日文理解能力，先可以享受最大嘅樂趣。有些表演係全程以日文或英文演出，部分設施喺搭乘前都會搭配一段由工作人員演出嘅短劇嚟帶出故事背景（有部分設施會喺跑馬燈上顯示中英文字幕）。例如東京迪士尼樂園探險樂園區域入面嘅「叢林巡航」，有搭乘船隻在亞馬遜叢林嘅場景航行，並搭配船長生動幽默嘅現場導覽，如果聽唔明日文可能無法享受呢一層嘅樂趣（但精緻嘅叢林景觀仲係好值得欣賞）。

抵達