ریلوے روڈ بہاولپور بمقام میلاد چوک تے موجود اے ہک وسیع و عریض تے شہر دا سب توں قدیم پارک اے جیہڑا نواب صاحب دے ناں نال موسوم اے. ایندے وچ ٻالاں واسطے جھولے، فٹبال گراؤنڈ، جوگنگ ٹریک، کشتی رانی واسطے جھیل، ریسٹورنٹ، پکنک گراؤنڈز، صنعتی نمائش ایریا، مجاھد فورس دی سرکاری چھاؤݨی، واسا دا ڈسپوزل پوائنٹ تے بہاولپور آرٹس کونسل دا دفتر موجود ہن. اے پارک اپݨے سہݨپ، پھلاں دے کیاریاں تے وݨاں دی کثرت دی وجہ توں سرفہرست اے. ایندا کنٹرول بہاولپور کنٹونمنٹ بورڈ دے کول اے.