कालिञ्चोक भगवती नेपालको मध्यमाञ्चल विकास क्षेत्रको जनकपुर अञ्चल दोलखा जिल्लामा अवस्थित धार्मिक पर्यटकीय स्थल हो। सदरमुकाम चरिकोटबाट करिव १५ किलो मिटर उत्तर कालिन्चोक गाविसमा अवस्थित यो मन्दिर ३८४२ मिटर[1] को उचाईमा छ। कालिञ्चोक भगवती काभ्रेको पलाञ्चोक भगवती, काठमाडौंको शोभा भगवती र अन्य भगवती समेत ७ भगवती दिदी बहिनी हुन् भन्ने किम्बदन्ती रहेको छ। कालिञ्चोक डांडाबाट मनोरम रोलवालिङ हिम शृङ्खला र मनोरम प्राकृतिक दृष्यहरूको अवलोकन गर्न सकिन्छ।[1] जनैपुर्णीमा, दशैं, चैते दशैंमा भक्तजनको भिड लाग्ने गर्दछ। कालिञ्चोक चरीकोट देखि ६ घण्टाको पैदल दूरीमा छ। यो हिन्दूहरूको लागि एक प्रसिद्ध तीर्थ स्थल हो।
बाटोघाटो edit
काठमाण्डौँबाट करिव ७२ किलोमिटरको दुरिमा रहेको कालिञ्चोक जानको लागि बस, साना गाडी तथा निजी सवारीको प्रयोग गर्न सकिन्छ। चरिकोटदेखि करिव १७ किलोमीटर दुरीमा रहेको कुरी बजार सम्म कच्ची मोटरबाटो बनेको छ। जुन बाटोमा जीप गाडी र मोटरसाइकल चलाउन सकिन्छ। सुख्खा याममा यदाकदा मिनीबस पनि चलाउन सकिन्छ। यद्यपि यस बाटोमा नियमित सार्वजनिक सवारी साधन उपलब्ध छैनन्। कुरी बजार देखि उकालो करिव १ घण्टा पैदल यात्रा गरी कालिञ्चोक भगवती स्थानमा पुग्न सकिन्छ।
चित्र दिर्घा edit
-
कालिञ्चोक मन्दिर परिसर -
कालिञ्चोक भगवती जाने बाटोमा पर्ने कुरी बजार -
कालिञ्चोक मन्दिर परिसर हिउँले ढाकिएको (सन् २०१९ जनवरीमा) -
कालिञ्चोक भगवती मन्दिरमा रहेको घण्टी
सन्दर्भ सामग्रीहरू edit
- ↑ 1.0 1.1 धार्मिक तथा पर्यटकीय स्थलहरू Template:Webarchive, जिविस दोलखा