Wy/be/Анды

Анды — горная сістэма ў Паўднёвай Амерыцы.

Зразумець

Агульная інфармацыя

Даўжыня горнай сістэмы 9000 км. Найвышэйшы яе пункт — гара Аканкагуа.

Геаграфія

З’яўляюцца самым працяглым горным ланцугом Зямлі. Горы цягнуцца ўздоўж заходняга ўзбярэжжа Паўднёвай Амерыкі. Складаюцца з двух ці з некалькіх паралельных галоўных храбтоў. У сваёй сярэдняй частцы горныя храбты ляжаць на вялікай адлегласці адзін ад другога і ўтвараюць цэнтральнае нагор’е Альтыплана, да якога адносіцца таксама і возера Тытыкака. Анды — буйны міжакіянскі вадападзел; на ўсходзе ад Андаў цякуць рэкі басейна Атлантычнага акіяна, на захадзе — басейна Ціхага акіяна.

Клімат

Анды служаць важнейшым у Паўднёвай Амерыцы кліматычным бар’ерам, які ізалюе тэрыторыі на захад ад Галоўнай Кардыльеры ад уплыву Атлантычнага Акіяна, а тэрыторыі на ўсходзе — ад уплыву Ціхага акіяна. Горы ляжаць у шасці кліматычных паясах і адрозніваюцца рэзкімі кантрастамі ва ўвільгатненні падветраных і надветраных схілаў.

Краіны

• Аргенціна
• Балівія
• Венесуэла
• Калумбія
• Перу
• Чылі
• Эквадор