Wt/zea/'aeveloôs

Zeêuws

Etymologie

Uut Middelnederlands have 'bezittienge' en -loôs.

Omschrievienge

ʼaeveloôs bievoegelijk naemwoôrd biewoord

1. erremoeiig, d'ruutzieënde of-a je gin geld ei vò goeie klêren
   • Wat lôpe die van 'ierneffens d'r toch ʼaeveloôs bie!
2. onoplettend
   • A je noe nie zò ʼaeveloôs was, kon je je spullen meschien nog vinde.
3. zonder menieren, ongepast
   • Sind at 'n kinds oort, eet d'n ouwe Janse toch zò ʼaeveloôs.
   • Moe je dae noe zò ʼaeveloôs over praote?
4. nie uutgegroeid (van knollen, vruchten enz. gezeid)
   • ʼAevelôze appels bin alleên nog goed as beêstevoer, mae kleine aerepels ka je nog wè opete.
5. vreêmd, soms mee 'n bieklank van schandelijk (van mensen gezeid)

Uutspraek

[ˈɛːvəˌlʊəs]

Verbugienge

'aevelôze, 'aevelôzen m

Trappen van vergliekienge

'aevelôzer, meêst 'aeveloôs

Dialectvarianten

• haeveloôs Goerees, Flakkees
• 'aèveloôs Zuud-Bevelands
• 'aoveloôs Burgerzeêuws, Land-van-Axels, Land-van-Kezands

Aore spelliengen

• 'aevelôôs Woordenboek der Zeeuwse Dialecten
• aeveloôs, aevelôôs, 'aeveloas, aeveloas (gin standaerdspelliengen)

Vertaeliengen

erremoeiig

• Nederlands: haveloos

onoplettende

• Duuts: unordentlich, nachlässig
• Frans: négligant, nonchalant
• Westerlauwers Vries: sleau, skobberdizich, woest
• Iengels: slovenly, sloppy, careless

• Limburgs: nónchalantj etc., kómmerkans
• 'Ollands: aebeldegrieks, drààiterəg, dààuweləg, Lààis, skaeveluinəg, vluk (aolles Katwieks)
• Nederlands: slordig

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 308

• K. Fraanje c.s. (red.), Supplement Woordenboek der Zeeuwse Dialecten. Van Velzen, Krabbendieke, 2003: blz. 117