Wt/zea/'Ulpe:Kleverlands

< Wt‎ | zea
Wt > zea > 'Ulpe:Kleverlands

Kleverlands is 'n groep dialecten die-an in Nederland en Duusland gesproke ore. In de Nederlandse vaktaele is 't nog 'n joenk begrip; vroeger wier d'r altoos van 'Zuid-Gelders' of zò gesproke. 't Kleverlands leit 'n bitje tussen aolles in. 't Ei vee 'Ollandsen en Braebantsen invloed, mae 't 'oôrt daer toch nie 'elemaele bie. 't Is ok zeker gin Limburgs of Nedersaksisch/Platduuts, awast is t'r mee aol deze streektaelen 'n overgangsgebied.

't Kleverlandse taelgebied. 't Gebied an de Duutse kante is vee grôter, awast zulle oôns ons veraol bezig'ouwe mee de dialecten an Nederlandse kante.

Begrenzienge

edit

't Kleverlandse gebied bestaet uut:

  • 't oôsten van 't Rivieregebied in Gelderland;
  • De Liemers, 'n gebiedje an d'n Achter'oek vast, ok a in Gelderland dus;
  • 't Land van Cuijk, 't noôrdoôstelijke blokje van Noôrd-Braebant;
  • 't noôrden van Nederlands-Limburg;
  • 't noôrden van 't Duutse Rijnland;
  • 'n klein streekje zuudoôstelijk daevan

De precieze grenzen doeë d'r 'ier nie toe, daer è me Wikipedia vò. Mee deze grenzen kunne me de taele a 'n bitje plaose.

Kenmerken

edit

Ok daevò è me Wikipedia, mae 'n paer globaole diengen kunne me wè zeie:

  • In 't Kleverlands zeie ze van ies en huus, nie ijs (ais, ès) en huis (hös, hois) as in 't 'Ollands en Braebants;
  • In 't Kleverlands zeie ze van gi'j, nie van jij as in 't 'Ollands of ie as in 't Nedersaksisch;
  • De Kleverlanders 'zienge' nie zòan de Limburgers dat doeë, awast ka je d'r in 't zujen van 't gebied, bevòbbeêld in Venray, wè 'n resje van 'ôre;
  • De Kleverlanders zeie ok ik, noôit gin ich zòas de Limburgers.

Dit geef wè 'n globaol idee van de Kleverlandse klanklêre. De grammaotica van de streektaele is naebie (Oôst-)Braebants. De woôrdenschat is van aolles wat. Soms trekt 't zelfs wè wat op Zeêuws. Wis jie dan ze in dit gebied klappe van 'n stötje vò 'n stuitje, en van 'n glinte vò 'n gelint, betwint-an ze in de Meierij ('t gewone Oôst-Braebant) van lutske en vreeje praote?

'n Eige spellienge eit 't Kleverlands nie, woôrdenboeken en dialectauteurs werke nie saeme en gebruke d'r eige spellienge. De lemma's die-an men opneme bin daerop gebaseerd. Moch t'r noe gin bruukbaere spellienge bestae, dan kunne me de Braebantse Referentiespellienge gebruke. Zeker vò de dialecten in 't Land van Cuijk is dae vee vò te zeien.