Wt/pms/temp

Piemontèis: temp

Nòm masculin

(plural: temp)

1. Grandëssa fìsica ch'a mzura ij cangiament.
   • Manere ëd dì: Ai mè temp: cand i j'era giovo mi. A temp e leu: al moment giust. A temp fiss: a scadense regolar. A temp përdù: cand che un a l'ha gnente d'àutr da fé. Avèj bon temp: amusesse a badiné soens. Avèj ël bon temp dël coco: plandroné. Avèj ël temp an sël sò: dispon-e ëd tant temp. Dal temp dla pera seulia fin-a adess: da sempe, da tant temp. Dèjla për ël bel temp: amusesse tant. Dnans temp: prima dël moment giust o pi apropià. Dòna dël bon temp: gindra. Gavesse ël temp da j'euj: sté dësvij për travajé. Mandé via fòra ëd temp: licensié ëd bòt-an-blan. Pijé a temp: fërmé cheicòs ëd brut prima ch'a sia tròp tard Temp dël marin: perìod ëd tristëssa. Toché ël temp: fé an pressa, arprocé. Tut ant un temp: a l'amprovista.
   • An d'àutre lenghe: anglèis: time; fransèis: temps; italian: tempo; sicilian: tempu; spagneul: tiempo.
2. Età.
3. Condission atmosfériche e ëd temperadura.
   • Manere ëd dì: Ël temp a l'é rompusse: la situassion meteorològica a l'é cangià. Ël temp as sara: a ven nìvol. Marché ël temp: arsente ant ël fìsich dij cangiament meteorològich. Soné ël temp, Soné për ël temp: avisé con le ciòche ch'a-i riva un temporal. Temp bass: situassion ëd nìvole basse. Temp nech: temp motobin nìvol o piuvos.
   • An d'àutre lenghe: anglèis: weather; fransèis: temps; italian: tempo; sicilian: tempu; spagneul: tiempo.
4. Cadensa musical.
   • An d'àutre lenghe: anglèis: tempo, rhythm; fransèis: tempo, rythme; italian: tempo, ritmo; sicilian: tempu, ritmu; spagneul: tempo, ritmo.

Esempi d'usagi

2. Esse dl'istess temp.

Sorgiss

Gribàud