Piemontèis: brusch

Agetiv

(plural: brusch; feminin: brusca; feminin plural: brusche)

Ch'a l'ha un savor fòrt dëspiasos, coma ëd ròba andàita a mal.
- Manere ëd dì: Na brinda ëd vin brusch: na fija dont ël pare a sërca në spos.
- An d'àutre lenghe: italian: acido, brusco.
Ch'a l'ha nen bel deuit, ch'a l'ha dle fasson rudie.
- Sinònim: rudi.
- Contrari: cortèis, gentil.
- Manere ëd dì: A më smija brusca: a smija tròp brut për esse ver. Cera brusca: moro da l'espression anrabià, ch'a fa peur. Companìa brusca: crica.
- An d'àutre lenghe: italian: brusco, severo.
(figurà) As dis dël cel pien ëd nìvole.
- An d'àutre lenghe: fransèis: nuageux; italian: nuvoloso, rannuvolato.

Gribàud, REP