Piemontèis: amor

Nòm masculin

(plural: amor)

Bin ch'as veul a cheidun.
- Manere ëd dì: Andé an amor: as dis dj'animaj cand a-j ven anvìa ëd cobiesse. Boca ch'a fà l'amor con j'orije: boca larga. Buté amor a na còsa o a un: afessionesse. D'amor e ëd grassia: sensa esse obligà. Esse n'armedi contra a l'amor: as dis ëd na fomna bruta. Fé l'amor: avèj un rapòrt sessual.
- An d'àutre lenghe: anglèis: love; fransèis: amour; italian: amore; russ: любовь.
Sobrichet ch'as dà con grinor.
- An d'àutre lenghe: anglèis: honey; italian: amore; russ: дорогой, милый, любимый.
(botànich) Amor scondù: géner ëd piante dla famija dle ranunculaceae, ciamà ëdcò scufia ëd nòna.
- An d'àutre lenghe: italian: aquilegia.
(botànich) Amor ëd sant'Ana: Morus nigra.
- An d'àutre lenghe: fransèis: mûrier noir.

Gribàud