Tizmekt
Tizmekt SM. ML. ḤRF. d'Isem Amalay Aḥerfi.
- S tfṛansist Baleine
yekka-d seg uẓar (ZMK). Sawalen-as akka axaṭer teǧhed yerna tewεer. Amawal n J. M. Dallet yefka-d aẓar (ẒMK), yemmal-d
anamek n lǧehd (sb.946). Sawalen-as daγen Taγaγa.
Tizmekt d aγersiw n yilel, d nettat akk i d tameqqrant gar yimsuṭṭaḍ. Tezmer ad taweḍ deg teγzi alamma
d semmuset n tmerwin d sḍis n yiγallen (28 n lmitrat), ma deg taẓayt tettaweḍ armi d 180 n yiṭṭunen.
Talγa-s am uslem, maca meqqret nezzeh. Deg uqacuc n uqerruy-is tesεa inzer, aqemmuc-is ur yesεi ara tuγmas.
Taseṭṭa-s teεwej γer yidis n tehri. Tetteffeγ-d γer nnig waman tetturar azal n 20 n ddqiqat, yerna tesnuffer.
Ma d agmer ines yegdel. Tesεa yiwet n tiγri tecbeḥ nezzeh .