Wt/kaa/Tap II

Qaraqalpaqsha (kaa)

Morfologiyalıq hám sintaksislik qásiyetleri

Atlıq, tap

Leksikalıq mánileri

1. Atız ishinde gúnde menen dúziwlep, uzın tartılǵan iz, jol, jarma, soqpaq. • Ógizler de tuwra tapqa qaytarılmay tarta beripti (T. Qayıpbergenov). ♦ Tapqa túspew, tapqa túsiw, tapqa keliw — a) tártipke boysınbaw, moyıntawlıq etiw, tákabbirlik. • Ózi tapqa túspes toń moyın eken, Maǵan ol aytadı balasań deydi (I. Yusupov). b) tap penen júriw, tuwrı júriw. v) suw qaytqannan soń dáryanıń, japtıń, salmanıń kánarında qalatuǵın iz. g) suwǵarılǵan jerdiń birqansha kepkennen keyin súriwge tayar bolıwı. • Paxta atızlarınıń kópshiligi tapqa keldi, jer súriwdi tezletip, shigit sebiwdi keshiktirmewdiń ilájın etiw kerek («Sovet Qaraqalpaqstanı» gazetası). Tap taslaw — suwdıń taǵı basqa nárselerdiń qaytıwı, tómen túsiwi, páseyiwi, tómenlewi.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.