Atlıq
Jińishke japıraqlı, mayısqaq putaqlı aǵashtıń bir túri. Qaraqalpaq jeri tal-terekli úlke (Q. Dosanov). Eliw jasta sharshadım ba, taldım ba, Bir júz jıllıq ómiri bar taldıń da (T. Jumamuratov). Suwǵa ketken tal qarmaydı («Qq. x. n»). ♦ Tal tús — naǵız tús, shańqay tús. Azanǵı nanımdı tal túste jedim (Ó. Ayjanov). Bir tal shash — bir túp shash. Mıń túmenge qoysa bir tal shashıńdı, Maǵan salsa bermes edim Tillaxan (S. Nurımbetov). Tal shıbıqtay buralıw — mayısıw, qayısıw. Jańa óspirim náwbáhár, Tal shıbıqtay buralasań (A. Dabılov). Tal pópegi — taldıń shaqasındaǵı gúllep sándeytuǵın domalaq-ǵujırlı zat.
|