Feyil
1. Joǵalǵan zatqa jolıǵıw. Onı kútpegen jerden bir tanısı tabıla ketip, onı rayonǵa alıp ketti (Ó. Ayjanov). Sóz júyesin tapsa, mal iyesin tabadı («Qq. x. n»).
2. Miynet haqı alıw, kiris, tabıs kirgiziw. Tabıs shep bolǵan joq, eń áwele úyiniń kemis ketigin toltırdı (Ó. Ayjanov).
3. Izlew, qarastırıw. ♦ Oylap tabıw — bir jańalıq ashıw. Maqul dep tabıw — qosılıw, xoshkóriw. Tilin tabıw —tetigin, sırın, ádisin biliw. Qaza tabıw — óliw, qaytıs bolıw, jan beriw. Aqıl tabıw — bir istiń durıs sheshiliw usılın biliw, qıyınshılıqtan qutılıw. Tawıp aytıw — orınlı durıs sóylew. Mal tabıw – payda keltiriw, miynet haqı alıw. Teńin tabıw – ózine qolay jubay tabıw. Babın tabıw – qálegen tilegin orınlaw.
|