Wt/kaa/Neke

Qaraqalpaqsha (kaa)

Morfologiyalıq hám sintaksislik qásiyetleri

atlıq, ne-ke

Leksikalıq mánileri

Jańa úylengen adamlardıń, erli-zayıplılardıń arasındaǵı, erli-zayıplı bolǵanlıǵın rásmiy túrde zakonlastırıw isi, shártnama. • Jańa dáwirdiń hayalı bolǵan menen qaraqalpaqshılıq etip, dáslepki nekege qıyanet ete almay júrgen qusaydı (T. Qayıpbergenov).

Turaqlı sóz dizbekleri

♦ Neke qıyıw – basın baylaw. • Qońıratlı sol qızǵa bardı, Alıw ushın sózin saldı, Neke qıyıp qızdı aldı, Bunı men kóz benen kórdim (Berdaq).
♦ Neke salıw – nekelew, nekesin qıydırıw. • Jas edi barlıq alǵanı, Sırtınan neke salǵanı, Jıladı zorlap qılǵanı, Kóbi azapta ólgen eken (Berdaq).
♦ Neke túsiw – hayal alıwǵa yamasa birew menen birewdiń qosılıwına sháriyat boyınsha neke qıydırıwǵa bolatuǵın adam. • Záriwlikte tórt qatın, al perzent judalıǵı ushın altı qatınǵa shekem neke túsedi (K. Sultanov).
♦ Nekesin buzıw – erli-zayıplılardıń nekelerin ajıratıw, bóleklew, ayırıw.
♦ Neke sarayı – erli-zayıplılardıń bir-birine qosılıwın rásmiy túrde zakonlastıratuǵın saltanatlı ornı, shártnama beretuǵın imarat.
♦ Neke júzik – tazadan qosılısıp atırǵan erli-zayıplılardıń nekeleskendegi qollarına salınǵan júzik.
♦ Neke gúwalıq – erli-zayıplılardıń nekelengenligin bildiretuǵın rásmiy dokument.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.