Wt/kaa/Nar

Qaraqalpaqsha (kaa)

=

Morfologiyalıq hám sintaksislik qásiyetleri

atlıq, nar

Leksikalıq mánileri

1. Túyeniń jalǵız órkeshli túri, hasıl tuqımlı iri túye. • Ústine hádden zıyat júk artılǵan nar ornınan turadı (K. Sultanov) .
2. awıs. Azamat, qarıwlı, kúshli, batır. — • Háy narım-ay, aldıńdı alla ashsın, — dedi (Q. Irmanov) .
3. awıs. Terektiń yamasa maldıń úlken túri.•  Anaw turǵan almameken, narmeken, Sayasında jatqan biziń yarmeken («Qq. x. q») . ♦ Nar qamıs — iri, juwan, uzın qamıs.•  Órkesh tawıń uslasıp, Nar qamısıń jarasıp, Jańarǵan eldiń sániseń (K. Sultanov) . Nar jigit — kúshli, batır, qarıwlı jigit. Nar túye — jalǵız órkeshli úlken túye, túyeniń úlken túri.•  Nar túyege júk arttı, Awmasın dep jollarda, Qalmasın dep shóllerde, Arqan menen berk tarttı («Alpamıs») . Nar teke — awıs. • Tekeniń iri, kúshli, hasıl tuqımı. Gúldir-gúldir silkinip, Nar tekedey kerilip, Qulaǵın tigip jániwar, Tórt tárepke qaradı («Alpamıs») . Júkti nar kóterer — awıs. Qıyınshılıqqa, awırmanshılıqqa shıdaytuǵın adam.

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.