Morfologiyalıq hám sintaksislik qásiyetleri
atlıq,na-maz
Leksikalıq mánileri
1. Islam dinindegi dinshil adamnıń quday aldındaǵı kúnine bes waqıt ótetuǵın parızı. • Usı awılda mennen erte turıp namaz oqıytuǵın adam joq edi (T. Qayıpbergenov) .
2. Islam dini dástúrinde ólgen adamdı jerlew aldında oqılatuǵın quran. • Namazına xalıq qalmay jıynaldı, qaraqalpaq qazaǵı da qıynaldı (Ótesh) . ♦ Namazı qaza bolıw – namazdıń óz waqtında oqılmay qalıwı. Namazı buzılıw – namaz oqılıp atırǵandaǵı basqa nárselerdiń tásiri tiyiwinen hám basqa nárse oylaǵannan bolǵan kesentlik, zayanlıq. Namazǵa jıǵılıw – namaz oqıy baslaw. Bes waq namaz – hár kúngi oqılatuǵın bes túrli namaz. Hayt namaz – hayt bayramına baylanıslı kópshiliktiń qatnasıwı menen oqılatuǵın namaz. Juma namaz – juma kúni jıynalısıp kópshiliktiń oqıytuǵın namazı. Janaza namaz – marhumdı qoyımshılıqqa alıp keterdegi oqılatuǵın namaz.
Derekler
- QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.