Wt/kaa/Názik

Qaraqalpaqsha (kaa)

Morfologiyalıq hám sintaksislik qásiyetleri

kelbetlik, ná-zik

Leksikalıq mánileri

1. Jińishke, jip-jińishke.• Qolına salǵanı altınnan júzik, Belleri sonıńday bir qısım názik (Ájiniyaz) .
2. awıs. Álpayım, áljuwaz. Názik, jaǵımlı búlbil sesleri tıńlaǵan janǵa yosh, quwanısh, lázzet beredi. ♦ Názik jol — qıyın, awır. • Sınshı bolıw ańsat emes bilgenge. Kitaptıń jolı názik júrgenge (I. Yusupov). • Qızdıń jolı názik, oǵan adır-budır sóz aytıwǵa bolmaydı (M. Abdraymov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.