Wt/kaa/Iyman

Qaraqalpaqsha (kaa)

Morfologiyalıq hám sintaksislik qásiyetleri

atlıq, iy-man

Leksikalıq mánileri

1. Islam dinine muwapıq musılmanshılıqqa tán bolǵan bes parızdıń biri, qudaydı birew dep tanıw. • Qartayǵanda ótirik sóylep, iymanımnan ayrılǵım kelmeydi (Á. Shamuratov).
2. Diniy túsinik boyınsha musılmanlarda bolatuǵın unamlı qásiyet. • Tuwrı biyde tuwǵan joq, tuwǵanlı biyde iyman joq («Qaraqalpaq xalıq naqılı»). • Awıldaǵı ǵárip-qáserge, jetim-jesirge qol-ǵabıs tiygiziwden bas tartpaytuǵın adamdı xalıq túsinigi boyınsha iymannıń nıshanı dep biledi.
3. Isenim, hújdan. • Ótirikshiniń bolmas antı-iymanı (Ájiniyaz). ♦ Iyman júzli — uyatı bar, ar-namıslı. • Iyman júzli hayalım ólim halında jatır edi (T. Qayıpbergenov). Iymanın aytıw — iymanın iyiriw, qaytıs bolatuǵın kisige jan tapsırar aldında musılman dininiń tártibi boyınsha belgili hayat oqıw. • Bul dártine heshbir dawa tabılmas, Ólip keter aytıp xalıq iymanın (T. Jumamuratov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.