Wt/kaa/Iylew

Qaraqalpaqsha (kaa)

Morfologiyalıq hám sintaksislik qásiyetleri

feyil, iy-lew

Leksikalıq mánileri

1. Unǵa duz, suw yamasa sút qosıp qamır islew. • Keshqurın gúrtikke qamır iylewge járdemlesti (T. Qayıpbergenov).
2. Topıraqqa qum, hák, saban t. b. nárseler aralastırıp suw menen qosıp hár túrli ılay islew. • Qumdı iyleseń nan bolmas («Qaraqalpaq xalıq naqılı»).
3. Terini jumsartıw ushın qatıq, ayran hám taǵı basqa da ashıtqılardı jaǵıw. • Jaqsı qatın iylese gúdarı eter terini, sultan eter erini, Jaman qatın iylese ǵaǵırlaq eter terini, qarızdar eter erini. («Qaraqalpaq xalıq naqılı»).
4. awıs. Eziw, jenshiw. • Bunday zaman qurısın zalım biylegen, miynetkeshti qamır kibi iylegen (Q. Irmanov). • Arza etken xalıqtı qamshıdan iyler, qasqırday shabınıp turǵan yaranlar (S. Nurımbetov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.