Morfologiyalıq hám sintaksislik qásiyetleri
atlıq, i-yis-kew
Leksikalıq mánileri
Murın arqalı demdi ishke tartıw, iyis biliw yamasa dári ushın murınnan hawanı ishke tartıw. • Perigúldi kórgende buzaw iyiskep erkeleydi (Ó. Ayjanov). • Ǵarbız bolsa eken dizege qısıp kóriwge, sekerparanı iyiskemey taba ala ma? (T. Qayıpbergenov). • Óleyin dep atırǵan adamǵa iyisketse, táwir bolıp ketedi (Q. Ayımbetov). • Almanı iyisketip qızdı sawaltadı (Q. Ayımbetov). ♦ Awızın iyiskew — kewlin-qıyalın biliw, bayqaw. • Qız ketken jaǵınan kele bersin, ádep onıń da awzın iyiskep kóreyik (Ó. Xojaniyazov).
Derekler
- QARAQALPAQ TILINIŃ TÚSINDIRME SÓZLIGI. Jeti tomlıq. Nókis, «Qaraqalpaqstan» baspası, 2023-jıl.