Wt/ceb/Unang Panid

Unang Panid

Kini ang hugpongan sa mga pulong nga gigamit sa Binisayang Cebuano. Ang Binisayang Cebuano sinultihan sa mga tawo sa Negros Oriental, Cebu, Bohol, Southern Leyte, mga lalawigan sa Davao, Surigao del Norte, duha ka lalawigan sa Agusan, Bukidnon, duha ka Misamis, Lanao del Norte, mga lalawigan sa Zamboanga, ug mga lalawigan sa Cotabato. Lapas sa kawhaan ka milyon (20,000,000) ang magsusulti niini.

Kining proyekto alang sa pagtabang ug maghimo og talaan sa mga pulong nga gamiton sa Wikipedia, ang gawasnong ensiklopedia. Kining proyekto nangingkamot nga maghimo og talaan sa Binisayang Cebuano nga ang mga kahulogan sa pulong maihatag sa ilang mga kahulogan sa Sinugboanong Binisaya. Dunay 210 ka mga pulong dire.

Batadila

Ang batadila sa Cebuano halos susama sa tanang sinultihang Binisaya. VSO ang sagad nga han-ay sa padayag niini. Ang matag padayag gimugna pinaagi sa pagsumpaysumpay sa mga liso nga pulong, mga langgikit, ug mga tigpaila. Tulo ka matang ang mga liso nga pulong - pungalan, punglihok, ug pangmatang.

Padayag

Ang unang bahin sa padayag mao ang hisgot. Ang hisgot mao ang pulong nga walay ubay nga tigpaila.

Pananglitan:

1) Gwapa si Maria. hisgot = gwapa

2) Dunay Ginoo. hisgot = duna

Ang ikaduha mao ang gihisgotan. Sagad kini giubayan sa tigpaila nga 'Y, SI o kaha ANG.

Panangliitan:

1) Gwapa si Maria. gihisgotan = si Maria

2) Dunay Ginoo. gihisgotan = 'y Ginoo

Ang ikatulo mao ang hingapin. Sagad giubayan kini sa tipaila nga OG, NI o kaha SA.

Pananglitan:

1) Gwapa og saya si Maria. hingapin = og saya

2) Dunay Ginoo sa langit. hingapin = sa langit

Ang laing-hingapin giubayan sa tigpaila nga NGA ('NG).

Pananglitan:

1) Gwapang sul-oban og saya si Maria. laing-hingapin = 'ng sul-oban

2) Dunay Ginoo sa langit nga nagtan-aw. laing-hingapin = nga nagtan-aw.

Punglihok

Halos tanang liso nga pulong puyde himuong punglihok kon sumpayan og langgikit sa lihok. Duha lang ka aspeto ang punglihok sa Cebuano - plano ug talihuman.

Ang talihuman kadtong mga punglihok nga nasugdan na.

Pananglitan:

Dunay Ginoo sa langit nga naglantaw. punglihok = naglantaw / aspeto = talihuman

Ang plano kadtong wala pa masugdi o kaha nasugdan apan giplanohan pang ipadayon.

Pananglitan:

Gwapang sul-oban og saya si Maria. punglihok = sul-oban / aspeto = plano