کور اویونو edit
آنا آنلاتیم
- بیر دوز جیز چکیلیر، اویونچولار هر بیری، بیر یا ایکی دنه شک حالیندا بیر-بیری‌نین آردینجا جیزین اوستونه قورورلار. اویونچولار قورولان آشیقلارین آردیندان ساققا‌لارینی بیر مسافه‌یه بیر- بیر سووجویورلار (اؤزل شکیلده موچقورا‌راق آتیرلار). ساققاسینی هامیدان اوزاغا چیخان اویونچو باش اولور. بعضاً زیران اولان اویونچو دیبده قالیر، ساققاسینی باشا سووجومور. بو سووجوما‌لاردا هر کیمین ساققاسی آوچی (کور) شکلینده دورارسا، اوندان سونرا اولان اویونچولار کور دوران ساققانی وورماق اوچون هنه‌لرین دالین‌دان ساققا آتاجاقلار. ساققا ییه‌سی، اؤنجه‌كي دانیشیقلا باغلی، ساققانین تیمینی هر ساققا آتان اویونچویا چئویریر. ساققا آتانلار وورا بیلمه‌سه ایلک باشا چیخان اولسا اونلار آتیرلار.بئلهلیکله هانسی اویونچو کور دوران ساققانی وورارسا هنه‌لری او اویونچو اودور. اما کور دوران ساققانی وورا بیلن اولماسا هنه‌لری کور ییه‌سی اودور.اویون بویو کور دوران ساققا اولماسا، اویونچولار سیرایلا ساققالارییلا قورولان هنه‌لری وورورلار. بو وورمادا ساققا هانسی هنه‌یه دیَرسه، گرک اونو بیر قاریش اؤلچومو یئریندن ترپه‌ده. بئله اولماسا سیرا او بیری اویونچویا کئچیر و اویونچولار ساققا‌لاری اولدوغو یئردن آتماغا باشلاییرلار. بئلهلیکله هنه‌لر قوتارینجا اویون داوام ائدیر و یئنیدن باشلانیر. سونونجو هنه‌نی اودان اویونچو باش اولور و باش اولان اویونچو ایسه زیران. قالان اویونچولار ایسه کئچن اویونداکی یئرلریندن بیر پیلله باشا دوغرو قالخیرلار. بئلهلیکله اویون، اویونچولارین هنه‌لری قورتارینجا داوام ائدیر.
آنلام‌لار
- kor oyunu .
قایناق‌لار
- milmugan.blogfa.com