کوراوغلونون روم سفری
edit
آنا آنلاتیم
- کوراوغلونون روم سفری
آشیق جۆنون گزه-گزه گلیب رۇم ائلینه چاتدی. کۆچه‌لری گزیردی، بیردن-بیره کۆلفیرنگیده بیر گؤزل گؤردو. آشیق گؤزو ایله بۇنا بیر نظر سالیب باخدی کی، واللاه قێز نه قێز. گؤزلر قارا، قاشلار کامان، دیشلر میرواری، دوداقلاری ياقوتون کناری کیمی. تئللر قارا، خاللار قارا، گؤزلر ائله‌دی، ائله‌دی کی، درد اهلینه گلگل دئيیر. جۆنونون آغلی باشینا وۇروب دايانیب اونا تاماشا ائلميه باشلادی. بۇ قێز کیم اولا، کیم اولا، رۇم پاشاسی‌نین قێزی مهبوب خانیم. مهبوب خانیم باخدی کی، چیينینده سازی اولان بیر آشیق کۆچه‌ده دۇروب اونا باخیر. قێرخ اینجه‌بئل قێزلاردان بیرینه آشیق جۆنونو گؤستریب دئدی: – گئت، او آشاغی بۇرايا چاغیر. قاراباش گئتدی. آشیق جۆنون باخدی ایمارتین قاپیسیندان بیر قێز چێخدی، بۇدو اونا طرف گلیر. آشیق جۆنون قاباقجا قورخدو. ائله اکیلمک ایسته‌يیردی،
- قێز گلیب چاتدی کی:
- – آشیق، رۇم پاشاسی‌نین قێزی مهبوب خانیم سنی چاغیریر.
- آشیق جۆنون گؤردو يوخ بۇ، غضبدن دئيیل، دئيه‌سن ایش وار. قاراباشلا
- مهبوب خانیمین يانینا گلدی.
- مهبوب خانیم آشیغا يئر گؤستردی، ائله کی، آشیق جۆنون ايلشدی، قێز
- سوروشدو:
- – آشیق، کیمسن؟ هارادان گلیبسن؟ هارا گئدیرسن؟ سیزین يئرلر
- نئجه يئردی؟ منه بیر قدر صؤحبت ائله.
- آلدی آشیق جۆنون، گؤرک نه دئدی:
- مرد اويلاغی چنلیبئلدی،
- مهبوب خانیم، بیزیم يئرلر،
- دلیلری دۇرنا تئللی
- مهبوب خانیم، بیزیم يئرلر.
- داغلاری وار آلچاق-اۇجا،
- ايلر قفله، تاجیر، خوجا،
- تۇتولوب هاسارلی بۇرجا،
- مهبوب خانیم، بیزیم يئرلر.
- ائيوازبالی اوردو باسان،
- بللی احمد بره پۇسان،
- دمیرچیوغلو دلی حسن
- مهبوب خانیم، بیزیم يئرلر.
- دلیلری قوشا-قوشا،
- دۆشمان گؤرسه چکر هاشا،
- باتا بیلمز سۇلطان، پاشا،
- مهبوب خانیم، بیزیم يئرلر.
- گۆلو، نرگیزی بیتنده،
- تۇتی قۇمرولار اؤتنده،
- جۆنون چنلیيه يئتنده،
- مهبوب خانیم، بیزیم يئرلر.
- آشیق جۆنون سؤزونو تامام ائله‌دی. مهبوب خانیم دئدی:
- – آشیق، سیزین بۇ يئرین بیر يیيه‌سی وارمی؟ دلیلرین سرکرده‌سی کیمدی؟
- آشیق جۆنون دئدی:
- – خانیم، قۇلاق آس دئيیم.
- آلدی، آشیق جۆنون:
- نره چکیب دۆشمان اۆسته گئدنده،
- مئيداندا گؤستریر هۆنر کور‌اوغلو!
- قۇلاش قولون گریب شئشپر آتاندا
- وۇرار داغی-داشی دلر کور‌اوغلو!
- بیلمک اولماز اونون فیتنه-فعلینی،
- نامرد قويا بیلمز يئره بئلینی،
- يؤن چئویرسه يێخار شاهلار ائوینی،
- قويماز اؤلکه‌نیزده ملر کور‌اوغلو!
- دۆشر هردن پاشالارلا داواسی،
- کسیلمز ساواشی، جنگی، قووقاسی،
- جۆنون دئير چنلیبئلین آغاسی،
- يئددی مین دلیيه سرکر کور‌اوغلو!
- سؤز تاماما يئتیشدی. مهبوب خانیم دئدی:
- – آشیق جۆنون، سن کی، کور‌اوغلونو بۇ قدر تعریفله‌دین، اير ایگید ایسه
- گلسین منی ده چنلیبئله آپارسین.
- آشیق جۆنونا دا ائله بۇ لازیم ایدی. آياغا دۇروب، گؤروشوب مجلیسدن
- چێخدی. آغامی الله ساخلاسین، بیرباش چنلیبئل دئيیب يول گئدیب، گلیب
- آخیردا چنلیبئله يئتیشدی.
- کور‌اوغلو آياغا دۇردو، آشیغین قاباغینا چێخدی، گتیریب اؤز يانیندا ايلشدیردی.
- آشیق يئدی، ایچدی، ائله کی، توققانین آلتینی برکیتدی، کور‌اوغلو سوروشدو:
- – آشیق جۆنون، چنلیبئلدن چوخدان چێخیبسان. دئ گؤرک نه گؤردون،
- نه ائشیتدین؟
- آشیق جۆنون دئدی:
- – کور‌اوغلو، بۇ دفعه گؤردويومو دیل ایله دئسم دیلیمی ياندیرار. قوي
- ساز ایله دئيیم.
- آشیق جۆنون اۆچ تئللی سازی دؤشونه باسیب باشلادی:
- گئدرکن چێخدی قارشیما،
- مهبوب خانیم، مهبوب خانیم.
- سئوداسین سالدی باشیما،
- مهبوب خانیم، مهبوب خانیم.
- گؤزو گؤيچک، قاشی قلم،
- اولماز بئله شیرین کلام،
- چکر حسرتینی عالم
- مهبوب خانیم، مهبوب خانیم.
- دۇروشو بنزر ترلانا،
- گؤزل دوغوب، گؤزل آنا،
- تؤکوب تئللرین گردانا،
- مهبوب خانیم، مهبوب خانیم.
- دلی کؤنول تالاشیندا،
- جان قوورولو آتاشیندا،
- قێرخ اینجه قێز وار باشیندا،
- مهبوب خانیم، مهبوب خانیم.
- آشیق جۆنون چکر نازی،
- اۆرک آچار خوش آوازی،
- رۇم ائلینده پاشا قێزی،
- مهبوب خانیم، مهبوب خانیم.
- آشیق جۆنون سازلا دئدیگی کیمی سؤزله ده احوالاتی ناغیل ائله‌يیب دئدی
- کی، مهبوب خانیم دئدی: – “اگر کیشیدیرسه گلیب منی ده چنلیبئله
- آپارسین” – نیگار خانیم بۇ سؤزو ائشیتجک کور‌اوغلويا دئدی:
- – او کی بۇرايا گلمک ایسته‌يیر، گتیرمه‌مک نامردلیک اولار. بیر ده
- کی، رۇم گؤزللرینی چوخ تعریفله‌يیرلر. حؤکمان گرک گئدیب مهبوب
- خانیمی گتیره‌سینیز.
- کور‌اوغلو قێراتی چکدیردی، يهرلتدیردی، قێلینج-قالخان گؤتوردو، چیينینه
- ده ساز کئچیرتدی. آتلانماق ایسته‌ينده دلیلر:
- – بیزی ده اؤزوننن آپار، – دئدیلر.
- کور‌اوغلو راضی اولمادی. خانیملارلا، دلیلرله حالاللاشیب قێراتی میندی.
- تک-تنها رۇما طرف گئتمه‌يه باشلادی. آلچاقلار کئچدی، اۇجالار آشدی،
- يئل اولدو اسدی، منزیللر کسدی آخیردا گلیب رۇم ائلینه چاتدی.
- کور‌اوغلو قێراتین اۆستونده، چیينینده ساز گئدیردی، ایشه باخ کی، مهبوب
- خانیم دا يئنه کۆلفیرنگیدن باخیردی. کور‌اوغلونو آشیق حساب ائله‌يیب
- قاراباشینی گؤندریب يانینا چاغیرتدیردی. کور‌اوغلو گلدی، دۆشدو قێراتی بیر
- ياندا باغلايیب ایچری گیردی. مهبوب خانیم حؤرمتله اونا يئر گؤستردی.
- اؤزو ده قێرخ اینجه‌بئل قێزلا يانیندا ايلشیب دئدی:
- – آشیق، گلیشین هارداندی؟ بیر قدر صؤحبت ائله، قۇلاق آساق.
- آلدی کور‌اوغلو، گؤرک نه دئدی:
- قێراتا ساریلیب دۆشموشم يولا،
- اۇروم دئيیب چنلیبئلدن گلیرم.
- گۆموش قولچاقلاری باغلايیب قولا
- پولاد گئيیب چنلیبئلدن گلیرم.
- دولانیب داغلاری گزمیشم ازل،
- هايوالی باغلاریم گؤرمه‌يیب خزل،
- بۇ رۇم اؤلکه‌سینده بیر تۆرفه گؤزل،
- سئچیب سئویب، چنلیبئلدن گلیرم.
- مهبوب خانیم “چنلیبئلدن گلیرم” دئمه‌سیندن بیلدی کی، بۇ
- کور‌اوغلودو. دئدی:
- – بئله دئمکده يئرین وار. سؤيله گؤرک رۇم ائلینده سئودیگین گؤزه‌لین
- آدی ندی؟ کیمین قێزیدی؟
- مهبوب خانیم بئله دئمکده کور‌اوغلويا ایشاره ائله‌يیب بۇ ایشی يانینداکی
- قێزلاردان گیزلتمک ایسته‌يیردی. آنجاق کور‌اوغلو ایشاره‌يه باخان دئيیلدی.
- اونونکو مرد-مردانه ایدی. دئدی:
- کوراوغلونون دلیلردی ایمدادی،
- قێلینج چکدی، حاصیل اولا مۇرادی.
- رۇملو پاشا قێزی، مهبوبدو آدی،
- مهبوب دئيیب، چنلیبئلدن گلیرم.
- سؤز تامام اولدو. مهبوب خانیمین عمیسی قێزی شیرین خانیم دا قێزلارین
- ایچینده ایدی. اؤزو ده عمیسی قێزی‌نین خاطیرینی چوخ ایسته‌يیردی. باخدی کی، بۇ
- سؤزدن قێزلارین آراسینا چاخنا-واخنا دۆشوب، اودو کی، تئز دئدی:
- – آي قێزلار، آشیغین قايداسیدی، يار-يار دئير، دیلبر دئير، مهبوب
- سؤيله‌ير. مهبوب ایستکلی دئمکدی. يوخسا فیکرینیزه آيری شئي گلمه‌سین.
- غرض، شیرین خانیم قێزلاری ساغ سالدی. بیر آز کئچدی، ائله کی، قێزلار دۇروب
- چێخیب گئتدیلر، کور‌اوغلو يئيیب، ایچیب باشینی آتیب ياتدی. بۇ ياتماقلا
- کور‌اوغلو دۆز صاباحا کیمی بیر يانی اۆسته ياتدی. دۆنيا – عالمدن خبری
- اولمادی. ائله کی، سحر آچیلدی، دۇردو، يئنه يئدی، ایچدی، گئيینیب چێخماق
- ایسته‌ينده مهبوب خانیم دئدی:
- – کور‌اوغلو، بئله هارايا گئتمک ایسته‌يیرسن؟
- کور‌اوغلو جاواب وئردی کی، شهری گزمک ایسته‌يیرم، تئز قايیداجاغام.
- سن ده حاضیرلاش، گلیم گئدک.
- مهبوب خانیم دئدی:
- – ياراقسیز، ياساقسیز گئتمه. آتام بۇرايا گلمه‌يینی بیلر، سنی تۇتدورار.
- کور‌اوغلو دئدی:
- – من هئچ کسدن قورخوب گیزلنن دئيیلم.
- مهبوب خانیم چوخ دئدی، کور‌اوغلو آز ائشیتدی. آخیردا اونون سؤزونه
- باخمايیب شهره چێخدی.
- رۇم اهلی کوراوغلونون تاماشاسینا يێغیشمیشدی. هامی اونون تهرتؤهورونه،
- بوي-بۇخونونا باخیب مات قالمیشدی. آخیردا سؤز گئدیب پاشايا
- چاتیب کی، بس رۇما بیر آدام گلیب تهر-تؤهوروندن هئچ بیزیم يئرین
- آداملارینا اوخشامیر.
- پاشا اۆچ نفر گؤندردی کی، گئدین منیم يانیما گتیرین. پاشانین
- آداملاری کوراوغلونون يانینا گلدیلر کی، پاشا سنی چاغیریر.
- کور‌اوغلو دئدی:
- – من پاشا-ماشا تانیمیرام. ایشی وارسا اؤزو گلسین، منیم يانیما.
- پاشانین آداملاری کور‌اوغلونو گۆجله آپارماق ایسته‌دیلر. کور‌اوغلو بیر
- دئدی ال چکین مندن، ایکی دئدی ال چکین مندن، گؤردو يوخ، اولماياجاق،
- بۇنلار ائله اورا-بۇراسینی چکیشدیریرلر. آخیردا حیرصله‌نیب اونلارین
- اۆستونه دۆشدو. ائله بیر-ایکی دفعه ال توولايان کیمی گلنلردن ایکیسی میتیل
- کیمی يئره دۆشوب جهنمه واصیل اولدو. بیری بیر تهر آرادان چێخیب
- اؤزونو پاشايا يئتیریب احوالاتی اونا ناغیل ائله‌دی.
- پاشا بۇ دفعه 15 آدام گؤندریب، دئدی:
- – گئدین، اونون يا دیریسینی گتیرین، يا اؤلوسونو.
- کور‌اوغلو بیر ده باخدی کی، اون بئش نفر ياساقلی آدام سیگیرمه قێلینجلا
- اطرافی تۇتدولار. کور‌اوغلو باخدی کی، تاي آيری علاج يوخدو. قێلینجی چکیب دۆشدو
- بۇنلارین اۆستونه. گلنلردن ایکیجه‌سی سلامات قالیب تنگنفس اؤزلرینی
- پاشانین يانینا سالدیلار. پاشا آجیقلانیب ایکی يۆز ياراقلی-ياساقلی آداملا
- کور‌اوغلويا هۆجوم ائله‌دی. کور‌اوغلو قێلینج چکیب اونلارین قاباغینا چێخدی.
- خئيلی وۇروشدو، چوخ آدام اؤلدوردو. پاشانین آداملاری داوام ائله‌يه بیلمه‌يیب
- قاچماغا اۆز قويدولار. پاشا گؤردو يوخ، بۇنا يۆز، ایکی يۆز قوشون کار
- سالان دئيیل. امر ائله‌دی، بۆتون قوشون يئریدی. کور‌اوغلو شیری-نر کیمی مئيدانا
- گیریب گۆن باتانا کیمی اونلاردان قێردی. آمما پیيادالیق اونا اۆز
- وئرمیشدی. وۇروشا-وۇروشا اؤزونه يول آچیب اؤزونو قێراتا چاتدیرماق ایسته‌يیردی.
- بۇ بۇرادا مردانه قێلینج وۇرماقدا اولسون، سنه کیمدن دئيیم
- پاشادان. پاشا گؤردو، بئله‌لیکله کور‌اوغلو بۇ قوشونو قێریب قۇرتاراجاق. رۇم
- اهلینه حؤکم ائله‌دی، کوراوغلونون يولونون آغزیندا بیر قۇيو قاضیب اۆستونو
- ده اؤرتسونلر. کور‌اوغلو قێلینج وۇرا-وۇرا قوشونو داغیدیب يول آچا-آچا قێراتا
- طرف گئدنده بیردن-بیره قۇيويا دۆشدو. قوشون هر ياندان تؤکولوب
- اونون قوللارینی باغلايیب پاشانین يانینا گتیردیلر. او ساعت پاشا حؤکم
- ائله‌دی کی، کوراوغلونون بوينونو وۇرسونلار. وزیر ایره‌لیيه يئریگیب دئدی:
- – پاشا ساغ اولسون، بۇنا قوچ کور‌اوغلو دئيرلر. بۇنون چنلیبئلده
- يئددی مین يئددی يۆز يئتمیش يئددی دلیسی وار. يئریگیب رۇم ائلینی
- داغیدارلار. کور‌اوغلونو هله‌لیک زیندانا سالدیر. گؤرک باشیمیزا نه گلیر.
- پاشا وزیرین مصلحتینه راضی اولوب کور‌اوغلونو زیندانا سالدیردی.
- کور‌اوغلو زینداندا قالماقدا اولسون، سنه چنلیبئلده دلیلردن
- خبر وئریم. دلیلر چوخ گؤزله‌دیلر کور‌اوغلو قايیتمادی. بیلدیلر کی،
- دارا دۆشوب. چوخ فیکیرلشندن سونرا دالیسینجا آدام گؤندره‌سی اولدولار.
- بئله دئيیرلر کی، بیر اۇزاق ه گئتمک لازیم اولاندا اؤزونه اۇمودو
- گلن دلیلر اؤز آرالاریندا پۆشک آتاردیلار. پۆشک هر کیمه دۆشسه، او
- ه هامان دلی گئدردی.
- بۇ دفعه ده پۆشک آتدیلار. پۆشک احمدنن دلی حسنه دۆشدو. بللی
- احمد چکدی آغجاقوزونو يهرله‌دی، دلی حسن ده دۆراتی میندی، هر
- ایکیسی ياراخلاندی، آلتدان-اۆستدن قۇرشانیب رۇما يولا دۆشدولر. آشیریملار
- آشدیلار، کئچیریملر کئچدیلر، اؤزلرینی رۇما يئتیردیلر. دلیلر رۇما
- چاتاندا گئجه ایدی. هامی ياتمیشدی. آت اۆستونده شهرده دولانیردیلار. بیر
- ده گؤردولر کی، بیر يئرده بیر خئيلی ياراقلی آدام کئشیک چکیر. بللی
- احمد سوروشدو:
- – گئجه واختی بۇردا نه ائله‌يیرسینیز؟
- کئشیکچیلردن بیری دئدی:
- – چنلیبئللی کور‌اوغلو بۇرادا دۇستاقدی. اونا کئشیک چکیریک.
- دلی حسن بۇ سؤزو ائشیدن کیمی قێلینجینی چکیب، دؤشندی بۇنلارا.
- کئشیکچیلر داوام گتیره بیلمه‌يیب قاچیب داغیلدیلار. دلیلر آتدان دۆشوب
- اؤزلرینی زیندانا سالدیلار. گؤردولر کور‌اوغلو داردادی. بللی احمد
- گؤتوردو گؤرک نه دئدی:
- دارا دۆشوبسن کور‌اوغلو،
- يئتیشدیک، بۇدو يئتیشدیک.
- هارا دۆشوبسن کور‌اوغلو،
- يئتیشدیک، بۇدو يئتیشدیک.
- آلدی کور‌اوغلو:
- ياخشی يئتیشدیز دادیما،
- بللی احمد، دلی حسن.
- بلکه چاتام مۇرادیما،
- بللی احمد، دلی حسن!
- دلی حسن:
- آغجاقوزوم شۇقوتماغا،
- دۆشمان قانین آخیتماغا،
- بۇ زیندانی داغیماغا،
- يئتیشدیک بۇدو يئتیشدیک
- کور‌اوغلو:
- پئيمانامدی دولها-دولدا،
- حالقا زنجیر باغلی قولدا،
- مهبوب، شیرین گؤزو يولدا،
- بللی احمد، دلی حسن!
- بللی احمد:
- میسری قێلینجلار تويلادیق،
- درین دريالار بويلادیق،
- کئشیکچیلری قويلادیق،
- يئتیشدیک، بۇدو يئتیشدیک.
- کور‌اوغلو:
- کور‌اوغلو قاينايیب جوشا،
- شئشپری گئتمه‌يه بوشا،
- قاچا قاباغیندان پاشا،
- بللی احمد، دلی حسن!
- دلیلر کوراوغلونون قوللارینی آچیب، زینداندان چێخارتدیلار. کور‌اوغلو
- دئدی:
- – گئدک، قێراتی تاپماق لازیمدی.
- دئيیرلر کور‌اوغلو زیندانا دۆشنده مهبوب خانیملا شیرین خانیم
- اونون قێلینجینی، قالخانینی گیزله‌دیب، قێراتی دا اوت-علف وئریب ساخلايیردیلار.
- کور‌اوغلو دلیلر ایله مهبوب خانیمین يانینا گلدیلر. کور‌اوغلو
- مهبوب خانیمی گؤرنده آلدی، گؤرک نه دئدی:
- يولوم دۆشوب چنلیبئله،
- مهبوب خانیم، شیرین خانیم.
- گئيین گئدک بیزیم ائله
- مهبوب خانیم، شیرین خانیم،
- آلدی مهبوب خانیم:
- دئ گؤرک، بۇ نه دی،
- آي کور‌اوغلو، آي کور‌اوغلو،
- پاشا بۇندان بیخبردی،
- باي کور‌اوغلو، باي کور‌اوغلو...
- کور‌اوغلو:
- قێزیب چکرم هاشانی،
- ایندی قێلین تاماشانی،
- بیر مۇي سايمارام پاشانی،
- مهبوب خانیم، شیرین خانیم!
- آلدی شیرین خانیم:
- دۆشمان سندن قیصاص آلار،
- مئيدان آچیب، قێلینج چالار،
- آخان قانلار آخیر اولار،
- چاي کور‌اوغلو، چاي کور‌اوغلو.
- کور‌اوغلو:
- کور‌اوغلو مايیل ساچینا،
- گؤزللیگین شۇخ تاجینا.
- قارغالار نئيلر لاچینا،
- مهبوب خانیم، شیرین خانیم!
- مهبوب خانیم:
- گؤزللر قادانی آلا،
- عشقین درياسینا دالا،
- قورخورام امه‌يین اولا،
- زاي کور‌اوغلو، زاي کور‌اوغلو!
- کور‌اوغلو آياغا قالخدی. قێلینج باغلادی، قالخانینی کئچیردی. قێراتین
- بئلینه قالخدی. دلیلر ده آتلاندیلار.
- کور‌اوغلو اۆزونو دلیلره تۇتوب دئدی:
- – بۇ يولدا ایگیدلیک، مردلیک گؤسترمیسینیز. مهبوب خانیمی، بللی
- احمد، سنه، شیرین خانیمی دا، دلی حسن، سنه وئریرم. گؤتورون
- گئدک.
- بللی احمد مهبوب خانیمی آغجاقوزونون ترکینه، دلی حسن
- ده شیرین خانیمی دۆراتین ترکینه چکیب يولا دۆشدولر. او طرفدن
- کئشیکچیلردن سلامات قۇرتارانلار اؤزلرینی پاشايا يئتیردیلر، دئدیلر:
- – چنلیبئلدن ایکی آتلی گلمیشدی. کور‌اوغلونو دا زینداندان چێخارتدیلار.
- پاشا حؤکم ائله‌دی. قوشون گئجه گؤزو آتلاندیلار يولا دۆشدولر. کور‌اوغلو
- گؤردو قوشون يئتیشیر، آلدی گؤرک نه دئدی:
- میسری قێلینج آلین اله،
- سیز او ياندان، من بۇ ياندان،
- آل قانی دؤنده‌رک سئله،
- سیز او ياندان، من بۇ ياندان.
- پاشانین قددینی بۆکک،
- باشلار کسیب يئره تؤکک،
- مۆخننته قێلینج چکک،
- سیز او ياندان، من بۇ ياندان.
- دؤنوم مرد ایگید باشینا،
- گلدیز کور‌اوغلو خوشونا،
- قان اۇددوراق بۇ قوشونا،
- سیز او ياندان، من بۇ ياندان.
- سؤز تامام اولدو. اۆچ نفر اؤزلرینی قوشونا وۇردولار. گئجه واختی
- کور‌اوغلو بیر ياندان، بللی احمد بیر ياندان، دلی حسن ده بیر ياندان
- قوشونو قێرماغا باشلادیلار. کور‌اوغلو هردن نره چکیب قێلینج وۇراندا
- قوشون اهلی قورخوسوندان آغاجدا يارپاق اسن کیمی اسیردی. آخیردا دلیلر
- قوشونو ياریب آرادان چێخدیلار. مهبوب خانیم بللی احمدین، شیرین
- خانیم دا دلی حسنین ترکینده اۆز چارداخلی چنلیبئله قويدولار.
قایناق‌لار
- Azadliq . org