پرزاد خانیمین چنلیبئله گلمه یی edit
آنا آنلاتیم
- پرزاد خانیمین چنلیبئله گلمه یی کوراوغلونون داستانی
بلی، عزیزلریم، سیزه هاردان خاوار وئرژم، آغجاقوزودان. او واخت کێ اسمر قاری آغجاقوزويو هاسان پاشیيا تهویل وئردی، همن گۆننن کؤرپؤيو دايالارا تافشیردیلار. دايالار ادف-ارکاننان بۇنا قۇللوق ائلیگیر، تمیزدیگینه، يیمه‌يینه، ایچمه‌يینه فیکیر وئرئر، نئژه لازیمدی. بیر سؤزنن، خیدمتینده دۇروردولار. واخت گلدی، وعده يئتیشدی، جاماهاتین اۇشاغی آينان، ایلنن بؤيوينده آغجاقوزو ساهاتنان، گۆننن،هفتئينن بؤيويوردو. اۇشاخ گلیف يئددی ياشینا چاتمیشدی، امبه اون بئش، اون آلتی ياشدیلاردان سئچیلمئردی. هاسان پاشا اۇشاغین بئله بؤيومه‌سیننن چوخ خوشحال اولموشدو. گئژه-گۆندوز گؤزونو اونون اۆستوننن چکمئردی. نئچه مۆعللیم تۇتموشدو، اونون ساوادینی آرتیرئردی، نئچه مۆعللیمی آغجاقوزويا قێلینج اويناتماخ، آت چاپباخ، گۆلش تۇتماخ، سۇدا اۆزمک، اوددان تۇللانماخ درسدری وئرئردیلر. بۇ ائله بیر اۇشاغیيدی کی، ذهنی آفلاتون کیمی کسئردی، آغلی-کمالی، قددی-قامتی بیر اؤزگه آلامیيدی. آت چاپاندا آتین بئلینده مین بیر فند ایشته‌در، قێلینج اويناداندا قێلینجیننان قێغیلجیم چاخار، کۆشدو تۇتاندا پهلیوانلارنان دیزینی يئره گتیرر، کوتان اکدیرردی اوننارا. بئله بیر اوغلانیيدی آغجاقوزو. آغجاقوزو گلیف اون بئش ياشینا يئتیشمیشدی. سسی‌نین ديَیشن، اۆزونون بوزاران واختیيدی. بیر گۆن مدرسه‌دن درسدن گلن واخت، قێزدار مدرسه‌سی‌نین قاواغیننان کئچنده گؤزو آلا گؤزلو، قلم قاشدی، اۇزون ساشدی بیر قێزا ساتاشدی. بیر نئچه گۆن بۇ قێزین دردیننن دیوانه کیمی گزدی. نسه هرریگیف-فێرریيیف بیر خلوت يئرده قێزین قارشیسینی کسدی. اۆرگی‌نین دؤيونتوسونو اونا بیلدیردی.
- قێز دئدی:
- – آغجاقوزو، من سنین امین جعفر پاشانین قێزی پرزاد خانیمام.
- سن هئچ قم ائله‌مه، عمی قێزیينان، عموغلونون کبینی گؤيده کسیلیف.
- آرخايین اولا بیلرسن کی، من سنینم. امبه بیر مصلحت ائله‌مک
- ایستیگیرم سانا. ائشیتمیشم سن هر بیر علمنن ساوادین، باجاریغین وار،
- ایگیدلیگینی، پهلیوانلیغینی دا هامی سؤيلويور. بیرجه چاتیشمايان جهتین
- اودو کۇ، چادوکارریغی بیلمئرسن. آدام گرک هر شئيدن خاواردار اولسون،
- بیر ده گؤردون او دا لازیم اولدو، نه بیلمک اولار؟!
- آغجاقوزو دئدی:
- – عمی قێزی، جادوکارریخ نه اولان شئيدی کی، اونو بئله تعریفلیگیرسن؟
- پرزاد دئدی:
- – عموغلو، منیم علمیم اوندادی کی، من جادی‌نین گۆجوينن چؤپو
- قله‌مه، سیچانی تويوغا، آدامی تۆلکويه، قێزی گؤيرچینه چؤيوره بیلئرم.
- ایستیگیرم، سن ده بئله شئيلری اؤيرنه‌سن.
- قێزین دئدیکلری آغجاقوزويا چوخ خوش گلدی، دئدی:
- – عمی قێزی، به منه بۇلاری کیم اؤيره‌ده بیلر؟
- پرزاد دئدی:
- – منیم موللام بئله شئيلرده چوخ ماهیردی، عمیمه دئ، سنی اونا
- تافشیرسین، دالیسیننان ایشین يوخدو.
- آغجاقوزو هاسان پاشانین حۆضورونا گلدی، ادفنان سلام وئردی.
- دئدی:
- – باوا، سننن بیر تاواققیم وار، مۆمکونسه، منی ده پرزاد
- خانیم اوخويان مکتبه گؤندر.
- باواسی دئدی:
- – عزیز بالام، من سنی علم اؤرگنمه‌يه، سرکرده اولماغا لايیخ
- مکتبه قويموشام، بۇ گۆن-صاباح من دۆنيادان کؤچننن سونرا
- يئریمده سن قالاژاخسان، بۇ بويدا مۆعللیملر کی، سانا درس دئدیلر،
- فند اؤيرتدیلر، اولار سانا بس ائله‌مه‌دیمی، گئدیف ده جادوگوننوک اؤرگنمک
- ایستیگیرسن؟
- آغجاقوزو دئدی:
- – باوا، پرزاد دئيیر کی، آدام گرک هر شئيدن آگاه اولسون. من
- ده ایستیگیرم، هر شئيی بیلیم.
- هاسان پاشا ایرازیلیخ وئردی، دئدی:
- – مصلحت سنیندی، منیم بالام. گۆنو ساواخدان گئدرسن همن
- مکتبه.
- بلی، ساواخ آچیلدی، اۆستونوزه خئيیرری ساواخلار آچیلسین، عزیزدریم، آغجاقوزو
- سؤيونه-سؤيونه گلیف پرزادی تافدی، باواسی‌نین ایرازیلیغینی بیلدیردی.
- پرزاد دا بۇ ایشه چوخ سؤيوندو، همن گۆننن آغجاقوزو جادوکرریک
- درسی کئچمه‌يه باشدادی.
- پرزاد درسده آغجاقوزويا فیکیر وئرئردی، باخیف گؤردو کۆن، بۇ هئچ
- جادوکرریيه ماينا قويمور (فیکیر وئرمئر)، فیکری-ذکری آت چاپباخدا،
- قێلینج اويناتماخدادی.
- بیر گۆن پرزاد آغجاقوزويا اۆز تۇتدو، دئدی:
- – آغجاقوزو، من سنی اؤزومنن چوخ ایستیگیرم، حیاتدا سننن
- ياخینیم يوخدو. گؤرئرم کی، سن بۇ جادوکارریغا هئچ اۆرکنن گیریشمئرسن.
- آغجاقوزو دئدی:
- – يوخ، پرزاد، عمی قێزی، سهوین وار.
- پرزاد دئدی:
- – اوندا گل اؤيرندیکلریمیزی سێناخدان چێخارتماقدان اؤتری آتداریمیزی
- مینک، شهردن چێخاق.
- آغجاقوزو دئدی:
- – چێخاخ، سن دئين اولسون!
- آتداندیلار، شهردن چێخیف بیر مئشه‌نین اورتاسینا چاتدیلار، گؤينک،
- منظره‌لی بیر گۇشه‌ده آتدان تۆشدولر. بۇ آرادا پرزاد بیر دۇعا اوخويوف،
- آلاقانات بیر قۇشا دؤندو، اۇچدو گئتدی، قوندو بیر آغاجین باشینا.
- همن سئهیردن بیرینی ده آغجاقوزو اوخودو، بۇ دا اۇچوف قوندو اونون
- يانینا. قێز آغاجدان ائنیف، بۇ دفعه بیر آيری لیواسا تۆشدو.
- آغجاقوزو دا عيناً همن لیواسا تۆشدو. پرزاد بۇ دفعه دويشان
- لیواسینا تۆشدو. آغجاقوزو بیر قۇرد اولوف دويشانین قاواغینی کسدی. پرزاد
- بیر سئهر اوخودو، پلنگ لیواسینا گیردی. بۇ يئرده آغجاقوزو اجیز قالدی.
- پرزاد باخدی، گؤردو کۆ، آغجاقوزو اوننان باژارمادی، دئدی:
- – عموغلو، منیم جادوکارریغیم سننن اۆستون اولدو. بۇ گۆننن
- سورا سننن منیمکی تۇتماز. من بۇ گۆننن اۇلويوف وحشیلره قوشولورام.
- اگر منی اؤز سئهریننن اولکی حالیما گتیره بیلسن، سنینم،
- يوخ، باژارماسان منی ده گؤرمويژسسن.
- پرزاد بۇنو دئيیف، اۇلويا-اۇلويا حئیواننارا قوشولوف گؤزدن ایتدی.
- آغجاقوزو کور-پئشمان شهره قايیتدی. اؤز سارايلارینا چاتار-چاتماز
- عمیسی جعفر پاشا اوننان پرزاد خانیمی خاوار آلدی.
- آغجاقوزو باشینا گلن احوالاتی نئژه کین بیز دئمیشدیک، ائلژه ده
- عمیسینه ناغیل ائله‌دی.
- جعفر پاشا ایکی اللی باشینا دؤيدو کۆن، “قێز الیمنن گئتدی”.
- جعفر پاشا چوخ گؤتور-قوي ائله‌دی کی، بۇ قێزی کیم قايتارسین، کیم آدام
- لیواسینا سالسین. بۇ ياننان دا خاوار چێخدی کێ، بس دئمزسنمی، اۇشاخلارا
- جادیکون درسی اؤيره‌دن موللا دا دۆنيه‌سینی ديَیشیف. باشقا يئرلرده ده
- بئله جادوينان مشغول اولان يوخويدو.
- آغجاقوزو بۇ ایشدن چوخ ميوس اولدو، باشینی گؤتوروف ائيوانین خلوت
- بیر گۇشه‌سینده يۇخويا گئتدی. يۇخودا باخیف گؤردو کۆ، کیمسه بۇنو
- اويادیر. گؤزونو آچاندا گؤردو آلچاخ بويلو، ائننی کۆرهلی، نۇرانی بیر
- آدامدی کێ، واللاهی گؤزوننن، اۆزوننن نۇر قالخیر. آغجاقوزو باشینی
- يۇخاری قالدیردی، بۇ نۇررو صیفته باخدی. کیشی دئدی:
- – سلامملئيکوم، اوغول! اوغول، سن نه فیکیرنن ياتمیشدین؟
- آغجاقوزو دئدی:
- – باوا، پرزاد خانیمین فیکریننن ياتمیشدیم کی، بیزی نیيه بۇ گۆنه
- قويدو؟!
- – اوغول، اونو بیل، يازیيا پوزو يوخدو، ایلاهی نه يازیف، اونو گؤرمه‌لی‌يیک.
- اونا گؤره ده، آل بۇ پیياله‌نی نۇش ائله.
- آغجاقوزو پیيالئيی آلدی، نۇش ائله‌دی.
- – اوغول، من بۇ ساغ الیمی سنین کۆرگینه چکیف، قێرخ گۆننويونه اؤز
- قۆوومی سانا وئرئرم. قێرخ گۆن سنین گۆژونه اللهدان باشقا هئچ کس
- اۆستون گلیف، سنی يئنه بیلمز. بۇ قێرخ گۆن عرضینده گئدیف قوچ کور‌اوغلويو
- تاپارسان، او کور‌اوغلودان باشقا سنین پرزاد خانیمینی سانا چاتدیران
- اولموياژاخ. اینشاللاه، مۇرازینا چاتارسان، – دئيیف، همن آدام گؤزدن
- ایتدی.
- آغجاقوزو آتاسی‌نین حۆضورونا گلدی، دئدی:
- – مهریبان آتا، مانا ایختیيار وئر، گئدئم پرزاد خانیمی آختاریف،
- تاپئم.
- هاسان پاشا دئدی:
- – اوغول، سن اونو تاپیف گتیره بیلمزسن، چۆنکو او تیلسیمده‌دی، سنین
- ده او تیلسیمه گۆژون چاتماز.
- آغجاقوزو دئدی:
- – او کۇن ایجازا وئرمئرسن، اوندا مننن سانا اوغول اولدو يوخدو. من
- بۇ گۆننن گئتدیم پرزاد خانیمی آختارماغا.
- آتا دئدی:
- – اوغول، بیل کین، من سانا ایختیيار وئرمئرم.
- آغجاقوزو دئدی:
- – مهریبان آتا، سنین ثروتیننن منیم پايیما نه تۆشرسه
- وئرگینن، اؤزومنن آپاریف گئدئم، پۇلنان دا، قێزیلنان دا اولسا، من اونو
- آلیف-تاپیف گتیرژم.
- آتاسی دئدی:
- – يوخ!
- آغجاقوزو گنه ده سؤزوننن دؤنمه‌دی.
- آخیردا هاسان پاشا باخدی گؤردو، بۇ، اینادیننان دؤنه‌سی شئي دؤيلو –
- ایرازیلیخ وئردی. خزنداری يانینا چاغیردی. يئددی دوه يۆکو وار-دؤولت،
- قێزیل، گۆموش دولدوروف، آغجاقوزويو يولا سالدیلار.
- آغجاقوزو ایستانبولدان اۆز تۇتدو کور‌اوغلو دئين سوراخلاشماغا. اوردا
- کور‌اوغلو، بۇردا کور‌اوغلو، بۇنو سالپادیلار چنلیبئله. آغجاقوزو اۆز
- قويدو چنلیبئله.
- آغجاقوزو يول گلمکده اولسون، سیزه دئيئم قوچ کور‌اوغلودان. کوراوغلونون
- هايلی-هارايلی واختیيدی. دلیلری هامیسی باشیندا جمعیيدی. آغالاردان،
- پاشالاردان، بزیرگانلاردان، دفعه‌‌لرنن هاسان پاشانین، جعفر
- پاشانین اؤزوننن باجی-خاراج آلمیشدی، چنلیبئله چکیلمیشدی.
- گۆننرین بیر گۆنو قوچ کور‌اوغلو جعفر پاشانین سرراف زرگولاف
- آدیندا بیر تاجیرینی تالان ائلیگیف، اونو قان ایچینده چنلیبئله گتیریف چێخارتمیشدی.
- نیيار خانیم آتاسی جعفر پاشانین تاجیرینی بۇ کؤکده گؤروف، اۆرگی
- چوخ قۇبارراندی.
- دئدی:
- – آ کور‌اوغلو، بۇ منیم باوامین ان ياخشی تاجیریدی. سنین اینصافین
- يوخويدومو، بۇنو بۇ گۆنه سالیفسان؟! وارینی-دؤولتینی آلیفسان، اؤزونو
- نیيه بۇ حالا سالیفسان؟
- کور‌اوغلو دئدی:
- – نئژه يانی، من ایگیدم، قاواغیمنان ایکی دیللنه‌نی من اۆچ دفعه
- يۇمروخنان وۇرارام.
- نیيار دئدی:
- – آي کور‌اوغلو، اؤزو تۆرک اولان، تۆرکه بۇ دیوانی تۇتماز، سن نه قانسیز
- آدامیيمیشسان؟
- کور‌اوغلو دئدی:
- – اونون پاشاسی منیم آتامین گؤزدرینی اويدوروف، من نه تهری
- اونون تاجیریننن هايیفیمی آلمیيیم؟
- نیيار خانیم دئدی:
- – آتايین گؤزدرینی جعفر پاشا چێخارتدیریف، گئت هئساوینی دا اوننان
- چک، گۆژون يازیخ-يۇزوخلارا نه ياخشی چاتئر؟ الله هاسی اللهدی، بۇ
- تاجیرین هايفینی سنده قويسون. سنی آغام الیيه تافشیرئرام، قوي سنین
- هئساوینی او اؤزو چکسین.
- کور‌اوغلو قێمیشدی، دئدی:
- – بۇ گۆژو-قۆووتی مانا الی اؤزو وئریف، اؤزو ده بیلر، سن اونون ایشینه
- قاریشما.
- نیيار خانیم دئدی:
- – نه اولار، بۇ منیم آرزومدو، سنی اونا ایراست گله‌سن، سنین بیر
- درسینی وئرسین.
- کور‌اوغلو نیيارنان بۇ صؤحبتدن سونرا آغقايیيا سمت گلدی کین،
- گؤرسون يولدا-ایزده گلیف گئدن وارمی؟ آغقايیيا ياخینناشاندا گؤردو
- کۆن، يولنان بیر کاروان گلئر. خئيلی گؤزده‌دی، کاروان لاف ياخینناشدی.
- کور‌اوغلو دئدی:
- – بیر گئدئم گؤرم بۇ، نه کارواندی؟
- قێراتین جیلويونو يێغیشدیریف، آلیجی قۇش کیمی يهرین اۆستونه سێچرادی، آياق
- اۆزنگیيه، دیز قاویرغايا اۆز قويدو کاروانا طرف. گؤردو، کاروانین قاواغیندا
- بیر جاوان اوغلاندی، ائننی کۆرهلی، اۇجا بويلو، گؤزل-گؤيچک، ائله
- بیلگینن آغالیغین هله کالیدی، بێغلارینی هژه‌مت کۆره‌سی کیمی آرخايا اؤتوروف.
- کور‌اوغلو دئدی:
- – آي اوغول، سن کیمسن، هاردان گلئرسن؟
- – افندیم، من چوخ اۇزاخدان گلئرم. ایستانبولدان گلئرم.
- – او کۆن، ایستانبولدان گلئرسن، زحمت چک آتدان ائن، کجاوئيی
- ياواش-ياواش او گؤردويون چنلیبئله قالدیرگینن.
- – آ کیشی، نَيه گؤره کجاوئيی اورا قالدیرئم، دده‌‌نه بورجوممو وار؟
- کور‌اوغلو بیر دلی نره چکدی.
- آغجاقوزو دئدی:
- – ايه، اۇشاخ-زاد ها قورخوتمورسان، نَيه باغیرئرسان، بۇرا باغیرماخ
- يئریدیمی؟
- کور‌اوغلو باخدی کی، اوغلان چوخ چتین قايادی، دئدی:
- – گل اول بۇنو بیر سازنان قاندیر.
- گؤتوردو گؤرک نه دئدی:
- ایستانبولدان شیکار دۆشدو الیمه،
- وئر مالینی، قۇرتار جانین، چکیل گئت!
- بۇلايارام سنی قێزیل قانینا
- وئر مالینی، قۇرتار جانین چکیل گئت!
- – آي قارداش، سن بۇرانین قوروخچوسوسان، قوچوسوسان، يوخسا نَيیسن،
- من مالیمی سانا نیيه وئریف گئدئرام؟ او کۇ سؤز دئدین، سؤزونه جاواف
- آلئينان، گؤر من نه دئرم:
- ایکی ایگید بیر-بیریننن اۆزدشیر،
- باش گئتمه‌میش مالیم سانا وئرمه‌رم!
- قێلینج وۇررام، يارالارین سێزلاشیر،
- باش گئتمه‌میش مالیم سانا وئرمه‌رم!
- بۇ جاوانین بئله جاواف وئرمه‌سی، کوراوغلونون باشیننان ائله بیل بیر
- قازان قاينار سۇ تؤکدو. اؤز-اؤزونه دئدی:
- – بۇ کیمه جاواف قايتارئر، بۇ کیمنن دانیشئر، بۇ، نه دانیشئر، بۇ،
- نه دانیشئر؟
- کور‌اوغلو حیرصدندی، بیر اويان، بیر بۇ يانا باخدی، بئيقافیل زهمنن
- آغجاقوزونون باشینا بیر توپبوز ائندیردی. آغجاقوزو توپبوزون قاواغینا
- قالخان تۇتدو. توپبوز قالخانا ديَن کیمی توز دۇمان دؤرد طرفی
- بۆرودو. توز يئری-گؤيو بۆروين کیمی، کور‌اوغلو دئدی:
- – واي، بۇ جاوانی ناهاخ بادباخت ائله‌دیم.
- توز آرالانان کیمی کور‌اوغلو باخدی کی، اوغلان دیمدیک قاواغیندا
- دۇروف. کور‌اوغلو باخدی گؤردو بۇنون هئچ رنگی ده قاچمیيیف، گؤزدر اود
- تۇتوف يانئر، کور‌اوغلويو هئچ آدام يئرینه ده سايمئر. اوغلانین بئله
- تپری کور‌اوغلويو قورخويا سالدی، دئدی:
- – گل بۇنا چاتدیر کی، آي ظالیم اوغلو، قاواغینداکی تک دؤيلو، اونون
- دالیندا يئددی مین يئددی يۆز يئتمیش يئددی دلی وار. اودو کۇ، گؤتوردو
- سازینی، گؤرک نه دئدی:
- ایندی دلیلریم گلر قۇرد کیمی،
- ایکی گؤزون بیردن اولار دؤرد کیمی،
- باشین گئدر، لئشین قالار يۇرد کیمی،
- وئر مالینی، قۇرتار جانین، چکیل گئت!
- آغجاقوزو گؤزدری‌نین آلتیننان باخیف گؤردو کۆ، قوروخجويو يامان
- قئيزه گتیریف. آلدی دئدی:
- – آ کیشی، قۇلاخ آس:
- ایگید گرک قۆربت ائلده آتدانا،
- قێلینج وۇررام بۇ يئر دؤنر بوستانا،
- يۆز تۆلکو نئيله‌ير بیر آج آسدانا،
- باش گئتمه‌میش مالیم سنه وئرمه‌رم!
- کور‌اوغلو قئيزه گلدی، دئدی:
- – ايه، بۇ نه دانئشئر، گل بۇنا قاندیر دئينن، ايه، ظالیم اوغلو،
- من کور‌اوغلويام آخی! آلدی گؤرک کور‌اوغلو نه دئدی:
- کور‌اوغلويام، بۇ يئرلرده گزه‌رم،
- اۇزاخدان، اۇزاغا شیکار سۆزه‌رم،
- داردیف بدنیننن باشین اۆزه‌رم،
- وئر مالینی، قۇرتار جانین، چکیل گئت!
- آغجاقوزو دئدی:
- – ايه، بۇ سياخلیيیر دئيه‌سن، کوراوغلونون آدیندان منی تورا
- سالماخدی فیکری. بۇنون قاواغیننان قورخماق کیشیلیکدن دؤيلو.
- آلدی آغجاقوزو:
- آغجاقوزويام، هر يئتنه ائنمه‌رم،
- مۆخننتنن دانیشمارام، دینمه‌رم،
- من هئچ سنی آياخ توزو سانمارام،
- باش گئتمه‌میش مالیم سانا وئرمه‌رم،
- آغجاقوزو ائله کی دئدی: “من هئچ سنی آياخ توزو سانمارام”، – بۇ
- سؤز کور‌اوغلويا يامان اثر ائله‌دی، ایسته‌دی قێلینجا، عمودا ال آتسین. سونرا
- ال ساخلادی، دئدی، اللهین ایشینی بیلمک اولماز، دئيه‌سن، بۇردا نسه وار.
- ال ساخلادی. دئدی، قوي بۇنو بیر ياخشی سێنايیم.
- دئدی:
- – اوغول، سن کور‌اوغلو آدی ائشیدیفسنمی؟
- آغجاقوزو دئدی:
- – ائشیتمیشم! کوراوغلونون آدینی ائشیدنده گؤيده ملکلر سيریشیر.
- کور‌اوغلو دئدی:
- – اوغول، او کۇ کور‌اوغلو آدی ائشیدیفسن، به نیيه بئله جاواف وئرئرسن؟
- آخی قارشیندا دايانان همن کور‌اوغلو منم.
- آغجاقوزو دئدی:
- – من اینانمئرام سنین کور‌اوغلو اولماغینا. سن کور‌اوغلو اولماغینی
- نَينن ثبوت ائلیيه بیلرسن؟
- کور‌اوغلو دئدی:
- – او کی اینانمئرسان، قۇلاق آس، گؤر کور‌اوغلو باوان سانا نه دئر:
- ایکی لکه بیر مجلیسه گلنده،
- او مجلیسین حالی پریشان اولار.
- ایکی ایگید بیر مجلیسه گیرنده
- بضار اوتاخلار آلیشان اولار.
- ... اوداسینا
- اودون گتی اوداسینا
- نامردین باشی باتسین،
- اؤزو ندی، اوداسی نه؟!
- آغجاقوزو دئدی:
- – بَيیم، بَيیم، لکه اؤزونو بیلیرسن، ایگیت منی؟! چۆنکو سن يئتیرن
- کیمی، مننن توپبوز داواسینا گلدین، زورروخ ایشلتدین. سن اؤزون
- کور‌اوغلو اولدوغونو دئسئيدین، من ده سنین قارشیندا لاياخسیز سؤزدر
- ایشدتمزدیم.
- کور‌اوغلو دئدی:
- – اوغول، گؤر هله بیر نه‌لر ائشیدژکسن.
- آلدی گؤرک کور‌اوغلو نه دئدی:
- مرد ایگیدلر دولو باده‌لر ایچر،
- دوست يولوندا شیرین جانیندان کئچر،
- مۆخننتلر داوا گۆنونده قاچار،
- کوللارین دالیندا پهلیوان اولار.
- ... تمیز آدا
- دريا ساخلار تمیز آدا،
- يۆز يئردن لکه ياخسان،
- ياخیلماز تمیز آدا.
- آغجاقوزو دئدی:
- – ائيواللاه، ائيواللاه، ایندی بیلدیم، سن کور‌اوغلوسان. دئمه‌لی، سن
- مرتیکیننن بۇ کاروانی منیم الیمنن آلیف آپارماخ ایستیگیردین، باشیما
- دا توپبوز وۇروردون. دئمئردینمی، بۇ، اۇشاخدی قورخار، بۆدورير.
- کور‌اوغلو دئدی:
- – قۇلاخ آس، گؤر نه دئيیرم.
- آلدی کور‌اوغلو:
- کور‌اوغلويام هاشا چکمه‌رم مرددن،
- مۆخننت ایش ايسیي اولماز نمرددن.
- بیر کئچی جانینی قۇرتارسا قۇرددان،
- باخار بۇينوزونا کرکادان اولار.
- ... آرخا ساری
- بئل گؤتور آرخا ساری
- مرد ایگیددن دوست تۇت،
- اؤزونه آرخا ساری.
- سؤز تاماما يئتدی. کور‌اوغلو دئدی:
- – اوغول، اولما سن جانینی مننن قۇرتارمیش سايئرسان. دوغرودان،
- من کور‌اوغلويام.
- آغجاقوزو دئدی:
- – سن کور‌اوغلوسانسا، اوندا منی منزیلینه آپار، اير کور‌اوغلو
- اولماغینی تاسدیق ائله‌مه‌سن، من دوه‌نین اۆستوننن تۆشن دؤيلم. اؤزو
- ده سنین کیمی يۆزو گله، مانا گۆژ گله بیلمز، مننن بادی-خراج
- آلا بیلمز.
- کور‌اوغلو دئدی:
- – اوغلو، گؤرئرم، کیمسه سن آرخئيینسان، اونو هله باشا تۆشه بیلمئرم.
- سۆر کاروانینی آرخامجا گئدک.
- آغجاقوزو کوراوغلونون آرخاسینجان چنلیبئله ساری قالخدیلار. چنلیبئله
- چاتان کیمی نیيار خانیم همئشه‌کی کیمی کوراوغلونون قارشیسینا
- چێخدی. باخدی گؤردو، کور‌اوغلو اؤزوننن بیر اوغلان گتیرئر، ایلاهی، بۇ
- جۆسسه‌ده، بۇ گؤزللیکده ایگید بلکه ده هئچ چنلیبئلده ده يوخدو. ائله بیل
- قۆدرت قله‌میننن يارانیف ظالیم اوغلو. دوه‌نین اۆستونده آغايانا
- ايلشیف، گؤزدر قايیر-قايیر قاينايیر.
- نیيار خانیم کور‌اوغلويا باخیف دئدی:
- – کور‌اوغلو، بۇ کیمدی؟
- کور‌اوغلو دئدی:
- – سنین امین اوغلودو، هاسان پاشانین اوغلودو.
- نیيار خانیم دئدی:
- – ائله شئي اولماز.
- کور‌اوغلو دئدی:
- – اؤزودو کی، وار. ایندی تافشیر تامام اوتاخلار بضاسین، دلیلر هامیسی
- جمع اولسون. دلیلر تامام جمع اولدولار، يێغیلدیلار.
- آغجاقوزو گؤردو کۆ، بۇ دوغرودان دا کور‌اوغلودو. دوه‌دن ائندی،
- دئدی:
- – آغا کور‌اوغلو، بۇ يئددی دوه يۆکو وار-دؤولت سنین، دوه‌لر
- سنین، آنجاخ من واجیف بیر ایش اۆچون سنین اياغینا گلمیشم.
- آغجاقوزو پرزاد خانیم حاقیندا اولان صؤحبتی کور‌اوغلويا نقل
- ائله‌دی. کور‌اوغلو دئدی:
- – اوغول، قوي بۇ سیرر قارنیندا قالسین، نیيار بیلمه‌سین، هئچ کسه هئچ
- شئي دئمه. من ایندی دلیلردن بیر نئچه‌سینی چاغیراژام. گؤرک کیم
- مننن گئدر. اۆچ گۆنون ایچریسینده سنین پرزادینی گتیردیم گتیردیم،
- گتیرمه‌دیم من کور‌اوغلولوغومو اۆستومنن گؤتورژم.
- کور‌اوغلو گؤتوردو گؤرک دلیلری نئژه چاغیردی:
- دئ، آتدانسین قوچاخلاریم،
- باشی جاننان کئچن گلسین.
- ائيواز خانا جانیم قۇروان،
- مرد الیننن ایچن گلسین.
- ائيواز خان باده‌ی باشینا چکیف کوراوغلونون آرخاسینا آددادی، دئدی:
- – آغا کور‌اوغلو، نولوف، من همئشه سننن وار دئيلممی، ائله سؤز
- دانیشئرسان؟ دلیلرین هامیسی‌نین گؤزدری آچیلیف، قۇلاخلاری شئشله‌دی؛ آيه،
- گؤرن بۇردا نه وار؟
- اوناتان کور‌اوغلو آلدی گؤرک نه دئدی:
- لیواسین پولاد گئيننر،
- دوننوغون مننن يئيننر،
- آدینا دلی دئينلر،
- شیرین جانا قێيان گلسین
- – دئينده، بللی احمدنن، حالايپوزان دا کور‌اوغلويا طرف آددادی.
- گؤتوردو کور‌اوغلو گؤرک نه دئدی:
- گزک داغلاری-داشداری،
- سوولوياخ سر قێلیشداری،
- کوراوغلونون قارداشداری،
- ياغی باغری پیچن گلسین.
- خان ائيواز، بللی احمد، حالايپوزان – اۆچو ده کوراوغلونون آرخاسیندا
- داياندیلار. دئدیلر:
- – کور‌اوغلو، نه اولار-اولسون، هارا دئسن گئتمه‌يه هاخیریخ.
- کور‌اوغلو دئدی:
- – عزیز دلیلریم، من ایسته‌سم امر وئررم، بۆتون دلیلر آرخامجا
- گلر. امبه بۇ امر دؤيلو، بۇ بیر تیلسیم قێرماخدی. اونا دا دؤرد نفر
- کیفايت ائلیير.
- کور‌اوغلو نیيارا ساری دؤنوف دئدی:
- – نیيار خانیم، من گلنه‌جن دمیرچیوغلو، دلی حسن بۇردا
- باشچی اولار، بۇ مننن گلن بۇ ایگید ده سرکرده اولار. او نه امر وئرسه،
- اونون امرینه عمل ائله‌يرسینیز.
- کور‌اوغلو بۇنناری دئيیف، آتدارا سۇوار اولدولار. دؤرد نفر دلی يولا
- دۆشوف آغقايیيا چاتاندا، ائيواز خان دئدی:
- – آغا کور‌اوغلو، باشینا قۇروان اولام، بیر اونجا دايغالیغینا آنام
- نیيار خانیما سؤزوم وار.
- کور‌اوغلو دئدی:
- – اوغول، بۇيور.
- ائيواز خان آلیجی قۇش کیمی آتینی چاپیف گلدی داياندی نیيار خانیمین
- حۆضوروندا، دئدی:
- – آنئيی-مهریبان، سن کوراوغلونون اۆرگی‌نین تمیزدیگینه باخما.
- نه قدر اولماسا، آغجاقوزو دۆشمان اوغلودو، اونو گؤزدن قويما، بیزی
- آلدادا بیلر.
- نیيار خانیم دئدی:
- – بالا، بالا، بۇ درسی باوان کور‌اوغلو مانا گئجه کئچیف. آرخئيینجا
- چێخین گئدین، هئچ شئيین فیکرینی چکمیگین.
- ائيواز خان نیيار خانیمین بۇ سؤزوننن سونرا بیر قدر آرخئيیننیخ
- تافدی. چاپاراخ گلیف آغقايادا يولداشلارینا چاتدی. “يا الله” – دئيیف
- يولا دۆزلدیلر. آز گئتدیلر، چوخ گئتدیلر، او داغا چاتدیلار کێ، آغجاقوزو
- او داغی سالیخ وئرمیشدی. پرزاد خانیم هاسی داغا چێخمیشدی، آسداننارا
- قاریشیف هاسی سمته گئتمیشدی، گلیف همن يئره چێخدیلار. داغین اته‌يیننن
- آتداری باشدادیلار داغ يۇخاری سۆرمه‌يه.
- سیزه کیمنن خور وئرئم، پرزاد خانیمنان. پرزاد خانیم گؤردو
- کۆ، دؤرد آتدی گلئر. امبه بۇريا هئچ بنی اینسان اياغی ديَمئيیف. دئدی،
- گل بۇنناری يوخلاماخدان اؤترو، بنی-اینسان اولوف-اولمادیخلارینی بیلمکدن
- اؤترو بیر ایش آچ. اويدو کۇ، بیر سئهر ائله‌دی. داغین دؤشونده بیر باغ-بوستان
- عمله گلدی، گل گؤره‌سن. قارپیز، يئمیش، گۆل-چیچک گل کی گؤره‌سن!
- کور‌اوغلو باخدی گؤردو کۆ، آيا، باياخ سێلدیریم اولان قايالارین يئرینده
- قارپیز-يئمیش پیتیف، قێمیشدی، گۆلدو، دئدی:
- – بیزه آتیلان اوخا باخ.
- بۇ واختی ائيواز، بللی احمد آتدان سێچراشدیلار، جۇمدولار بوستانا.
- هاسی قارپیزی کسدیلر دۆماپپاغ، هاسی يئمیشی کسدیلر زهریمار، زککوم،
- آغیزا وۇرولاسی دؤيلو.
- کور‌اوغلو دئدی:
- – اوغول، اوغول، آتدانین، سیز بیلین کی، بیز بۇرايا جادويا تۆشمه‌يه
- گلمه‌میشیک، جادو پوزماغا گلمیشیک. مننن آيری تۆشمويون، مننن
- آيری تۆشسه‌نیز، اؤزونوزو گۆدازا وئررسینیز.
- بوستانی ياریف کئچن واختی پرزاد خانیم باشا تۆشدو کۆ، بۇننار اینساندیلار،
- بۇنون دالیننان گلئللر. پرزاد بیر هئيوتدی شیر دونونا گیریف،
- قايانین اۆستونده اوتوردو. کور‌اوغلو باشا تۆشتو کۆ، همن شیر دونوندا
- قايانین باشیندا اوتوران پرزاد خانیمدی. چۆنکو حئیوان اولان ياراخلیياساخلی
- آداملاری گؤروف بئله حرکت ائله‌مزدی. بئله مقامدا وحشی
- حئیوان يا گرک آداما هۆژوم چکسین، يا دا قورخوف قاچسین. امبه بۇ،
- شستنن سینه‌سینی ده بۇنلارا تۇتوف تاماشا ائلیگیردی. کور‌اوغلو گؤردو، هئچ
- بیر علاج يوخدو، نه اوخنان آتیلاسیدی، نه ده تورا سالیناسیدی. قايانین باشینا
- دا کیم چێخا بیلر، اؤزو ده تیلسیملی قايادی، اودو کۇ، گؤتوردو گۆجو سازسؤزه
- چاتدی، گؤرک نه دئدی:
- اۇجا داغلارین باشیندا،
- من بیر آسدانا اۇغرادیم.
- يئدیم ایچدیم، دؤوران سۆردوم،
- باغا-بوستانا اۇغرادیم.
- پرزاد خانیم تئز سیلکیندی. آسلان لیواسیننان چێخدی. ائله بیل ملئيکه
- کیمی آنیردان بری بويلاندی. بری بويلاناندا داغلار-داشدار بۇ
- گؤزللیيه آفرین دئدی. بۇ واخت پرزاد خانیمین ياخاسینی يئل قالدیردی،
- نار ممه‌لر گؤروندو. ممه‌لر گؤروننده کور‌اوغلو دئدی:
- – ايه، بۇ ظالیم قێزی نه قايیردیغیدی.
- گؤتوردو گؤرک نه دئدی:
- بریدن گل، گؤزل، بریدن،
- اۆرگیمین ياغین اریدن،
- سیلکیندی، چێخدی دریدن
- ممه‌لی مستانا اۇغرادیم.
- بۇ سؤز پرزاد خانیمین خوشونا گلمه‌دی. دئدی:
- – ايه، آغلینا گلنی سؤيله‌مه.
- کور‌اوغلو دئدی:
- – منیم آغلیم باشیمدادی، سن آغلینی باشینا يێغ، اۆست-باشینا فیکیر وئر.
- پرزاد خانیم ايیلیف ياخاسینا باخاندا گؤردو، دۆز دئيیر، اينینده‌کی
- پالتارین ياخاسی تمیز آچیخدی. تئز سهوینی باشا تۆشتو، خژه‌لتیننن آيری
- لیوايا کئچدی. کور‌اوغلو گؤتوردو سؤزون داوامینی، گؤرک نه دئدی:
- کوراوغلونون واردی آدی،
- هئي گلیر دادی-فريادی،
- گؤرمه‌میشم بؤيله جادی،
- فیرنگیستانا اۇغرادیم.
- کور‌اوغلو گؤردو کۆ، پرزاد خانیم لیواسینی ديَیشدی، آنجاخ آنیردان
- بری بۇننارا ياخین گلدی.
- قێز دئدی:
- – قهرمان اوغلان، سنین فیکرین داغلارا، داشلارا.
- کور‌اوغلو دئدی:
- – خئيیر، ایگید گؤزل گؤردو جوشمالیدی، جوشماسا، او، هئچ ایگیت دؤيلو.
- گؤتوردو گؤرک داها نه دئدی:
- اۇجا داغلارین باشیندا،
- لبلی-لبلی قار گؤرونر.
- منیم بۇ خجیل کؤنلومه،
- آلا گؤزلو يار گؤرونر.
- پرزاد خانیم دئدی:
- – اوغلان، بَياخ من سانا دئدیم دیلینی چێلدیرراتما، سؤزويون اولینیاخیرینی
- بیل. بۇ داغین کلله‌سینده سنین کؤنلون نه يار ایستیگیر؟ اوکون يار
- خیيالینا تۆشوفسن، اوندا گرک سن بۇ يئردن سلامات قايیتماياسان.
- آغلینی باشینا توپلا، گؤر بیر من نه دئيیرم، سن نه ائشیدیرسن.
- آلدی پرزاد خانیم:
- باغلار ایچینده پئنجه‌رم،
- بۇ اوتاغیمدا بار گؤرونر.
- ایندی سنی من سانجارام،
- اطرافین شاهمار گؤرونر.
- – دئيیف، ائله بیر سئهیر اوخودو کۇ، بۆتون دؤرت يانی ایلان بۆرودو. هر طرفدن
- ایلاننار اۆسترینه هۆجوم چکدی. دلیلر بیر-بیرینه قێسیلیف، اللری قێلینجین
- قبزه‌سینده تیتیم-تیتیم تیتره‌دیلر. کور‌اوغلو اؤزونو ایتیرمه‌دی، دئدی:
- – خانیم، خانیم، قۇلاق آس:
- بیلمه‌دیم يارین فندینی،
- امئيدیم لبین قندینی.
- آچئيدیم گؤيسون بندینی،
- آغ سیننده نار گؤرونر.
- قێز دلی اولمادیمی، ایلدیزا چێخدی. بیر سئهیر اوخودو، يئر ياریلدی، دلیلر
- ده، کور‌اوغلو دا يئرین آراسیندا سێخیلان واختی، پرزاد خانیم دئدی:
- – ايه، ظالیم اوغلو ظالیم، قۇلاخ آس، منیم قوينومدا سنین نه ایشین
- وار.
- زمبور چکر بال اولاندا،
- حالین يامان حال اولاندا،
- دايان، دیلین لال اولاندا،
- گؤزدرینده تور گؤرونر.
- کور‌اوغلويو دلیلرنن باراوار تورپاخ سێخماغا باشلادی. هر طرفدن
- ده بیر نئچه شاهمار باشی چێخیف، اوننارا طرف اۇزانمیشدی. کور‌اوغلو
- متل قالدی، دئدی:
- – آيه، بۇ ظالیم قێزی‌نین جادیسی نه تهر جادیدی؟ گل بۇنا دئينن
- کی، يئکه کیشی قێزیسان، بئله ایشدریننن ال چک، آدام اول، آداملارا قاریش.
- مجبور ائله‌مه کی، الیمی قێلینجا آپارئم، سنی پارچا-پارچا ائلیگیم. منیم
- قێلینجیم ائله-بئله قێلیشداردان دؤيلو، منیم قێلینجیما حضرت الینین
- الی ديَیف. بۇ قێلینجین قاواغیندا جادو ندی، پیتی ندی، شاهمار ندی، سن
- نسن. گل منی مجبور ائله‌مه.
- آلدی کور‌اوغلو:
- قلم آلیب يازاممارام،
- بۇ قبره من دؤزممه‌رم،
- گئن دۆنيادا گزممه‌رم،
- دۆنيا مانا دار گؤرونر.
- پرزاد خانیم دئدی:
- – اير گنه آغلینا يار-مار سؤزو سالسان، واللاه، سنی اوننان دا پیس
- گۆنه سالاژام.
- آلدی پرزاد خانیم:
- پرزاد دئيیر، تانی منی،
- ترک ائتمیشم خانیمانی،
- شاهمار اوللام، چاللام سنی،
- دۆنيا سانا مار گؤرونر.
- کور‌اوغلو گؤردو کۆ، قێز دئدیگیننن دؤنمويژک، دئدی:
- – آي قێز، آدام بالاسیسان، منی هؤيسله‌دن چێخارتما، آند اولسون
- اللها، الیمی میسری قێلینجا آتسام، سنی ایکی يئره پارچالیياژام، تئز اول، بۇ
- تورپاغی آرالا، اۇشاخلاری سێخیف-اۆزمه.
- پرزاد خانیم باخیف گؤردو کۆ، داها سێناخ بس ائلیير، بیر سئهیر اوخودو،
- دلیلر تورپاخ منگنه‌سیننن آزاد اولدولار. امبه يازیخلار قورخودان
- اۇچوم-اۇچوم اۇچونوردولار. بیر-بیری‌نین اۆزونه باخاندا گؤردولر کی،
- واللاه، تۇفار گژی کیمی دۆماغ آغاریفلار. کور‌اوغلو دلیلری بۇ حالدا گؤروف
- ال آتدی میسری قێلینجین دسته‌يینه، نه فیکیررشدیسه فیکریننن داشیندی، دئدی:
- – پرزاد خانیم، سن يئرین يئددی قاتینا دا گیرسن، قۇش اولوف گؤيه ده
- اۇچسان، الیمنن ياخا قۇرتارا بیلمزسن، ياخشیسی بۇدو، گل مئيدانا،
- قوشول بیزه، چێخاخ گئدک.
- پرزاد گنه ده بیر سئهیر اوخودو، جئيران لیواسینا گیریف دئدی:
- – چوخ آتیم-آتیم دئرسن، ایندی من قاچئم، سنین آتین منیم
- دالیمجا چاتسین، گؤرئم نئژه چاتئر.
- کور‌اوغلو دئدی:
- – سن هله قێراتا بلد دؤيولسن، سنی قێراتین دێرناخلاریندا تافدیيارام،
- قاچ.
- کور‌اوغلو بیر قدر جئيرانا منزیل وئردی، سونرا دا اؤز-اؤزونو
- مذمّتده‌دی کی، ايه، من ایندی بۇنون دالیننان آت سالسام، اونا قێلینج
- چالسام، هامی منی قێنیياژاخ، دئيژکلر کی، کور‌اوغلو بیر قێزا باش قوشدو،
- اونو قانینا قالتان ائله‌دی. بۇ فیکیرنن آرخا سمته باخدی، باخاندا گؤردو
- چنلیبئل گۆزگو کیمی گؤرونئر، کونلو قۇبارراندی، گؤتوردو گؤرک نه دئدی:
- يؤنو بری دۇران داغلار،
- ائللر سنی بزر بیر گۆن.
- گۆللو، بنفشه‌لی باغلار،
- ياریم سنده گزر بیر گۆن.
- گئری باخاندا گؤردو، بَياخ جئيران لیواسیندا قاچان پرزاد خانیم،
- ایندی اینسان لیواسیندا ياخینناشیف اونا قۇلاخ آسئر. کوراوغلونون گؤزدری
- ياشاردی. دئدی، ايه، هانجارا اولماسا، اینسان اؤيلادیدی، اونون دا اۆرگی، دیليی
- وار، بیزنن ترس گتیرمه‌يینه باخما. کور‌اوغلو گؤتوردو سؤزونون او بیری
- خاناسینی:
- هر ایگیدده اولماز هۆنر،
- اود اولماسا، اوژاخ سؤنر.
- دؤولتدیدن دؤولت دؤنر،
- آغلی باشدان تزر بیر گۆن.
- باخیف گؤردو کۆ، باياخ قاچان بۇ دفعه لاف ياخین گلدی. اؤزو ده اینسان
- لیواسیندادی. گؤزدری ده ياشاریف، کور‌اوغلويا بويلانئر.
- آلدی کور‌اوغلو:
- کور‌اوغلو چنلیبئللرده،
- قالمیشام فیتنه-فئللرده،
- من اؤلسم قۆربت ائللرده،
- کیم قبریمی قازار بیر گۆن.
- پرزاد خانیم ياخینناشیف دئدی:
- – دوغروسونو دئ، گؤرم سن کیمسن؟
- کور‌اوغلو دئدی:
- – خانیم، من کور‌اوغلويام.
- پرزاد خانیم دئدی:
- – اگر سن کور‌اوغلوسانسا، بۇ وئرانخانا دۆزدرده نه گزئرسن؟
- – آي پرزاد خانیم، دردسیز آشیخ آغلادیغینی هئچ گؤروفسنمی، آخی
- منیم دردیم وار، من بۇرايا اونچون گلمیشم.
- – دۆزونو دئ، گؤرک سن نیيه گلیفسن؟
- بۇردا گؤتوروف گؤرک کور‌اوغلو نه دئدی، سیز ساغ اولسون:
- من قوچ کور‌اوغلويام چێخدیم قالاننان،
- عرضمی گؤتوردوم دیوانا گلدیم.
- خوتکارین اوغلوننان پئيمان ائيله‌دیم،
- فیکریمی زاي ائتدیم، ایمانا گلدیم.
- پرزاد خانیم قۇلاخلارینی شئشلتدی، دئدی:
- – آيه، بۇ نه خوتکار اوغلودو دئر، بۇ نه دانیشئر؟
- پرزاد گؤزونو کوراوغلونون اۆزونه زیلله‌دی. امبه کور‌اوغلو گؤزونو
- چؤيوروف ائيوازینان حالايپوزانین اۆزونه باخاندا گؤردو واللاه، بیر قێز
- گؤرنده اويناخلیيان اوغلاننار، ایندی ائله بیلگینن کی، دون وۇروف دونوزدوروفدو،
- هئچ اۆرکلری اۆسته گلمئر، ماتداری-قۇتداری قۇرويوفدو. بللی
- اهمت ده قێلینجینی يئره قويوف، مات-مات بويلانئردی.
- آلدی کور‌اوغلو:
- بۇ داغلارین زیروه‌سینه واراندا،
- قێلینج چکیف، دۆشمن باغرین ياراندا،
- سامور قێراغیندا مجلیس قۇرآندا،
- مئي ایچدیم، مست اولدوم، مستانا گلدیم.
- پرزاد دئدی:
- – آي کیشی، دۆز دانیش، دۆز دئ. نَيه گلیفسن، مقصدین ندی؟ مقصدینی
- دۆزن دئسن، اینشاللاه من ده اونا علاج ائلیيم.
- آلدی کور‌اوغلو:
- کور‌اوغلويام اؤز جانیمنان کۆسه‌رم
- بیر يئل اولوف، بۇ داغلاردا اسرم.
- گئتمه‌سن ده بیل، باشینی کسه‌رم،
- سنی آپارماغا مردانا گلدیم.
- سؤز تامام اولدو. پرزاد خانیم دئدی:
- – او کۇ منی آپاراژاسان، سؤيله گؤرم کیمه آپاراژاسان؟
- کور‌اوغلو گؤردو کۆ، پرزاد خانیمین احوالی اؤزونده دؤيلو. باياخکی
- جادی-پیتیدن ده اثر-علامت يوخدو، دئدی:
- – قۇلاخ آس گؤر کیمه آپاراژام:
- اووچو اولان اووون ایزلر،
- دۇر واراخ بیزیم ائللره.
- آغجاقوزو يولون گؤزلر،
- دۇر واراخ بیزیم ائللره.
- پرزاد خانیم آغجاقوزو آدینی ائشیدیف جین آتینا مینمه‌دیمی.
- دئدی:
- – ايه، ظالیم اوغلو، منی آپارئرسان بیر ایگیده آپار، آغجاقوزو نه
- ایگیتدی کی، سن اوننان اؤترو منیم دالیمجا گلیفسن.
- کور‌اوغلو دئدی:
- – خانیم، خاترینا ديَمه‌سین. قۇلاخ آس، قۇلاخ آس، گؤر بیر نه دئيیرم:
- گؤزل خانیم، اولما ناشی،
- نه گزئرسن داغی، داشی.
- آغجاقوزو قوشون باشی،
- دۇر واراخ بیزیم ائللره.
- پرزاد خانیم دئدی:
- – هاسی قوشونون باشیدی، او، بیر جادیيی آخیرا کیمی اؤيره‌نیف باشا چێخا
- بیلمه‌دی.
- کور‌اوغلو او ساهات ایشی باشا تۆشدو. دئدی، قۇلاخ آس:
- سونا ترک ائتمز گؤلونو،
- خوريادا وئرمه تئلینی.
- کوراوغلونون گؤزل گلنی،
- دۇر واراخ چنلیبئللره.
- سؤز تامام اولان کیمی کور‌اوغلو دئدی:
- – قێزیم، دۇر گئدک، بیز سنسیز قايیداسی دؤيولوک.
- پرزاد خانیم دئدی:
- – کور‌اوغلو، او کۇ سن منی اؤزونه گلین کیمی آپارئرسان، اوندا گئدئرم،
- امبه اونو بیل کی، آغجاقوزو سن دئين کیمی ایگید اولماسا، اوندا
- زهر ایچیف اؤزومو تلف ائلیيژم، سن ده گۆناها باتاژاسان.
- کور‌اوغلو دئدی:
- – پرزاد خانیم، مانا قوچ کور‌اوغلو دئيللر، من سنی زورنان دا
- آپاراردیم. امبه اؤزوم بیلئرم کی، سن زور ایشده‌دیله‌سی قێز دؤيولسن، هر
- شئي سنین اۆرگیننن اولاژاخ. بۇ گۆننن من سنین قايناتانام.
- ائيواز آتدان ائندی، پرزاد اونون آتینا میندی. اۆزو داغ آشاغی يول باشدادیلار.
- ائيواز آتین يۆيه‌نیننن ياپیشیف، اؤزو پايی-پیيادا گئده‌سی اولدو.
- گل‌ها‌گل، گۆنه بیر منزیل، تئيیمنازیل، اۇستاد دیلی يۆيري اولار،
- گلیف آغقايانین يانینا چاتاندا کور‌اوغلو دئدی:
- – آ بالا، ائيواز، بللی احمد، سیز ياغی قوروغوننان گئدین، پرزاد
- خانیما گۆل-چیچکدن چلنگ دۆزلدین، آتدارینیزی دا گؤزل-گؤيچک
- بعضیگین. من بۇردان کئسه‌سینه گئدیف، بۇ ساهات دلیلرین هامیسینی گؤروشونوزه
- گؤندرژم. گرک پرزاد خانیم ائله قارشیلانسین کی، هئچ باواسی
- جعفر پاشانین ایماراتیندا دا ائله قارشیلانماسین.
- دلیلر “باش اۆست” دئيیف، پرزاد خانیمی دا گؤتوروف، ياغی قوروغوننان
- گئتمکده اولسون. کور‌اوغلو قێراتی ترپه‌دن واختی آغ جێغیرین آغزیندا
- گؤردو کۆ، بیر گؤي دمیر آتدی، اۆستونده ده بیر ائننی کۆرکلی، آلچاخ بويلو،
- قێرمیزی گؤزدو بیر کیشیدی. آغ قايیيا دوغرو بويلانئر. بۇنو گؤرن کیمی
- قێرات ترپنمزجه داياندی. کور‌اوغلو گؤردو کۆ، آيه، قێرات يئریننن ترپنمئر.
- آتا ماهمیز چکدی، آت گنه گئتمه‌دی. کور‌اوغلو دلی اولمادیمی:
- – آيه، وايیس اوغلو وايیس، يولو نیيه کسیفسن؟ – دئدی – گؤرؤرسن آت
- گئتمئر.
- آتدی يۇواش-يۇواش باشینی کور‌اوغلويا هرریگیف، زهمنن ترس-ترس
- اونا باخدی، دئدی:
- – مير دده‌‌يین يولودو؟ آنیردان گئتسن اولمورمو، بالدیرین قێریلاژاخمی؟
- کور‌اوغلويو ائله بیلیينن ایلدیریم وۇردو. دلی اولدو، گؤتوروف بۇردا نه
- دئدی، بیز دئيک، سیز شاد اولون:
- تاتسان، کۆرتسن، نه میللتسن،
- ائن آتیننان، عجم اوغلو.
- گؤزدریننن مازاراتسان،
- ائن آتیننان، عجم اوغلو.
- آتین اۆستونده‌کی دئدی:
- – ايه، آغلینی باشینا يێغ، آتیمنان نیيه تۆشه‌رم، وار يولوننان چێخ
- گئت، نه قدر کی، ال-آياغیم سانا توخونمويوف، ال چک مننن.
- کور‌اوغلويو تزه‌دن اود گؤتوردو. آلدی گؤرک نه دئدی:
- آسدان کسیفدی قارشینی،
- آخیداژام گؤز ياشینی،
- ایندی اۆزژم باشینی،
- ائن آتیننان، عجم اوغلو.
- آتدی قێمیشدی. بۇ قێمیشاندا کور‌اوغلو داها دا جیننندی.
- دئدی:
- – ايه، دئيه‌سن بۇ طۇفانی داغیلمیش منی تانیمئر، گل آدینی بۇنا
- نیشان وئر، قوي جانینا ولوله تۆشسون.
- گؤتوردو گؤرک نه دئيیر:
- قوچ کور‌اوغلو منم، منم،
- چتین دئدیگیمنن دؤنم.
- الیمنن شیکار وئرمه‌رم،
- ائن آتیننان، عجم اوغلو.
- – آيه، قوچ کور‌اوغلويموشسان، باغیشلا تانیمادیم، ائله بیلدیم بۇرانین
- قوروخچوسو زادیسان، اونچون سانا آژیخلاندیم. نه دئمک ایستیگیرسن، آي
- قوچ کور‌اوغلو؟
- کور‌اوغلو دئدی:
- – آتدان تۆش، گئت آتین جیلويونو دا منیم اۆزنگیمه باغلا، اؤزونو ده
- قاواغیما قاتیف چنلیبئله آپاراژام. بۇ گۆن منیم ياخشی گۆنومدو،
- پرزاد خانیمین تويوندا قۇللوق ائلیيرسن.
- آتدی دئدی:
- – يوخ، آتدان دۆشمه‌يیم اولموياژاخ. آتدان او واخت تۆشه‌رم کی، سنین
- آتین منیم آتیمی اؤته.
- کور‌اوغلو دئدی:
- – باش اۆسته، سۆرک!
- آتدی دئدی:
- – کیمین آتی اؤتسه، گئریده قالان اؤته‌نین قاواغینا تۆشسون گئتسین.
- کور‌اوغلو بۇ شرطه ایرازیلیخ وئردی. آخی ایندیيتن قێراتی اؤتن اولمويوفدو!
- همن آتدی دئدی:
- – آ کور‌اوغلو، هاریينان سۆرک، خطرین هاریينان ایستیگیر؟
- کور‌اوغلو دئدی:
- – باخ بۇ قاراتیکننیغی، چێنقیللیغی گؤرؤرسنمی، اوردان قێردیراماسینا
- اؤياننان بئله هررنک، بئله گلک.
- – هاردان دئرسن سۆرک!
- نولاژاخ، کور‌اوغلو قێراتا بیر قێرماش وۇردو، ایکی قێرماش وۇردو، آت
- يئریننن ترپنمه‌دی.
- امبه بۇ بیری بیر گؤز قێرپیمیندا همن يئررردن کئچیف، آغقايانین
- دا او اۆزوننن هرره‌نیف، ایلدیریم کیمی دالا قايیتدی. آت آتین يانینا
- گلنده قێرات تزه‌دن يئرینه پرچیم اولدو، گئتمه‌دی. کور‌اوغلو متل
- قالدی، دئدی:
- – آي جانیم، بۇ آتی من الیمه کئچیرسم، تۆرک ندی، ایران ندی، عرب
- ندی، پۆتون دۆنيا منیم آياغیمین آلتیندا قالمیياژاخمی؟ اودو کۇ،
- گنه ده قارشیسینداکینا اۆز تۇتدو:
- – ايه، ایگید، آتدان ائن!
- دئدی:
- – نیيه، منیم آتیم سنین آتینی آددادی آخی. ایندی سنین آتین منیمدی.
- کور‌اوغلو حیرصدندی، آتدان تۆشوف کیشی‌نین اۆستونه گلدی، دئدی:
- – تۆش آتدان گۆلشک، کیم يێخسا آت اونوندو.
- آتدی دئدی:
- – منیم باشیم اۆسته!
- “منیم باشیم اۆست” – دئيیف آنیردان بری ایگید ده گلدی، کور‌اوغلو دا
- گلدی. کور‌اوغلودا بیر ياخشی خسيت واریيدی، همشه گۆشتو تۇتاندا بیله‌يینی
- چیرمیگیف “يا الی، سننن مدد” – دئيردی. بۇردا دا گنه دئدی:
- – ”يا الی سننن مدد”.
- کور‌اوغلو ایره‌لی جۇمانا کیمی، او بیریسی ال اون آرشین قاواغا اۇزاندی،
- کوراوغلونون قۇرشاغیندان ياپیشیف ائله تۇلاویزدادی کێ، کور‌اوغلو گئدیف
- آغقايانین باشینا تۆشدو. کور‌اوغلو ایندی باشا تۆشدو کۆ، نیيار خانیمین
- قارغیشینا تۇش اولوف. دوداخلار پارتدیيیف، ایرنگی-بنزی قاچیف، دۆنيه‌سی
- ديَیشیف. کور‌اوغلو بۇ قايادان سۆرونه-سۆرونه گلدی، باش ايدی:
- – ”اللاهوم مصل علی محمّد و آلی محمّد” –
- دئيیف، حضرت علینین اۆزونه باخدی. بۇ واخت علینین گؤزونده بیر داملا
- ياش گیلندی. او دا سالاوات چؤيوردو، دئدی.
- – کور‌اوغلو، قوشابولاغین اۆستونده آتانی دفن ائلیين واختی منیم آدیمی
- چاغیرمیشدین، سنین کۆرگینه من ال چکمیشدیم. دئمیشدیم، کۆرگین يئره
- گلمز، قێلینجین دا قێلینجیما ديَمیشدی. باخ گئت، بیر کسی اینجیتمه، حاقین
- يولوننان هئچ واخت چێخما. اونو دا بیل کی، ایندی تويونا تلسدیگین آغجاقوزو
- دا هاسان پاشانین يوخ، سنین دوغما بالاندی، اونو دا سنین يانینا من
- گؤندرمیشم، او همن اوغلاندی کێ، ماغارادا قويوف قاچمیشدین. اونون ساغ
- بیله‌يینده سنین بیلرزیگین ده وار، باخارسان تانیيارسان.
- بۇنو دئيیف حضرت الی دۆلدوله سۇوار اولدو، بیر گؤز قێرپیمیندا قئيب
- اولدو.
- کور‌اوغلو تۇتدوغو ایشدن پئشمان اولدو، بیر طرفدن ده سؤيوندو کۆ،
- حضرت الیينن بۇ شکیلده ده اولسا، گؤروشدو، هم ده آغجاقوزونون
- اونون اوغلو اولماسینا چوخ سؤيوندو. کور‌اوغلو فیکیرری-فیکیرری قێراتین بئلینده
- هاواخت گلیف چنلیبئله چاتدیغینی بیلمه‌دی، اوندا باخدی، آت داياندی.
- نیيار خانیم کور‌اوغلونو بئله، بۇ شکیلده، بۇ حالدا گؤروف اۆرگی قۇبار
- ائله‌دی. گؤتوروف گؤرک نه دئدی:
- نیيه ملولو-مۆشکولسن،
- هانی ائيواز، خان کور‌اوغلو؟
- گؤز ياشیم عمّانا دؤندو،
- باغریم اولدو قان، کور‌اوغلو.
- کور‌اوغلو باخدی کێ، هله ائيوازگیل گلیف چێخمیيیف. نیيار خانیم دا
- آهی-وايدا، آهی-زاردادی، آنری-بری بويلاندی. کوراوغلونون هئچ آغلی اۆستونه
- گلمئردی. نیيار خانیم آلدی گؤرک:
- ایرنگین دؤنوف لؤيوننن،
- سینم داغلیدی دۆيوننن،
- قۇربان کسللر قويوننان،
- سانا قۇروان من، کور‌اوغلو.
- کور‌اوغلو يانا باخاندا گؤردو کۆ، بۇدو ائيوازدی، بللی اهمتدی،
- تانریتانیمازدی، بیر ده پرزاد خانیمدی گلدیلر، انبه کور‌اوغلو اؤزونده-
- سؤزونده دؤيلو، گؤزونون اۇژوننان نیيار خانیما ایشارا ائله‌دی کی، اۇشاخلار
- گلئر.
- آلدی نیيار خانیم:
- ترلانسان ککلیک اوووندا،
- نیيارین گؤزل بويوندا
- پرزاد خانیمین تويوندا،
- سۆرک بیر دؤيران، کور‌اوغلو.
- سؤز تاماما يئتدی. کور‌اوغلو گنه ده اؤزونده دؤيلو. دلیلر اۆچ بیر،
- بئش بیر بۇلارین باشینا جمعلندیلر. بۆتون دلیلر اۆچ دلیينن پرزاد
- خانیمی قارشیلاماغا گئتدی. امبه کوراوغلونون بئله پرت اولماغی، دوداخلاری‌نین
- پارتلاماسی هئچ کیمی آچمادی. اويور-اويور اوينويان، بارماخلاری‌نین
- اۆستونده سۆزن، قێراتین بئلینده چاپان کور‌اوغلودان اثر-علامت قالمامیشدی.
- مجلیس يێغیلیف، هامی سؤوونئر، تکجه کوراوغلونون ایرنگی يئرینه
- گلمئر. ائيواز ياخینا گلیف دئدی:
- – بابا، سؤيله گؤرئم نیيه ائلیيئرسن، بلکه دردینی مانا دئيه‌سن.
- بۇردان-بۇرا سانا نه اۆز وئردی کی، بیز بیلمه‌دیک؟ آخی، بئشیمیز ده آغ
- قايیيا چاتانا کیمی کئفی کؤک، داماغی چاغ گلدیک. بیزدن آيریلاننان
- سونرا سانا نه اۆز وئردی کی، بۇ گۆنه تۆشوفسن؟
- کور‌اوغلو ائيوازا هئچ فیکیر وئرمه‌دی. گؤزونون قۇلاغیننان شراب
- تۇلوغونا باخدی. بیر شراب تۇلوغو گتیردیلر. کور‌اوغلو تۇلوغو باشینا قالدیریف
- بیر خئيلی ایچدی. ائيواز گؤردو کۆن، تۇلوخ بوشالئر، دئدی:
- – آي آغا، بیز بیلئریک کی، سن کئف اهلیسن، هامیسینی ایچژه‌سن، امبه
- بیر دئ گؤرم باشینا نه ایش گلیف؟
- کور‌اوغلو دئدی:
- – ائيواز، منیم سازیمی گتی.
- کوراوغلونون دیلی ایندی-ایندی آچیلئردی. گنه آغ قايیيا طرف بويلاندی.
- دلیلر دئدی:
- – آيه، بۇ آغقايادا بۇنون نَيی قالیف، ایندی کیمی گؤزدويور، گؤره‌سن؟
- سازی گتیردیلر، کور‌اوغلو گؤتوردو گؤرک دردینه مۆقابیل نه دئدی:
- نیيار خانیم، بیر عربه تۇش اولدوم،
- آغلیمی الیمنن آلدی دا گئتدی.
- قۇروموش دیلیمنن هديان سؤيله‌دیم،
- منی آغقايايا چالدی دا گئتدی.
- – ايه، ظالیم اوغلو، سن نه دانیشئرسن؟
- ائيواز دلی اولدو، گؤزو کلله‌سینه چێخدی. ائله بیر دلی نره چکدی کی،
- داغ-داش تیتره‌دی.
- – آغا، کیمدی او، ائله بۇ ساهات بۇ يئددی مین يئددی يۆز يئتمیش يئددی
- دلیگی اونون اۆستونه تؤکژم.
- کور‌اوغلو دئدی:
- – آي اوغول، آي اوغول، هله دايان گؤر بیر نه دئرم:
- يۆز مین دلی‌نین ده يئتیشمز گۆجو،
- مغروبدان-مشروقا وئرمئر او باجی.
- ماردان قامچیسی وار، زهردن آجی
- اويناتدی الینده گۆلدو ده گئتدی.
- – آ کیشی، او کیمدی دئ گؤروم او نه کره‌دی کی، ائيوازین قێلینجی‌نین
- آلتیننان قاچسین؟
- کور‌اوغلو دئدی، قۇلاق آس:
- کور‌اوغلويام، بۇدو سؤزومون ساغی،
- اونون حؤکموندندی کؤيسر بۇلاغی،
- آدی حضرت الی – دینین داياغی،
- دۆلدولونه سۇوار اولدو دا گئتدی.
- سؤز تامام اولدو. هامی اۆزونه سالاوات چؤيوردو. هامی: “الله، سانا
- شۆکور”، – دئدی. قۇرواننار کسیلدی، نزیرلر چێخدی. کور‌اوغلوينان نیيار
- خانیم آغجاقوزوينان پرزاد خانیمی ياننارینا چاغیریف خئيیر-دۇعا وئردیلر.
- قوچ کور‌اوغلو دئدی:
- – جاماهات، بۇ جاواننارین توي گۆنونده ایستیگیرم، بیر شئي ده هامینیزا
- ايان اولسون، بیلین و آگاه اولون، آغجاقوزو منیم بئلیمنن گلن
- دوغماجا بالامدی، اینانمئرسینیز، اونون قولوندا منیم بازوبندیم
- اولمالیدی، باخین.
- کور‌اوغلو الینی اۇزادیف آغجاقوزونون ساغ بیله‌يینی چیرمله‌دی، اؤز بیلرزیگینی
- تانیدی. بۇ ایشدن آغجاقوزو اؤزو ده چاش-باش قالدی. کور‌اوغلو احوالاتی
- دلیلره ناغل ائله‌دی. آغجاقوزونون نئژه ایتکین دۆشدويونو سؤيله‌دی. بۇ
- ایشده حضرت الینین کؤمه‌يین ده هامیيا چاتدیردی.
- نیيار خانیم ياخینا گلیف، هر ایکی جاوانی اؤپوف باغرینا باسدی. دئدی:
- – آي کور‌اوغلو، ایندی بئله چێخئر کی، سن اوغلوننان باژاناخسان، ائلمی؟
- پرزاد منیم دوغما باژیم، آغجاقوزو سنین اوغلون.
- کور‌اوغلو آغجاقوزويو دا، پرزاد خانیمی دا باغرینا باسدی. اؤيجلر
- کسیلدی، شۆلننر پیشدی، بیر توي ائله‌دیلر کی، دۆنيانین گؤزو بئله توي
- گؤرمه‌میشدی. بۇ گۆننن چنلیبئلده بیر جاوان عائله ده آرتدی. دئيیللر بۇ
- ایکی جاوان اۇزون عؤمور سۆردو، خوشبخت ياشادیلار.
قایناق‌لار
- Azadliq . org