Wt/azb/مهل

< Wt‎ | azb
Wt > azb > مهل

مهل edit

  آنلام‌لار

  1. دده قورقود.محل. «داستان»دا زامان، واخت معناسیندادیر (بۇ محلده بگلر بئيرگی گتوردیلر. - بۇ زامان بَيلر بئيرگی گتیردیلر). زامان، واخت آنلاملی «محل» سؤزو يالنیز قرب لهجه‌سینده ساخلانیلماقدادیر (بۇ محل قونشولار قێشقیرماغا باشلادی). بئش.جانقیدزئ دمانیسی (باشکئچید - ه.ت.) شیوه‌سینده‌کی زامان، واخت مظمونلو «محلی» سؤزونون تۆرکمن دیلیندن کئچدیگینی گؤستریر. مۆلیف قئيد ائدیر کی، تۆرکمن دیلینده‌کی «ماخال» باشکئچید شیوه‌سینده «محلی» شکلینده‌دیر.بیرینجیسی،قئيد ائتمک لازیمدیر کی، زامان آنلاملی «محلی» سؤزو قرب لهجه‌سی‌نین تکجه باشکئچید شیوه‌سی اۆچون يوخ، قازاخ-بورچالی شیوه‌سی اۆچون سجیویدیر. ایکینجیسی، همین سؤز قرب لهجه‌سینده داها چوخ «محلی» دئيیل، «محل» شکلینده ایشلنمکده‌دیر. اۆچونجوسو، تۆرکمن دیلینده‌کی «ماخال» سؤزو فونئتیک ترکیب باخیمیندان باشکئچید شیوه‌سینده‌کی محل//محلی سؤزوندن کسکین شکیلده فرقله‌نیر. دیگر طرفدن، عرب منشأ‌لی يئر، مکان، مقام آنلاملی «محل» سؤزونون تۆرکمن دیلینده ادبی دیل سویه‌سینده زامان، واخت معناسیندا ایشلنمه‌سی هئچ ده او دئمک دئيیلدیر کی، «محلی» سؤزو باشکئچید شیوه‌سینه تۆرکمن دیلی واسطه‌‌سیله داخیل اولموشدور. تکجه اونو دئمک کیفايتدیر کی، عرب منشأ‌لی «محل» سؤزو قازاخ-بورچالی شیوه‌سینده منبع‌ دیلده‌کی فورماسینی، اساساً، عینیله ساخلاماقدادیر. دئمه‌لی، عرب منشأ‌لی يئر، مکان، مقام آنلاملی «محل» سؤزو ادبی دیلیمیزین قدیم دؤورلرینده هم ده مقام، زامان معناسیندا ایشلنمیش سونرا ایسه آرخایکلشه‌رک يالنیز شیوه‌لریمیزده مۆحافیظه‌‌ اولونموشدور.

  یازیلیش‌لار

  • لاتینجه : Məhəl
  • عربجه: محل

  قایناق‌لار