ماهرو خانیمین چنلیبئله گلمه یی
edit
آنا آنلاتیم
- ماهرو خانیمین چنلیبئله گلمه یی کوراوغلو داستانی
بلی، بۇ دفعه صؤحبتی سیزه چارداقلی چنلیبئلدن آچیم. چنچیسکین آوازیمیشدی. چارداقلی چنلیبئل گۆل-چیچه‌يه قرق اولموشدو. واللاهی بهیشت ده اونون يانیندا يالان ایدی. بیر طرفدن گۆلون-چیچه‌يین عطیری، او بیری طرفدن بۆلبوللرین جه-جهی آدامی مست ائدیردی. بۇ، او واخت ایدی کی، کوراوغلو ایله گیزیروغلو مصطفی بَي هاسان پاشانین قێرخ مین قوشونونو توقات کئچیدینده قانینا قلتان ائتمیشدی. گیزیروغلو مصطفی بَي گیزیر قالاسینا دؤنندن سونرا قوشون سرکرده‌لریندن شاملی بَي، ببیر آلی، شرخاتا مدد، دلی چوودار، شیر ولی، سانلی صمد، سێرت يۇسیف، قۇرد جلیل، جینلی مئهدی، آدیبللی، آشیق کنگرله مصلحت-مشورت ائدیب، گیزیر قالاسیندا چکیده يۆنگول، وزینده آغیر نه واردیسا يۆکلتدی قفله-قاتیرا.
- يئددی يۆز يئتمیش يئددی دلیسی ایله اۆز قويدو چارداقلی چنلیبئله.
- اۇستادلارین سؤز-سووونا گؤره، کور‌اوغلونون، نیگار خانیمین، جمعی چنلیبئل
- دلیلری‌نین گیزیروغلو مصطفی بَيین دلیلری ایله گلیشیندن کئفداماقلاری
- چاغ ایدی. کور‌اوغلونون امری ایله او گۆنو چارداقلی چنلیبئلده
- يئددی يۆز يئتمیش يئددی تۇنجو، اؤيج، ائرکج بوينو بۇرولدو. چنلیبئلده
- بیر وۇر چاتداسین ایدی، گؤز ایسته‌يیردی تاماشاسینا. شراب ایچن کیم، شراب
- سۆزن کیم...
- بلی، گیزیروغلونون گلیشی شرفینه قێرخ گۆن چنلیبئلده مجلیس قۇرولدو.
- مجلیسین قێرخینجی گۆنو هامی باخدی کور‌اوغلونون اۆزونه. کوراوغلو
- بئله ایشلرده چوخ عاریف ایدی. آنلادی کی، دلیلر اوندان سؤز ایسته‌يیر. کوراوغلو
- يانینداکی بۇلغورلو سازی گؤتوروب اول-اول زیل-بم ائله‌دی. میندیردی
- سینه‌ی-ساندیغا، دئدی:
- – هئي دلیلریم! اۇلولاریمیز سؤز سؤيله‌مزدن اول، سؤيله‌يه‌جيی
- فیکری يۆز اؤلچوب بیر بیچیبلر، سینه‌مه بیر نئچه خانه سؤز گلیب. دئميی
- مندن، ائشیتميی سیزدن.
بلی، کوراوغلو باياقدی بۇلغورلو سازا ترسه-اوواند تازانا وۇردو.
- “چوبان باياتی” اۆستونده ائله بیر دلی نره چکدی کی، يئر-گؤيده انشرمنشر
- قوپدو:
- سؤز ایگیدین سریندن،
- دوستلوق اولار دریندن.
- ایکی قارداش بیر اولسا
- داغ اوينادار يئریندن.
- داغلاری گزن منم،
- پاشالار ازن منم،
- گیزیروغلو ال وئردی،
- عهدیمی پوزاممانام.
- گۆن دولانار، آي اولار،
- دوست-دوستونا تاي اولار.
- ایکی قۆووه بیر اولسا،
- پاشالارا واي اولار.
- دلیلریم باج آلار،
- داوا گۆنو اؤج آلار،
- ایگید سؤزو بیر اولسا،
- خوتکارلاردان تاج آلار.
- سويوم سرت، کۆردو منیم،
- سۇيوم برک، کۆردو منیم،
- قوي ائشیتسین پاشالار،
- آرخام چوخ گۇردو منیم.
- سؤز تاماشا يئتیشدی. کوراوغلو سازلا دئدیگینی، سؤزله ده دئدی. سونرا
- اۆزونو تۇتدو جمعی دلیلره، دئدی:
- – هئي دلیلریم! بیز يئددی مین يئددی يۆز يئتمیش يئددی دلی ایدیک.
- ایندی گیزیروغلو مصطفی بَيین 777 دلیسی ده اولدو بیزیم جانبیر قارداشیمیز،
- – دئيیب باياقدی میسری قێلینجی چێخاردی قێنیندان. گیزیروغلو مصطفی
- بَي ده بیر هیمه بند ایمیش کیمی گیزیری قێلینجی چێخاردی قێنیندان. هر
- ایکیسی شهادت بارماغینی يارالايیب قانینی سێخدیلار بیر-بیرینه.
- او طرفدن ده شاملی بَيله دلی حسن، قۇرد جلیلله دمیرچیوغلو،
- ببیر آلايلا ائيواز خان، شیر ولیيله کور‌اوغلونون قوچ بالاسی حسن
- بَي، سانلی صمدله بللی احمد، ياغیقیرانلا تۆپداغیدان، سێرت يۇسیفله
- عیسیبالی، شرخاتا مددله گۆرجووغلو، دلی چوودارلا دلی مئهدر،
- جینلی مئهدیيله حالايپوزان، آشیق کنگرله آشیق جۆنون دا يارالادیلار
- شهادت بارماقلارینی، قاتدیلار بیر-بیرینه قانلارینی. القرض، جان قارداشلیغی
- چنلیبئلده اولدو قان قارداشلیغی.
- نیگار خانیم الینده ایکی پیياله دۇردو کوراوغلو ایله گیزیروغلو مصطفی
- بَيین قنشرینده. جمعی چنلیبئل خانیملاری دا داياندیلار اللرینده
- پیياله قان قارداشلاری‌نین قارشیسیندا. يوخ اولسون يوخسوللوق، چنلیبئلده
- يئمک-ایچمکمی يوخ ایدی. دلیلر يئدیلر، ایچدیلر، داماقلار اولدو چاغ.
- بلی، کوراوغلو گئجه‌دن خئيلی کئچمیش اۆز تۇتدو مجلیسه، دئدی:
- – جان دلیلریم! بیلین و آگاه اولون. بۇ گۆندن سونرا خوتکارلارین،
- پاشالارین، خان-خاوانلارین، پاشا-سۇلطانلارین گؤزونه يۇخو گئتمه‌يه‌جک.
- ایندی گرک بیز بندی-بره‌لری، کئچیدلری، سۇوادلاری، کاروان يوللارینی
- گؤز ببيی کیمی قوروياق. اودو کی، هر بیر سرکرین دلیلری ایله ارازیسی
- بللی-باشلی اولمالیدی. دمیرچیوغلو، قۇرد جلیل، حسن بَي، سانلی صمد،
- ياغیقیران دلیلریله شاملی کئچیدینی – قانیخلی بره‌سینی، سێرت يۇسیف،
- عیسیبالی، جینلی مئهدی، شرخاتا مدد دلیلریله ياغی قوروغونو، ائيواز
- خان، دلی چوودار، حالايپوزان، تۆپداغیدان، ببیر آلی دلیلریيله
- دارداش کئچیدینی، شاملی بَي، دلی حسن، آدیبللی، قورخوقانماز، گۆرجووغلو
- دلیلریيله سێناق کئچیدینی، گیزیروغلو مصطفی بَي، دلی مئهدر،
- آشیق کنگر، آشیق جۆنون منیمله چارداقلی چنلیبئلی قۇشدان آيیق،
- قۇرددان سايیق قورومالیيیق. يێغیشما ایشارمیز منیم نرم، ياخود
- گیزیروغلونون هاچا شئشبریدی.
- القرض، کوراوغلو تاپشیراجاغینی تاپشیرماقدا، دئيه‌جه‌يینی دئمکده
- اولسون، ایندی آلین خبری ایستانبولدا خوتکار مۇراددان. خوتکار مۇرادین
- قۇلاغی آلا-چۇلا چالمیشدی کی، آمان-زامان بیرجه باجیسی ماهرو خانیم
- گیزیروغلو مصطفی بَيه کؤنول وئریب، بیر فۆرصت آختاریر ایستانبولدان
- يايینماغا. او ایدی کی، خوتکارین کۆرکونه برک بیره دۆشموشدو. يۇخوسو
- چکیلمیشدی عرشی-الايا. کؤپموش دانا کیمی تێس-تێس تێسقیریردی. بۇ طرفدن
- ده کوراوغلو ایله مصطفی بَيین دلیلری‌نین چارداقلی چنلیبئلده قان
- قارداشلیغی قێر ساققیز اولوب ياپیشمیشدی خوتکارین کلله‌سینه. چوخ گؤتورقويدان
- سونرا خوتکار قرارا گلدی کی، مملکتین پاشالارینا، سۇلطانلارینا،
- پهلیوانلارینا فرمان يازسین.
- القرض، جعفر پاشايا، عرب ریحانا، هاسان پاشايا، احمد
- پاشايا، قارا پاشايا، داوود پاشايا، سلیم پاشايا، حسین پاشايا،
- بۆرجو پاشايا، آبدال پاشايا، بولو بَيه، قدیر پاشايا، آياز پاشايا،
- نظر پاشايا بئله بیر فرمان يازدی: “مؤحترم پاشالار! سیزین هر
- بیرینیزین شان-شرفینی آلوسماندا يئددی قاتار دوه کاروانی چکه بیلمز.
- آسلانلار زهمینیزدن بری-بی‌ياباندا تۆک تؤکور. خزینمیزین بیریللیک
- گلیری يئددی آرخادان دولانانیزی ياغ ایچینده بؤيرک کیمی ساخلار. بیر
- مئهدر گده‌سی ایله گیزیر گده‌سی کسیب دوققازینیزین چنه‌سینی. آلوسماندا
- خوتکار، پاشا، سۇلطان قێزی قالمادی. اودو، هامیسی چن-چیسکینلیده يولکسنلرله،
- باشکسنلرله باش قويوبلار بیر ياستیغا. يا گرک باشیمیزا
- پاپاق قوياق، يا دا ایستانبول اؤرپيی. بیز بیرلشیب بۇ گده‌لرین اهه‌دینی
- کسمه‌سک، اوندا اونلار بیزیم باشیمیزی کسه‌جک. يا بیز آد-سانلا ياشا-
- مالیيیق، يا دا آغزیمیزا ياشماق آلمالیيیق. قێرخ گۆندن سونرا رامازاندی.
- قوشونو سفربر ائدین. اینشاللاه بۇ رامازاندا الیمیزه يولکسنلرین
- قانیندان هنا ياخاریق. کیم کور‌اوغلونون باشینی گتیرسه، باجیم ماهرو
- خانیم باش يولداشیدی، چنلیبئله يۆروش اون بئش گۆندن سونرا.
- حؤرمتله خوتکار مۇراد”.
- خوتکار فرمانی مؤهورله‌يیب مۆشمبله‌دی، وئردی چاپارلارا. چاپارلار
- اۆز قويدولار توقاتا، ارزوروما، قارسا، رۇما، ارزینجانا، حلبه، باغدادا،
- تاختی سۆلئيمانا، آغ شهره، وانا، دیياربه‌کیره، اۆسکودارا.
- القرض، آغالار ياخشی دئيیب کی، سیررلی سؤز قۇيودا دا قالماز. اونو دا
- دئيک کی، خوتکارین سون گۆنلر وۇرنوخماسیندان ماهرو خانیمین گؤزو سۇ
- ایچمیردی. نه ایسه خوتکارین بیر ایلمه‌سی واردی. شام سۆفره‌سینده ماهرو خانیم
- قصداً چئچه‌دی، دئدی:
- – تاجیداریم! دۆن گئجه يۇخومدا گؤردوم کی، تاجی-تاختین شفق
- ساچیر.
- خوتکار دئدی:
- – يۇخون چین اولسون، گؤزومون نۇرو! اینشاللاه، بۇ رامازاندا مئهدر
- اوغلونون، گیزیر گده‌سی‌نین قانیندان الینه هنا ياخارسان. ائله او گۆنو ده
- سنین باختین ایستانبولدا نۇر ساچار. اینشاللاه اوندا سنه بیر توي ائده‌رم،
- سسی قاف داغینی تیتره‌در.
- بلی، ناغیلچیلار سؤزونو قێسا، کؤهلن منزیلینی کسه ائدر. ماهرو
- خانیم خوتکارین سؤزلریندن آنشیردی کی، قارداشی بۇ نئچه گۆنده نیيه ناراحاتمیش.
- ماهرو خانیم اوراسینی دا آنلادی کی، بۇ گۆنلرده خوتکار چارداقلی
- چنلیبئله قوشون چکمک ایسته‌يیر. ماهرو خانیمی اود گؤتوردو. ایلان-چايان
- چالان ياتدی، او ياتمادی. گئجه سحره‌جن آرانی داغا، داغی آرانا داشیدی.
- کیرپیک چالمادان آچدی صاباحین گؤزونو. اۆزونوزه اۇغورلو صاباحلار آچیلسین.
- ماهرو خانیمین دايه‌سی ایچری گیرنده گؤزلرینه اینانمادی، دئدی:
- – عؤمرومون بۇتاسی، جانیمین ياریسی! اولماسین آزار، بۇ نه حالتدی
- دۆشموسن؟ گؤزلرینه قان سێزیب؟!
- ماهرو خانیم دئدی:
- – آمان دايه! ال منیم، اتک سنین، دردیمه بیر علاج.
- ملک دايه دئدی:
- – بێي، باشیما خئيیر، بالا! سنین دردین گلسین داينه. بَيم
- اؤلموشم، ایتمیشم. بۇ ساعت آلوسمانین لوغمانلارینی تؤکرم بۇرايا.
- ماهرو خانیم باخدی کی، دايه‌سی مطلبی آلمادی، دئدی:
- – جان دايه! منیم دردیمین علاجی لوغمانلیق دئيیل. بۇ بیر سیرردی
- گیریب باغریما. سیرر ده کی، سیرلی قالمالیدی. ملک دايه عؤمور گؤرموش، دۆنيا
- يورموشدو. چوخ سیررلرین اۆستوندن سۇ ایچیب يولا سالمیشدی. ماهرو خانیمین
- دئدیگیندن آنلادی کی، بۇ سیرر جاوانلیق، خانلیق، سۇلطانلیق سیرریدی، دئدی:
- – عؤمروم-عؤمرونه جالانسین! هله سنین نه ياشیندی. سیرر آدامی
- سارالدیب ساپا، اینجیلدیب ایپه دؤندرر. هر دۆيونون بیر ایلميی، هر سیررین
- بیر ایشارتیسی وار. سن سیررینی دئ، داين سیرر داغارجیغیدی. سیررینی منه ده
- دئمه‌يیب، به کیمه دئيه‌جکسن، جانیم ساداغا.
- ماهرو خانیم دئدی:
- – جانیم، گؤزوم، شیرین-شکر سؤزوم دايه! منه ائله آدام تاپ کی،
- باشینی ایسلاتسین بۇردا، چنلیبئلده اوتورسون دللک قارشیسیندا.
- القرض، چوخ گؤتور-قويدان سونرا ملک دايه دئدی:
- – قێزیم، سنین بۇ مۆشکول دردی‌نین علاجی آنجاق خوجا ياقوبدادی.
- بیر نامه ياز، وئره‌رم خوجايا. حسابیندا خوجا ياقوب بۇ گۆنلرده
- قايیتمالیدی تبریزه.
- ماهرو خانیم دئدی:
- – جان دايه! بۇ سیرری تک گؤيده اۇلو تانری، يئرده سن بیلمه‌لیسن.
- ماهرو خانیم قلم، کاغیذ گؤتوروب اۆرگینده‌کیلرینی، خوتکاردان
- ائشیتدیکلرینی اۆشله‌دی سطرلره، مۆشمبله‌يیب وئردی دايه‌سی مله‌يه.
- بلی، ملک دايه نامه‌نی خوجا ياقوبا آپارماقدا اولسون، آلین
- خبری خوجا ياقوبون کیملیگیندن.
- اۇستادلارین سؤز-سووونا گؤره، خوجا ياقوب تبریزدندی. ایگیرمی ایلدن
- آرتیق ایدی کی، تبریز، دربند، شیروان، ناخچیوان، گنجه، تیفلیس، توقات،
- ایستانبول، حلب، مصر، شام، باغداد بازارلاریندا تاجیر-تۆججارلیق ائدیب،
- آد آلیب سۇرفا سالمیشدی. خوجا ياقوب کوراوغلو ایله برک دوست اولدوغوندان
- گنجه، تیفلیس، آلوسمان بازارلارینا مال چێخارماق ساریدان بئلی برک ایدی.
- آمما شرول، درلز، چۇخور اوبا، آغری، قارس کاروان يولو ساریدان
- احتیاط ائدیردی. بۇ کاروان يولونون بندی-بره‌سینی گیزیروغلو مصطفی
- بَي کسمیشدی. قۇش اۇچسا قاناد، قاتیر کئچسه دێرناق سالاردی. ایللاها دا
- شاملی بَيله جینلی مئهدی‌نین الیندن تاجیر-تۆججار، خان-خاوان، بزیرگانلار
- گلمیشدیلر جانا. ائله کی، دۆشدون جینلی مئهدی‌نین الینه، تؤک
- متاهینی، قۇرتار جانینی.
- القرض، خوجا ياقوب بۇ دفعه ایستانبولا کاروان قالدیراندا اوغلو
- پناه قێرساققیز اولوب ال چکمه‌دی ياخاسیندان، دئدی:
- – آتئيی-مهریبان! بۇ سفره من ده سنینله گئده‌جم.
- خوجا ياقوب دۆنياگؤرموش، چوخ سفرلر يوروب يولا سالمیشدی.
- بیلیردی کی، پناه هله يئنیجه اؤزونو بوزاردیب. برکه-بوشا دۆشمه‌يیب.
- خاصيتی ده تۆنددور. دئدی:
- – جان-جیيریم! بۇ دفعه يول اۇزاق، سفر آغیردی. اینشاللاه گنجه‌يه
- گئدنده سنی مۆطلق آپارارام.
- بلی، خوجا ياقوب دئدی، يالوار-ياخار ائتدی. آمما پناه
- دئدیگیندن دؤنمه‌دی کی، دؤنمه‌دی. دئدی:
- – آتئيی-مهریبان! سن مندن قێزیرغالانما. من اۇشاق دئيیلم.
- آدیما ناحاقدان “قارا پلنگ” دئمیرلر. بۇ دفعه کاروانی قاچاققوچاقدان،
- حرامیلردن اؤزوم کئچیره‌جه‌يم. کور‌اوغلودو، گیزیروغلودو
- ندی، گؤررلر کی، آنالار نئجه اوغوللار دوغوب؟!
- خوجا ياقوب باخدی کی، ائي دیلی-قافیل، اوغلونون دامارلاریندا قان
- قاينايیر. چوخ هاوالیدی. ائله هئي قان-قان دئيیر. دئدی:
- – اوغول، بالا! سینه‌مه بیر نئچه خانه سؤز گلیب. دئيیم، آنلايارسان،
- چوخ ياخشی، آنلامازسان اؤز ایشیندی:
- گؤزلریمین نۇرو اوغلوم،
- ياشین هارا، قان-قان هارا؟
- کوراوغلو ایگید دلیدی،
- باشین هارا، قان-قان هارا؟
- ایگیدلری سانلی-سانلی،
- هر بیریسی دلیقانلی،
- ايینلری دمیر دونلو،
- هۇشون هارا، قان-قان هارا؟
- آغقايادان نره چکر،
- بزیرگانلار مالین تؤکر،
- چوخ ایگیدلر، دیزه چؤکر،
- ياشین هارا، قان-قان هارا؟
- حسنی فنددی، فعللی،
- دمیرچیسی دوه کینلی،
- نیزه‌لری هاچا دیللی،
- تۇتون هارا، قان-قان هارا؟
- ياقوب کور‌اوغلويا قارداش،
- دار گۆنومده اولوب سیرداش.
- نره چکسه، سالار تلاش،
- باشین هارا، قان-قان هارا؟
- سؤز تاماما يئتیشدی. خوجا ياقوب دئدی:
- – جانیم اوغول! سنی جاوانلیق قانین جوشدورور. تیجارتده ده سنین
- سریشتن يوخ. اوغول، سفر اۇزون، سنسه ناشی. گل بۇ دفعه اته‌يیندن تؤک
- داشی.
- کیمه سؤز دئيیرسن؟! آي قارا پلنگ باشا دۆشدو ها؟! القرض،
- خوجا ياقوب نه قدر يالوار-ياخار ائتدی، قارا پلنگ دئدیگیندن دؤنمه‌دی.
- آخیردا خوجا ياقوب چاری-ناچار وئردی راضیلیق.
- آتا، اوغول يا مدد سندن – دئيیب، کاروانی قالدیردی سفره. گۆنه
- بیر منزیل، تئي منزیل، آز گئدیب چوخ گئدیب آز قاتدیلار گئجه‌نی گۆندوزه.
- قێردیلار يولون دامارینی. خوجا ياقوب رامازانا قدر ایسته‌يیردی کی،
- اؤزونو يئتیرسین تبریزه.
- القرض، خوجا ياقوب چاتدی ایستانبولا، چاروادار بازاریندا کاروانی
- کاروانسارادا راهلادی. اؤيرندی بازارین مزنده‌سینی. باشلادی ماتاهینی
- خێریدا. هردم بیر ده دئيردی:
- – آيه، قارا پلنگ! موللانینکی آزاردی، تاجیرینکی بازار.
- بازارین شیرین يئرینده ملک دايه کسدی خوجا ياقوبون يانینی.
- دئدی:
- – خوجا دده! مال-متاهین بازارلی اولسون.
- خوجا ياقوب دئدی:
- – ایمان يیيه‌سی اولاسان، آ ملک قاری. ياخشی تبریز خالی-خالچام وار.
- شال، آلقوماشیم وار.
- – خوجا لعله! منه نه خالین، نه شالین لازیمدی. بری دۇر، بیر قۇلاق
- آس، سؤزوم وار.
- القرض، دايه خوجا ياقوبا نه دئدی، نه دئمه‌دی اونو اؤزو بیلر.
- آمما، ماهرو خانیمین مۆشمبه‌لی مکتوبونو وئردی اونا، اووجونا دا ال
- خرجلیگی باسیب دئدی:
- – خوجا لعله! گؤيده اۇلو تانری، يئرده سن. بۇ ال خرجلیگینه بیر آت آل،
- سال اؤزونو چنلیبئله.
- خوجا باخدی کی، پیس يئرده آخشاملادی. بازاردا متاهی چوخ، قارا
- پلنگین ده بئله ایشلرده سریشته‌سی يوخ. اؤز-اؤزونه دئدی:
- – اللهدان خئيیرمیش. نه اولار-اولار. قوي بازارلیغیم قۇربان اولسون
- کور‌اوغلونون آد-سانینا:
- القرض، اوغلونو چاغیریب دئدی:
- – اوغلوم! مال-متاه آماناتی. ديَر-ديَمزینه نئجه گلدی خێرید
- ائله. منیم ديَه‌سی يئریم وار. اوغلوم، سنی ساری سربانلا دارداشدا
- گؤزده‌يه‌جه‌يم.
- خوجا ياقوب ساری سربانا تاپشیراجاگینی دا تاپشیردی. وئردی اؤزونو باش
- مئيداندا آت بازارینا. بیر آت آلیب، يا مدد سندن دئيیب، اۆز قويدو
- چارداقلی چنلیبئله. داغلار آشدی، دره‌لر کئچدی. کسدی قێردیرماسینا
- يولون هنرینی. گۆنه بیر منزیل، تئيی-منزیل تنگنفس اؤزونو يئتیردی
- سێناق کئچیدینه. دلی حسن باخدی کی، بۇ دفعه خوجا ياقوب خئيیر-
- خبرله گلمه‌يیب. تۇتدو آتین جیلووونو، خوجا ياقوب نه هاندان-نه
- هانا اؤزونو توخدادیب دئدی:
- – آيه، عؤمرو بۇدانمیش! يئتیر منی قوچ کور‌اوغلويا.
- القرض، دلی حسن، خوجا ياقوب باشی لوولو اۆز قويدولار چارداخلی
- چنلیبئله. کسدیلر يولون اهه‌دینی. مالساغینی اؤزلرینی يئتیردیلر ياغی
- قوروغونا. بۇ او واخت ایدی کی، کوراوغلو گیزیروغلو ایله آغقايادان دۇربینله
- کاروان يوللارینا باخیردیلار. گیزیروغلو دئدی:
- – جان کوراوغلو! باخ، ایکی آتلی لئي کیمی ياغی قوروغونو حاقلايیر.
- کوراوغلو تفرینجله باخاندا نه گؤرسه ياخشیدی، گؤردو کی، گلنلر
- خوجا ياقوبلا دلی حسندی. دئدی:
- جان سیرداشیم گیزیر اوغلو،
- بۇ گلن خوجا ياقوبدو.
- دلیلره دوستدو صادق،
- بۇ گلن خوجا ياقوبدو.
- اؤزو تاجیر، جان قارداشیم،
- ایلقاری دۆز، سیرر يولداشیم،
- قۇرباندی دوستوما باشیم،
- بۇ گلن خوجا ياقوبدو.
- خوجا گلمز بوش-بوشونا،
- سوغان دوغرانیب آشینا.
- کیم توخونوب قارداشیما؟
- بۇ گلن خوجا ياقوبدو.
- مرددی، باسماز دۇز-چؤرگی،
- وار آرادا دوست دیليی،
- تمیزدی، صافدی اۆرگی،
- بۇ گلن خوجا قاقوبدو.
- خوجا عزیز، خوجا باشی،
- دلیلرین سیرر قارداشی.
- تۆججارلیقدا دئيیل ناشی،
- بۇ گلن خوجا ياقوبدو.
- تاجیرلیکده آدی واردی،
- دوستلوغونون دادی واردی.
- کیشیلیکده ذاتی واردی،
- بۇ گلن خوجا ياقوبدو.
- کور‌اوغلونون واردی سؤزو،
- دوستلوغوندا آغدی اۆزو.
- يادا سالیب يئنه بیزی،
- بۇ گلن خوجا ياقوبدو.
- سؤز تاماما يئتیشدی. کوراوغلو دئدی:
- – جان گیزیروغلو! نسه آلوسماندان بد خبر وار. خوجا آلیشوئریشینی
- بۇراخیب، باشی لوولو گلمز. کوراوغلو باياقدی آغقايادا بیر
- دلی نره چکدی. چنلیبئل دلیلری بند-بره‌لردن آخیشیب گلدیلر.
- دۇردولار امره مۆنتظیر. دلی مئهدر تۇتدو خوجا ياقوبون آتینین
- جیلووونو. نیگار خانیم جمعی خانیملارلا ایره‌لی يئریگیب خوجا ياقوبا خوش
- گلدین دئدی. کوراوغلو باخدی کی، خوجا ياقوبدا هئي قالمايیب، دئدی:
- – جانیم خوجا، گؤزوم خوجا! اؤلوسن او دۆنيادان، دیریسن بۇ دۆنيادان
- منه بیر خبر.
- خوجا ياقوب دئدی:
- – جان کوراوغلو! منده هئي قالمايیب، خوتکار مۇرادین باجیسی
- ماهرو خانیمین نامه‌سی پاتاوامدادیر.
- القرض، آشیق جۆنون آچدی پاتاوانین ساریغینی، چێخاردی مۆشمبه‌لی
- نامه‌نی وئردی قوچ کور‌اوغلويا.
- کوراوغلو مۆشمبه‌نی آچدی، گؤردو نامه گیزیروغلو مصطفی بَيه‌دی.
- دئدی:
- – جان گیزیروغلو! بۇ دفعه نامه سنه‌دی. دئيه‌سن ماهرو خیففت چکیر.
- گیزیروغلو نامه‌نی اوخودو. گؤزلری دؤندو قان چاناغینا. کوراوغلو
- دؤزمه‌يیب دئدی:
- – آيه، گیزیروغلو! رنگین نیيه آوازیدی. اوخو گؤرک خوتکار قێزی نه
- يازیب؟
- گیزیروغلو دئدی:
- – جان کوراوغلو! نامه‌نی اوخومازدان اول سینه‌مه بیر نئچه خانا
- سؤز گلیب. ایجازه وئر اونو سازلا دئيیم.
- کوراوغلو دئدی:
- – آيه، گیزیروغلو! سن ائله همیشه ایزینده‌سن.
- سؤزه بند ایمیش کیمی، گیزیروغلو مصطفی بَي آشیق کنگردن سازی
- آلیب بمینی بم، زیلینی زیل ائتدی. آلدی گؤرک حالینا بینن نه دئدی، طرفیندن
- بیز دئيک، سیز شاد اولون:
- مندن خبر سوران قارداش،
- نامه خوتکار قێزینداندی.
- خوتکار قۇروب بیزه کلک،
- نامه خوتکار قێزینداندی.
- نامه وئریب دولايلارا،
- امیر ائدیب آلايلارا،
- کیلید وۇروب سارايلارا،
- نامه خوتکار قێزینداندی.
- گیزیروغلو اؤلر، دؤنمز،
- آتشلره يانار، سؤنمز،
- خوتکار، پاشا ندی، بیلمز،
- نامه خوتکار قێزینداندی.
- بلی، سؤز تاماما يئتیشدی. گیزیروغلو سازلا دئدیگینی، سؤزله ده دئدی.
- دۆباره سازی باسدی سینه‌ی-ساندیغا. گؤتوردو گؤرک ماهرو خانیم گیزیروغلونا
- نه يازیب. طرفیندن عرض ائله‌يک قۇللوغونوزا. سیزه کؤنول شادلیغی.
- شان-شرفیم عجم اوغلو،
- خوتکار بۇ گۆن فرمان وئردی.
- سنه يئسیر شیرین جانیم،
- خوتکار بۇ گۆن فرمان وئردی.
- يێغیب دلی حالايلاری
- چوخدو نیزام آلايلاری.
- ایشه سالیب قولايلاری
- خوتکار بۇ گۆن فرمان وئردی.
- سۇسايیبدی قانینیزا،
- ياخیب لکه سانیمیزا،
- قوشون گلیر يانینیزا
- خوتکار بۇ گۆن فرمان وئردی.
- رامازانا واخت ائله‌يیب،
- پاشالارا ساخت ائله‌يیب،
- هۆجومچون واخت گیرله‌يیب،
- خوتکار بۇ گۆن فرمان وئردی.
- قیيمت قويوب باشینیزا،
- هؤکوم وئریب هامینیزا.
- اؤلوم يازیب جانینیزا،
- خوتکار بۇ گۆن فرمان وئردی.
- ماهرو دا سنه ساداغا،
- کیمه گئدیم درده دادا،
- سنسیز عؤمروم گئدر بادا،
- خوتکار بۇ گۆن فرمان وئردی.
- سؤز تاماما يئتیشدی. گیزیروغلو مصطفی بَي مکتوبون دیل-جاوابینی
- دا اوخودو، به بیلمه‌يه‌سنمی، خوتکار مۇراد رامازان بايرامینا قدر
- سايسیز-حسابسیز قوشونلا اۆستوموزه گلیر.
- بلی، دلیلر باشلادیلار زنجیر گمیرمه‌يه. کوراوغلو باخدی کی، دلیلرین
- حالی اؤزونده دئيیل. بێچاق وۇرسان قان چێخماز. بیر هیمه بنددیلر.
- بۇ طرفدن ده ائله بیل گیزیروغلونون سیر-صیفتینی بوران وۇرموشدو. حیرصیندن،
- هیککه‌سیندن اۆست دوداغی گؤي، آلت دوداغی يئر سۆپوروردو. کوراوغلو
- دئدی:
- – قوچ دلیلریم! سینه‌مه بیر نئچه خانه سؤز گلیب. اونو دا دئيیم.
- سونرا باشلاریق مصلحت-مشورته.
- گؤتوردو گؤرک قوچ کوراوغلو نه دئدی. عرض ائله‌يک طرفیندن قۇللوغونوزا:
- هرزه-هديان ندی، قوچ دلیلریم،
- ایندی عاغیللی بیر مصلحت گرک.
- کسک گدیکلری، بند-بره‌لری،
- ایندی عاغیللی بیر مصلحت گرک.
- تۇتاق کئچیدلری، سۇواداقلاری،
- دولاي آشریملاری، اووالیقلاری،
- دۆشمن حیله‌‌سینی، هر سوراقلاری –
- ایندی عاغیللی بیر مصلحت گرک.
- کوراوغلو هئچ واخت اولمايیب ناشی،
- دؤيوشده اۇنوتماز ياری-يولداشی،
- تۇتماغا دۆشمنله جنگی-ساواشی،
- ایندی عاغیللی بیر مصلحت گرک.
- سؤز تاماما يئتیشدی.
- گیزیروغلو مصطفی بَي دئدی:
- – جان کوراوغلو! بئله گؤرورم هامی دلیلر زنجیر گمیریر. خوتکار
- مۇراد بیجدی. هۆجوما کئچمه‌میشدن اول پلانینی يۆز اؤلچوب، بیر بیچیر.
- دۆشمنینی گؤزله‌مه‌دیگی يئردن ياخالايیر. کؤهنه حیله‌‌گردی. بیلیر کی،
- قارس، آغری، چۇخوروبا يولو کسه، عاغیلا گلمزدی. قوشونون گردیش ائتمه‌سی
- اۆچون شرایط الوئریشلیدی. اساس قۆووه‌نی بۇ سمته يؤنلده‌جک. بیزی
- چکیيه چکمک اۆچون قوشونونون آز قیسمینی ياسدیقار سمیتدن آيقیر
- کئچیدینه يؤنلده‌جک. آلوسمان شهرلرینده آز قۆووه ساخلاياجاق. بیز
- اساس قۆوومیزی آغری کئچیدینه توپلامالی، بیر قیسمینی ایسه آيقیر کئچیدینده
- پۇسقودا قويمالیيیق. ساي-سامبال دلیلردن يئددی يۆز يئتمیش
- يئددیسینی سێناق کئچیدیندن آلوسمانا يئریتمه‌لی‌يیک. دۆشمنی ياخالايیب
- يۇردوندا تۇرپ اکمه‌لی، خزینه‌سینی قنیمت گتیرمه‌لی‌يیک.
- کوراوغلو دئدی:
- – گیزیروغلونون دؤيوش نقشی قبول ائدیلسین. دمیرچیوغلو، ائيواز
- خان، شاملی بَي، جینلی مئهدی، حسن بَي دلیلریله آغری کئچیدینه، دلی
- حسن، سێرت يۇسیف، عیسیبالی، دلی احمد، آدیبللی، حالايپوزان
- دلیلریله سێناق کئچیدیندن ایستانبولا حرکت ائتمه‌لی، قالان دلیلر
- منیمله چنلیبئلین مۆدافعه‌‌سینده قالیر.
- سؤز کور‌اوغلونون آغزیندان چێخار-چێخماز چنلی خانیملاری دولدوردو
- پیياله‌لری. دلیلر پیياله‌لری نۇش ائتدیلر. باياقدی قێزیل قۇش کیمی گیزیروغلو
- آلاپاچانین، بللی احمد سۆرداتین، آدیبللی قاراگؤزون، حالايپوزان
- سارینرین، دمیرچیوغلو عرباتین، ائيواز خان دۆراتین، شاملی بَي
- بوزقارین، جینلی مئهدی قاراسه‌نیلین، حسن بَي آشقاردورون، دلی
- حسن هاچادیلین، سێرت يۇسیف کؤهلنشیرین، عیسیبالی قمردايین، دلی
- چوودار الترپنمزین بیر گؤز قێرپیمیندا قوندولار يهرین قاشینا.
- مشق مئيدانیندا بیر دفعه گردیش ائدیب، يا مدد سندن دئيیب، ائله بیر
- دلی نره چکدیلر کی، چنلیبئلده انشر-منشأ‌ر ارستی قوپدو.
- القرض، هره اۆز قويدو اؤز يولو ایله بللی-باشلی بندی بره‌سینه.
- بلی، دلیلر يولونو دستله‌مکده اولسون، ایندی آلین خبری ایستانبولدا
- قارا پلنگدن. قارا پلنگ آلیش-وئریشدن يورغون-آرغین کاروانسارايا
- قايیتدی. تاجیر تۆججارلاردان ائشیتدیگی سؤز-سوو باشلادی قلبینی آج قۇرد
- کیمی گمیرمه‌يه. ها چالیشدی کی، گؤزونون آجیسینی آلسین، باجارمادی.
- دؤزمه‌يیب سربانباشی ساریدان سوروشدو:
- – آغئيی ساری! سن دۆنياگؤرموش، چوخ اؤلکلر دولاشمیش آدامسان.
- آغلین نه کسیر، کوراوغلو بۇ قدر آلوسمان قوشونونا دوو گله بیلرمی؟
- ساری سربان دئدی:
- – اوغلوم! هرچندی بۇ ایشلر بیر قدر مۆشکولدو. آمما، اوغول!
- کوراوغلو دا بیر کور‌اوغلودو. ایمانیم اللها، دئيیرلر کؤروغلونون اؤزو
- ده، دلیلری ده قۇرد سۆدو عمیب. ائله کی، کوراوغلو نره چکیر، دلیلری اولور
- قێزمیش شیریپه‌لنگ. دۆشورلر آج قۇرد کیمی قنیملری‌نین جانینا. بیچیرلر
- ياغیلارین باشینی اۇرا يئری‌نین کلیگی کیمی. آي اوغول! بیر قوشونون کی، اولا
- باشچیسی سێرت، قۇرد، دلی، دمیرچی، شیر، شرخاتا، ياغیقیران، قورخوقامماز،
- گئریدؤنمز، تۆپداغیدان، حالايپوزان، داها نه بیلیم آي بالا،
- سايماقلا تۆکنندیلرمی. هره بیر سؤز دئيیر. قانمیرلار، قاندیرمیرلار.
- کیمی ایسته‌يیرلر قالدیریرلار، کیمی ایستسه‌لر جێزداغینی چێخاریب ياندیریرلار.
- بازار بیلمیرلر، سؤودا گؤرمه‌يیبلر. آمما، اوغول، پايلارینی قازانجین
- دۇروجا يئریندن بؤلوب گؤتورورلر. گؤرنلر دئيیر، صیفتلریندن زهریمار
- ياغیر. هر بیری يئددی بويون کلین زنجیرینی قێریر. بوي-بۇخونلاری دا
- داما دیرندی. کیمه تپینیرلر، گؤزلرینی آغاردیرلار، کیشیلیکدن کسیلیر.
- آمما، اوغول، آدام گرک اینصافینی دا ياندیرماسین. کیشیلر کاسیب-کۇسوب
- آداملاریدی. اونلارینکی شاهلار، خوتکارلار، خان-خوانلار، پاشالار، سۇلطانلار،
- مالینی يئمز تاجیر-تۆججارلارلادی. داغیدیرلار وار-حاللارینی، پايلايیرلار
- السیز-آياقسیزلارا.
- صؤحبت بۇرا چاتاندا قارا پلنگ دئدی:
- – آغئيی ساری، آند وئریرم ایمانینا، آتاملا کسدیگین دۇز-چؤره‌يه.
- متاهین اولوب قالانینی سات ديَر-ديَمزینه، قافلا قاتیری آپار آتام دئين
- يئره. من گئتدیم. مندن تاجیر اولماز. سنین دئدیگین او کوراوغلو ائله
- دئيه‌سن منیم آدامیمدی.
- القرض، سحر خوروزون ایلک بانینداجا قارا پلنگ ساری سربانلا
- حالال-حۆممت ائدیب، آتینین جیلووونو بوشلادی چنلیبئل سمتینه. آتالار
- ياخشی دئيیب، کور کیمدی نابلد. قارا پلنگ داغ دئمه‌يیب، دره
- دئمه‌يیب باشلادی هر يئرده يولو قێردیرماسینا دستله‌مه‌يه. قاتدی گئجه‌لری
- گۆندوزه. تؤکدو آتین نال-مێخینی. گؤردو ایش فێریخدی، آت تاشاخورلايیب.
- شر قاریشاندا اؤزونو يئتیردی بیر داغ کندینه. اولدو بیر قوجانین قوناغی.
- قوجا دۆنيانی يوروب بوغازیندان کئچیرمیش آدام ایدی. باخدی کی،
- قوناغی سیر-صیفتدن اۇشاق اولسا دا، هله تانری تؤرپوسو ديَمه‌يیب. ایشتاهاسی
- دا آج قۇرد کیمی. شام سۆفره‌سیندن سونرا قوجا سوروشدو:
- – اوغلوم! قوناق الله قوناغیدی. هانسی قوهوملاردانسان؟ گلیشین
- هاردان، گئدیشین هارا؟ بیر آز بۇرالار مخشوشلوقدو.
- قارا پلنگ دئدی:
- – باباجان! من تبریزلی خوجا ياقوبون اوغلويام. ایستانبولدان
- گلیب، چنلیبئله گئدیرم. يولدا آتیمین نال-مێخی تؤکولوب. تاشاخورلايیب.
- ایندی قالمیشام خاناخان.
- قوجا باخدی کی، قوناغی هئرت-مئرت قانمیر. بیر آز آچیق-ساچیق دانیشیر.
- دئدی:
- – اوغلوم، آت منده. آتینی قويارسان بۇرادا. مینرسن منیم آلاگؤز
- اۆرگمی. سنی دار-داماندا قويماز. آمما اوغلوم، بیل و آگاه اول!
- کور‌اوغلودو، گیزیروغلودو، چارداقلی چنلیبئلدی اونلارین آدینی چکمه.
- دۆنن بۇرالاردا باشلاریندا قوتازلی فس، ايینلرینده قێرمیزی شالواردان
- چوخ گؤروبلر. اونلار دا چنلیبئلین سمت-سۇاتینی سوروشورلارمیش. احتیاط
- ایگیدین ياراشیغیدی، بالا.
- قارا پلنگ دئدی:
- – باباجان، سن دۆنياگؤرموش آدامسان. آدام بیر دفعه دۆنيايا
- گلیر، اونو دا گرک کیشی کیمی ياشايا! چاققالدان چاققال، قۇرددان قۇرد
- اولار. سن منه قوچ کور‌اوغلونون، چنلیبئلین سمت-سۇاتینی سالغا وئر.
- من سنین او گئنبالاقلی فسی قوتازلیلاریندان نسیتمیرم.
- قوجا دئدی:
- – اۇغورون خئيیر، بالا! سن آلاگؤزون جیلووونو بوشلا. او سنی دۆز
- چارداقلی چنلیبئله آپارار. آلاگؤزون قارداشینی کئچن ایل جینلی مئهلیيه
- وئرمیشم، ایگینی دۇيار.
- قارا پلنگ دئدی:
- – باباجان! جینلی مئهلی کیمدی؟
- قوجا دئدی:
- – اوغلوم! جینلی مئهلینی شرول، درلز، چۇخوروبا باساراغیندا
- تانیمايان کۆللو کاووردو. اونون مین بیر فعلی، بیر او قدر ده قئيلو-قالی
- وار. گیزیروغلو مصطفی بَيین ساغ الیدی. نه بیلیم، آي بالا! ایندی ده
- دئيیرلر کی، قوشولوب چنلیبئلده کور‌اوغلويا. اونون اويونلاریندان تانریتاالا
- دا باش آچماز. آمما، اوغول، کیشی‌نین دینی-مسهبی آيری دا اولسا،
- الله آدامیدی. دینه گلسین. اونون ایشی هامپالارلا، وارلیلارلا، پاشاپوشالارلادی.
- کاسیب-کۇسوب الی تۇتاندی.
- اوغلوم! سنه بیر نامه وئره‌جم. چاتدیرارسان او جینلی مئهلیيه. ائله
- اورادا دا ياخیندان دوستلاشارسینیز – دئيیب، قوجا قلم-کاغیذ گؤتوروب يازدی:
- “مئهدی آغا! بیل و آگاه اول، بۇ طرفلرده هاوالار مخشوشدو. قێرمیزی
- تۇمان، گئن بالاقلیلار يئره-گؤيه زنجیر سالیب سیزی آختاریر. قۇشدان
- آيیق، قۇرددان سايیق اولون. آلوسمان قوشونلاری آغری کئچیدینه طرف
- داشدانیر. دوستون هینیر ولی”.
- قوجا مکتوبو قاتلايیب وئردی قارا پلنگه. دیلجاوابیندا دئدی کی،
- نامه امانتی. اله کئچسه هر ایکیمیزین قۇلاقلاری گرینه‌جک، آغزیمیزین
- قێياسی سويولاجاق. دریمیزه سامان تپینیب جاماعتا گؤرک ائدیله‌جک.
- القرض، اوباشدان قارا پلنگ بوشلادی آلاگؤزون جیلووونو. سانناسوننا
- يوللارلا قێردی يولون دامارینی. ائرته‌سی گۆن ياخار-ياتماز چاتدی بیر
- قوروغا. اؤزونو وئردی سرین بیر بۇلاغین باشینا. سۇ ایچیب، ال-اۆزونو يۇدو.
- آلاگؤزو يانچیدار ائدیب، بۇلاغین باشینداکی آغاجین کؤلگه‌سینده دیرسکلندی.
- گئتدی قارا دیو يۇخوسونا.
- بلی، نه قدر ياتمیشدی، اونو قارا پلنگین اؤزو بیلردی. آيیلاندا
- گؤردو کی، مؤحکم-مؤحکم کل زنجیریله سارینیب آغاجا. قهر بوغدو.
- آتاسی‌نین، ساری سربانین، قوجانین، کور‌اوغلونون دارا دۆشنده چکدیگی
- نره دۆشدو يادینا. او ایدی کی، قووشورولدو، گۆج وئردی، ائله بیر نره چکدی
- کی، يئددی بؤيوک کل زنجیری پۇل-پۇل اولوب سپه‌لندی دؤرد بیر يانا.
- کوراوغلو، شیر ولی، سانلی صمد، ببیر آلی، شرخاتا مدد، ياغیقیران
- آرالیقدان باخیب تاماشا ائدیردیلر.
- کوراوغلو ایره‌لی گلیب دئدی:
- – احسن سنی دوغان آنانین سۆدونه!
- قارا پلنگ قئيزله‌نیب دئدی:
- – آتام يئرینده کیشیسن! آغیر دئيردیم. منله زارافاتین وار، کیشی
- کیمی گیر مئيدانا. بیر قبیریستانلیق بوينو يوغونلا بیر اۇشاغین اۆستونه
- دۆشوب يۇخودا ال-آياغینی آغاجا ساریماق نامردلیکدی. کیشیسن ایشی مردیمردانه
- گؤر.
- کوراوغلو باخدی کی، يوخ، بۇ قانیب-قاندیرمیر. اورتالیغا مئيدان صؤحبتی
- سالیر. اؤز-اؤزونه دئدی:
- – گل بۇنو سێنا. اۇشاق اولاسان، پسینمه‌يیب دیری-دیری دانیشاسان.
- دئدی:
- – آيه ببیر! گؤر بۇ آغزی قاتیقلی نه دئيیر.
- بلی، ببیر آلی گیردی مئيدانا. قارا پلنگ بیر گؤز قێرپیمیندا
- ببیر آلینی باسمارلايیب سالدی دیزی‌نین آلتینا.
- القرض، شرخاتا مده‌دی، ياغیقیرانی، شیر ولینی، سانلی صمدی
- قالاقلادی يان-يانا. کوراوغلو باخدی کی، ایش شۇلوقدو، اؤزونو سێندیرمادی،
- دئدی:
- – اوغلوم! سینه‌مه بیر-ایکی يارپاق سؤز گلدی. دئيیم بلکه کارینا
- گلدی.
- آلدی کوراوغلو:
- سدد آفرین، اوغول، سنه،
- بۇ بويدا زور اولماز-اولماز.
- وئررم مۆژده دلیلره،
- بۇ بويدا زور اولماز-اولماز.
- آلدی قارا پلنگ:
- ریشخند ائيله‌مه باباجان،
- ایگیدده زور اولار-اولار.
- وئرمه مۆژده دلیلره،
- ایگیدده زور اولار-اولار.
- آلدی کوراوغلو:
- پولاددان مؤحکمدی جانین،
- بیلینمه‌يیر آدین-سانین،
- زۆريتیسن هانسی خانین،
- بۇ بويدا زور اولماز-اولماز.
- آلدی قارا پلنگ:
- مردلره قۇرباندی جانیم،
- بل-بللیدی آدیم-سانیم،
- دۆشمنیيم هر بیر خانین
- ایگیدده زور اولار-اولار.
- آلدی کوراوغلو:
- گل گیرمه نریله جنگه،
- چکرم سنی مهنگه،
- گۆج چاتماز قوجا نهنگه،
- بۇ بويدا زور اولماز-اولماز.
- آلدی قارا پلنگ:
- قارا پلنگ گیرر جنگه،
- چکر سن نری مهنگه.
- بیر سێرتدیر قوجا نهنگه،
- ایگیدده زور اولار-اولار.
- سؤز تاماما يئتیشدی. کوراوغلو گؤردو کی، بۇ اۇشاغین بوينو قولتوق
- گؤرمه‌يیب. اینصافی، کیشی‌نین اوغلوندان ياخشی دلی اولار. اۇشاغی سێندیرماماق
- اۆچون ال وئردی.
- قارا پلنگ ائله بیلدی کی، رقیبی اونونلا سێنانماق ایسته‌يیر. باياقدی
- ياپیشدی کور‌اوغلونون الیندن، ائله سێخدی کی، بارماقلار گیردی بیر-بیری‌نین
- ایچینه. کوراوغلو گؤردو بۇ خێنا او خێنادان دئيیل. اۇشاغین اللری دمیرچی
- منگنه‌سی کیمیدی. باياقدی بیر دلی نره چکدی. قارا پلنگین
- قۇلاقلاری گۆيولده‌دی. قوللاری بوشالدی، دۆشدو اۆزو اۆسته يئره. بۇ ایلمی
- اؤلوبسن، بیلدیرمی. دلیلر قامارلادیلار قارا پلنگی. اۆزونه سۇ سپن
- کیم، سینه‌سینی، کۆرگینی اووان کیم.
- القرض، نه هاندان، نه هانا قارا پلنگ گلدی اؤزونه. قارا
- پلنگ ایندی آنلادی کی، بۇ، کور‌اوغلونون دلی نره‌سیدی. دئدی:
- – بابا کوراوغلو! باغیشلا گۆناهیمی، سنی آنشیراممامیشام.
- سونرا دا پاپاغی‌نین آستاریندا گیزلتدیگی هینیر ولی‌نین نامه‌سینی
- وئردی کور‌اوغلويا.
- بلی، کوراوغلو نامه‌نین مظمونو ایله تانیش اولوب دئدی:
- – اوغلوم، بس سن کیمسن؟
- قارا پلنگ دئدی:
- – بابا کوراوغلو! اصیل آدیم پناهدی. تاي-تۇشلاریم آدیمی زارافاتلا
- قارا پلنگ چاغیریرلار. تبریزلی خوجا ياقوبون اوغلويام.
- کوراوغلو خوجا ياقوبون آدینی ائشیدر-ائشیتمز باسدی قارا پلنگی
- باغرینا، دئدی:
- – حالال اولسون قارداشیم خوجانین چؤرگی سنه! اوغول، بس بئله
- هارادان گلیب، هارا گئدیرسن؟
- قارا پلنگ باشینا گلنلری کور‌اوغلويا ناغیل ائتدی. کوراوغلو میندی
- جین آتینا دئدی:
- – آيه دلی مئهدر! چک آيقیری مئيدانا.
- القرض، شیر ولی، ببیر آلی، شرخاتا مدد، ياغیقیران، سانلی
- صمد، قارا پلنگ ده کوراوغلو کیمی اولدولار آتلارینا سۇوار. اۆز قويدولار
- دارداش سمتیندن آغری کئچیدینه. ایکی اؤتر، اۆچونجو گۆن اؤزلرینی
- يئتیردیلر آغری کندینه. گؤردولر کی، لئش بیر طرفده، باش بیر طرفده.
- اصیل ارست مئيدانیدی. آلوسمان قوشونلاری‌نین ساغ جیناهیندا دمیرچیوغلو
- ال ائيله‌يیب يئددی بويون کل زنجیرینه. هر هرله‌ينده اون-اون
- بئشینی لئهره وۇرور. شاملی بَي، ائيواز خان اؤزونو وۇروب قوشونون اورتاسینا،
- گؤز ایسته‌يیر تاماشاسینا. حسن بَيله، جینلی مئهدی دستله‌يیب قوشونون
- سول جیناهینی. شیر ولی، سانلی صمد اؤزلرینی يئتیردی دمیرچیوغلونا.
- ببیر آلی، ياغیقیران، دلی مئهدر اؤزلرینی يئتیردیلر شاملی بَيله،
- ائيواز خانا، شرخاتا مددله قارا پلنگ ده وۇردولار اؤزلرینی سول
- جیناها. باشلادیلار آولسمان قوشونلارینی پئنجر کیمی بیچمه‌يه.
- کوراوغلو باخدی کی، گۆن ياخیر، آمما عثمانلی قوشونو بیر اۇجادان هئي
- سئل کیمی آخیر. اؤزونو ساخلايا بیلمه‌دی. باياقدی بیر دلی نره چکدی. وۇردو
- اؤزونو قوشونا. کور‌اوغلونون دلی نره‌سیندن آغری داغیندا نۇح ايامیندان
- قالمیش قار اۇچقونو يئریدی اۆزو آشاغی. بیر طرفدن قار اۇچقونونون
- اۇغولتوسو، بیر طرفدن قوچ کور‌اوغلونون نره‌سی‌نین کۆيولتوسو آلوسمان
- قوشونونو سالدی پرن-پرن. الدن چێخان يئر آختاردی باشینی دالدالاماغا.
- القرض، کوراوغلو دلیلری ایله آغری کئچیدینده آلوسمان قوشونلارینی
- پرن-پرن سالیب قووماقدا اولسونلار. ایندی ده آلین خبری آيقیر
- کئچیدینده دلی حسن، سێرت يۇسیف، عیسیبالی، دلی چووداردان.
- دلی حسن دۆربونو گؤتوروب سۆزدو داغلاری، دره‌لری، کئچیدلری.
- گؤردو کی، آلوسمان قوشونلاری آيقیر کئچیدینه سئل کیمی آخیشیر. اۆرگی
- قۇبار ائله‌دی، هرله‌دی سازی سینه‌ی-ساندیغا:
- چوخ گزمیشم اويلاقلارین،
- وار اول سنی، مايماق داغی.
- وۆقاریمی سن وئریبسن،
- وار اول سنی، مايماق داغی.
- قويون-قۇزو ملر سنده،
- چوخ گزمیشم چیسکین، چنده،
- ائولادینام سنه من ده،
- وار اول سنی، مايماق داغی.
- قوشون گلیب باغرین ازیر،
- اوغول-قێزین نئجه دؤزور،
- دۆشمن باخیب آغزین بۆزور،
- وار اول سنی، مايماق داغی.
- چوخ قالمیشام سنده قوناق،
- گل ائيله‌مه منی قێناق،
- آغیر دئدیم سنه باياق –
- وار اول سنی، مايماق داغی.
- داغلار منیم دامانیمدی،
- هر گدیگین آمانیمدی.
- ایندی ساواش زامانیمدی،
- وار اول سنی، مايماق داغی.
- دلی چوودار، عیسیبالی،
- سێرت يۇسیفین قئيلو-قالی.
- چکیب باشین چوخ زاوالی،
- وار اول سنی، مايماق داغی.
- دلی حسن نره چکر،
- دۆشمن ایندی زهر ایچر،
- چوخلاری باشیندان کئچر،
- وار اول سنی، مايماق داغی.
- بلی، سؤز تاماما يئتیشدی، دلی حسن باياقدی بیر نره چکدی. عکسسداسی
- داغلاردان گلدی. سێرت يۇسیف کسدی قوشونون سول جیناهینی. دلی
- چوودار، دلی حسن دلیلریله داياندیلار. آلوسمان قوشونلاری ایله اۆزوزه،
- عیسیبالی دلیلریيله تۇتدو سول جیناهی ارست مئيدانی باشلادی، نه
- باشلادی. ياغی گؤرسه، يازیغی گلردی. چوخ بئله دؤيوشلرده عیسیبالی فند
- ایشلتمیشدی. بۇ دفعه ده فۆرصتی فؤوته وئرمه‌دی. دلیلرین بیر قیسمینی
- قويدو ساغ جیناهدا. بیر قیسمینی گؤتوروب کئچدی دۆشمنین آرخاسینا. اوباويماغین
- الی يابا، دهره، بالتا تۇتانی قوشولدو عیسیبالیيا. دلی حسن،
- دلی چوودار، سێرت يۇسیف قوشونون اؤنوندن، عیسیبالی جاماعتلا قوشونون
- آرخاسیندان دۆشدولر قوشونون جانینا. دار ایلکیندیده دلی حسنین
- قێلینجی داياندی عیسیبالی‌نین قێلینجینا. آلوسمان قوشونونون اؤله‌نی اؤلدو،
- قالانی کئچدی دلی حسنین قێلینجی‌نین آلتیندان. باخدی کی، بولو بَي
- چؤمه‌لن ديَمیش تويوق کیمی بۆروشوب، سێرت يۇسیف دئدی:
- – جان دلی حسن! بۇ نامردی تاپشیر منه. او، منیم آتاما نه
- داغی چکیبسه، من ده اونا او داغی چکه‌جم.
- – دلی حسن دئدی:
- – ایزینده‌دی.
- باياقدی سێرت يۇسیف هرله‌دی سازینی، باسدی باغرینا. گؤتوردو گؤرک نه
- دئدی. طرفیندن عرض ائله‌يک قۇللوغونوزا:
- اۇنوتمادیم دوه کیمی،
- بولو، من سنین، من سنین.
- آلارام او شیرین جانین،
- بولو، من سنین، من سنین.
- گیزری قێلینجیم چکرم،
- باغرین باشینی سؤکرم،
- تۇتوب قۇلاغین کسه‌رم،
- بولو، من سنین، من سنین.
- نئچه‌لرین آتدیم اودا،
- نئچه‌لری گئتدی گودا.
- تؤکرم قانین بۇرادا،
- بولو، من سنین، من سنین.
- ارست مئيدانی قۇرارام،
- بۆرج-بارینی اۇچورارام.
- دانا تک بوينون بۇرارام،
- بولو، من سنین، من سنین.
- آغلار قويدون جاوان چاغی،
- ایچیرتدین يۇسیفه آغی،
- چکرم سیننه داغی،
- بولو، من سنین، من سنین.
- بلی، سؤز تامام اولدو. سێرت يۇسیف سازلا دئدیگینی سؤزله ده دئدی.
- بلی، سێرت يۇسیف کسدی بولو بَيین بیر قۇلاغینی، سويدو آغزی‌نین قیياسینی،
- دئدی:
- – بولو بَي! آغا کرمسیز، قۇل خطاسیز اولماز. تؤکدويوندو چێخدی
- قارشینا.
- القرض، دلی حسن دلیلرله سولوغونو درمکده اولسون، ایندی آلین
- خبری گیزیروغلو مصطفی بَيدن. اۇستادلار بۇيورور کی، گیزیروغلو قنی-
- مینین اۆستونه گئدنده مین بیر فعلی-فندی وارمیش. گیزیروغلو مصطفی بَي،
- بللی احمد بیر نئچه آت منزیلی قالمیش اؤزلرینی وئردیلر چوبان ياتاقلارینا.
- اۆچ-دؤرد سۆرونو آلیب قاتدیلار قاباقلارینا. دلیلر ديَیشدی لیباسلارینی،
- اولدولار اصل چودار. بیر قدر مصلحت مشورتدن سونرا ال-آياق
- يێغیشیریلاندا دسته-دسته دولوشدولار ایستانبول بازارلارینا. وئردیلر
- اؤزلرینی کاروانسارالارا. گؤزله‌دیلر گیزیروغلونون هاچا شئشبری‌نین ایشیغینی.
- القرض، گیزیروغلو دلیلریله ایستانبول بازارلاریندا رامازانلیق
- قۇربانلیغی ساتماقدا اولسونلار، آلین خبری خوتکار مۇرادین باجیسی ماهرو
- خانیمدان. گیزیروغلو مصطفی بَيله ماهرو خانیمین عهد-پئيمان گۆنو
- باشا چاتماق عۆذره ایدی. ماهرو خانیمین گؤزلری يوللاردا، قۇلاغی سسده ایدی.
- بلی، ملک دايه ده اته‌يینی چێرمايیب دۆشموشدو ایستانبول بازارلاری‌نین
- جانینا. چاروادار بازارینا چاتاندا گؤردو کی، قسساب دۆکانی‌نین
- قنشرینده بیر اوغلان دۇروب، واللاهی ائله بیل الله تاالا خوش ساعتدا چکیب
- قله‌مینی اونون بوي-بۇخونونا، حۆسنو جامالینا. يئمه، ایچمه تاماشا ائت
- خطتی-خالینا. قاری باخدی کی، قسسابلار، چودارلار ائله هئي اوندان مصلحت
- آلیر. ملک قاری فۆرصتی فؤوته وئرمه‌دی. ياخینلاشدی جاوانا، دئدی:
- – اوغلوم! قۇربانلیغینیز بازارلی اولسون.
- گیزیروغلو دئدی:
- – ایمان يیيه‌سی اول، آنا!
- گیزیروغلو عاریف آدام ایدی. باخدی کی، قاری سؤزلو-سوولو آداما اوخشايیر.
- دئدی:
- – کئچک کاروانسارادا منیم کۆمه‌مه. اۇشاقلار ایندی سنه
- رامازانلیق اۆچون اتین ياخشی يئریندن گتیررلر.
- القرض، ملک دايه ایله گیزیروغلو گئتدیلر کاروانسارايا. اورادان،
- بۇرادان کئچدیلر چنه صؤحبتینه.
- ملک دايه دئدی:
- – پاي-پۇشنوز چوخ اولسون، آي اوغول! بايرامینیز اۆزونوزه خوشبختلیک
- گتیرسین. مۇراز مطلبینیزه چاتاسینیز. آمما اوغلوم، اینجیمه! بوي
- بۇخونونوزدان، الیاچیقلیغینیزدان هئچ ایستانبول اهلینه اوخشامیرسینیز؟
- گیزیروغلو دئدی:
- – ائله‌دی، آنا! بیز قاف آداملاریيیق. چاروادار بابايیق، ایندی رامازانلیقدیر.
- بازاریمیز دا پیس دئيیل.
- ملک دايه باخدی کی، سؤز مطلب اۆسته گلدی.
- دئدی:
- – جان بالا! الله تاالانین سیزه رحمی گلسین. سیزه نه وار. بۇ گۆن
- بۇرادا، صاباح قافداسینیز. يازیق بیزیم بالالارین حالینا. آلوسماندا باشی
- پاپاقلی قالمايیب. خوتکار هامیسینی گؤندریب باجیسی ماهرو خانیمین
- اۇجباتیندان قاف اؤلکه‌سینده کوراوغلو ایله گیزیروغلونون قێرغی‌نینا. يازیق
- باجیمی دا سالیب دؤرد دیوار آراسینا. خوتکار مۇراد فرمان وئریب کی،
- کور‌اوغلونون باشینی گتیرن آلوسمانین، گیزیروغلونون باشینی گتیرن ایسه
- ماهرو خانیمین صاحبیدی. آي اوغول، به دئيیرلر، اونلارین مینبیر هوققاسی
- وار. آمما اوغول، بۇ گۆن گیزیروغلونون ماهرو خانیما وئردیگی واخت، وعده
- تامام اولور. يازیق قێز دؤرد دیوار آراسیندا هؤرومچکدن جان دیله‌يیر.
- خوتکار قێزین آغ گۆنونو بۆکوب گؤي اسکیيه. نه گلن وار، نه ده گئدن.
- گیزیروغلو باخدی کی، قاری اونو يامانجا قارالايیب. قارینی سێناماق
- اۆچون دئدی:
- – ایمانینا قۇربان! خوتکار باجیسینی قۇش سنمز قالا دیواری آراسیندا
- ساخلايیر. بۇنا گیزیروغلونون هوققاسی نئيله‌سین؟ او بیری طرفدن ده
- خوتکارین قوشونلاری کسیب بندی-بره‌لری.
- ملک دايه گؤزونو قێيیب تفررینجله مۆساهیبینه باخدی، دئدی:
- – هئيیف زندیمه، اوغول! او قۇش سنمز سارايی اۆچ جۆت بیر تک قوجاقولتاق
- گؤزتچی، بیر ده قارا پهلوان گؤزله‌يیر. واللاهی، ياشیمین بۇ
- ایختیيار واختیندا من گئجه‌نین اوغلان چاغیندا کئشیکچیلری يۇخويا وئریب،
- خوتکار قێزینی باساردیم آتین ترکینه. اۆز قوياردیم داغلارین پناهینا.
- نه چوخدو تانری‌نین سێغیناجاغی. سونراسی الله کریمدی.
- گیزیروغلو باخدی کی، داها مێس-مێسدان کئچیب. دئدی:
- – ایمانینا قۇربان، ننه‌جان! زندین سنی آلداتمايیب. اۇزون صؤحبت
- دانانی قۇردا يئدیرر. سنه بیر نامه يازاجام، وئررسن ماهرو خانیما.
- اؤزون ده اونونلا گؤزله‌يرسن گئجه‌نین اوغلان چاغینی. گیزیروغلو قلمکاغیز
- گؤتوردو. گؤرک ماهرو خانیما نه يازدی، طرفیندن عرض ائيله‌يک
- قۇللوغونوزا:
- قیبلگاهیم ماهرو خانیم،
- شۆکور گلدیم، ها گلدیم.
- وئردیگیم ایلقار-ایمانا،
- شۆکور گلدیم، ها گلدیم.
- قاينايیب، جوشوب پئيمانیم،
- قۇربان سنه شیرین-جانیم،
- سن منیم شؤهرتیم-شانیم،
- شۆکور، گلدیم، ها گلدیم.
- گیزیروغلو، ياندی، ياندی،
- ایلقار وئریب نه زاماندی،
- وعده‌‌میز بۇ گۆن تامامدی،
- شۆکور، گلدیم، ها گلدیم.
- بلی، گیزیروغلو مصطفی بَي نامه‌نی مۆشمبله‌يیب وئردی ملک
- دايه‌يه. دئيه‌جه‌يینی، تاپشیراجاغینی دا دیلجاوابی دئدی:
- – ایمانینا قۇربان، ننه! ماهرو خانیما دئيرسن، گئجه‌دن خئيلی
- کئچمیش گؤزله‌سین منیم شئشبریمین ایشیغینی. ملک دايه نامه‌نی آلیب
- اؤپدو، قويدو گؤزو اۆسته، دئدی:
- – اوغول، خئيیر-دۇعانیز مندن، اۇغورونوز تانری-تاالادان.
- القرض، گیزیروغلو، بللی احمد، آدیبللی، حالايپوزان هۆجومدان
- قاباق پلانینی بیر ده گؤتور-قوي ائتدیلر. هر کس دلیلریيله نه ایش گؤره‌جيی‌نین
- تاپشیریغینی آلیب، گؤزله‌دیلر گیزیروغلونون هاچا شئشبری‌نین ایشیغینی.
- بلی، گئجه‌نین اوغلان چاغیندا گیزیروغلونون ایشاره‌سینی گؤرن دلیلر آج
- قۇرد کیمی باياقدی خوتکارین کئشیکچیلرینی ائتدیلر جهنمه واصیل.
- آلدیلار خوتکارلا قارا پهلوانین باشی‌نین اۆستونو. آلت پالتاریندا هر
- ایکیسینی چکدیلر گیزیروغلونون قاباغینا. سؤز گیزیروغلونون سینه‌سینده
- تۆغيان ائتدی. گؤتوردو گؤرک گیزیروغلو مصطفی بَي خوتکارا نه دئدی.
- طرفیمیزدن عرض ائله‌يک قۇللوغونوزا:
- فرمان وئریب هاي سالیبسان.
- خوتکار مۇراد، خوتکار مۇراد!
- چوخ ائولره واي سالیبسان،
- خوتکار مۇراد، خوتکار مۇراد!
- هايقیریب قێلینج چکرم،
- بۇرجو-بارینی سؤکرم،
- يۇردوندا بوستان اکرم،
- خوتکار مۇراد، خوتکار مۇراد!
- ساللام آلوسمانا تالان،
- دیلیمه گتیرمم يالان،
- آغلار قالار ائلین-اوبان،
- خوتکار مۇراد، خوتکار مۇراد!
- دؤيوشوموز آغیر اولار،
- قويوب قاچان فاغیر اولار،
- بوينون بۇران ساغیر اولار،
- خوتکار مۇراد، خوتکار مۇراد!
- سويوما سن گدا دئدین،
- آتیب بؤهتان ادا دئدین،
- چنلیبئله صدا دئدین،
- خوتکار مۇراد، خوتکار مۇراد!
- مملکتین قانا دؤنر،
- تاختی-تاجین يانا دؤنر،
- کئچن گۆنون سانا دؤنر،
- خوتکار مۇراد، خوتکار مۇراد!
- دلیلره هاي وۇرارام،
- وره‌سینی تاي وۇرارام،
- ایندی سنه توي قۇرارام،
- خوتکار مۇراد، خوتکار مۇراد!
- مرد ارنلر ائلی گۆدر،
- آرسیز نامرد الی گۆدر،
- پاشالارین سندن بئتر،
- خوتکار مۇراد، خوتکار مۇراد!
- قۇردوغلويام، بیلیر هامی،
- اصیل سويمو سن ده تانی.
- آللام سندن شیرین جانی،
- خوتکار مۇراد، خوتکار مۇراد!
- گیزیروغلو، گزر يورغون،
- ائل-اوبانا سالار قێرغین.
- سؤنوب سنین شام-چێراغین،
- خوتکار مۇراد، خوتکار مۇراد!
- سؤز تامام اولدو. ماهرو خانیم باخدی کی، گیزیروغلونون گؤزلری
- دؤنوب قان چاناغینا، دلیلر ده چئينه‌يیر بێغی‌نین اۇجونو. مطلبی آنلادی.
- ایشی گؤرن ملک دايه آچدی اؤرپه‌يینی، آتدی گیزیروغلونون آياقلارینا.
- آدیبللی عاریف آدام ایدی. اؤرپيی يئردن گؤتوروب وئردی ملک دايه‌يه،
- دئدی:
- – جان گیزیروغلو! بۇ تۆلکولری باغیشلا ملک ننه‌نین آغ بیرچه‌يینه،
- آت زیندانا.
- بلی، حالايپوزان هیمه بند ایمیش کیمی قانداللادی خوتکارلا قارا
- پهلوانین ال-آياغینی. آچدیلار زیندانی. زیندانداکیلاری ائتدیلر آزاد.
- قاپادیلار زیندانی خوتکارلا قارا پهلوانین اۆزونه. دلیلر باياقدی
- بللی احمدین ایشاره‌سیله يۆکله‌دیلر خزینه‌نی قفله-قاتیرا.
- القرض، گیزیروغلو ماهرو خانیمی، ملک دايه‌نی، قفله-قاتیری
- تاپشیردی حالايپوزانلا آدیبللیيه، سالدی يولا چنلیبئله.
- گیزیروغلو، بللی احمد دلیلرله قالدیلار سحره. خوتکارین خزینه‌سی‌نین
- اولوب-قالانینی پايلادیلار السیز-آياقسیزلارا. گیزیروغلو مصطفی
- بَي بیر نامه ده يازیب قويدو خزینه‌يه:
- – خوتکار مۇراد! اؤزو يێخیلان آغلاماز. سن فرمان وئرمیشدین کی،
- کیم منیم قانلی باشیمی سنه گتیرسه، باجین ماهرو خانیم اونوندو.
- من فرمانینا عمل ائتدیم. ماهرو خانیم اۆچون اؤز آياغیم، اؤز باشیملا
- حۆضورونا گلدیم. فرمانینا گؤره ایندی باجین منیم حالالیمدی. فرمانینا
- گؤره کیم باشیمی گتیرسه، خزینه‌نین ياریسی اونون انامیندا ایدی.
- ایندی من خزینه‌دن پايیما دۆشن انامی حالاللیقلا گؤتوردوم. فرمانینا
- گؤره باشیم اۆچون رامازانلیقدا السیز-آياقسیزلارا ال تۇتماغی ود
- وئرمیشدین. ایندی من فرمانینا عمل ائدیب خزینه‌نین اولان-قالانینی
- خئيرتلیک اۆچون پايلادیم السیز-آياقسیزلارا. سنی، قارا پهلوانی جهنمه
- واصیل ائله‌مه‌دیم، باغیشلادیم ملک دايه‌نین، ماهرو خانیمین،
- چنلیبئل دلیلری‌نین حؤرمتینه. اگر آزیب، بیر ده يولومون اۆستونه
- چێخسان کسه‌جم قۇلاقلارینی، سوياجام آغزی‌نین قێيینی.
- القرض، گیزیروغلو مکتوبو يازیب قويدو خزینه‌يه، بللی احمد
- دلیلرله اۆز قويدو چارداقلی چنلیبئله.
- بلی، ناغیلچیلار دیلی مۆبارک، کؤهلن منزیلده يۆيورک اولار.
- اۇستادلار دئيیر کی، قفله-قاتیر چارداقلی چنلیبئله چاتاندا کوراوغلو قان
- قارداشی‌نین گلیشی مۆناسیبتیله يئددی مین يئددی يۆز يئتمیش يئددی تۇنجونو،
- ابریشیم اؤيجی، ائرکجی کسدی گیزیروغلو مصطفی بَيله ماهرو
- خانیمین مۆبارک قدملرینه، نیگار خانیم الینده‌کی شربتی وئردی
- تزه بَيله گلینه. دیله‌دی اونلارا خئيیر-دۇعا. جمعی چنلیبئل خانیملاری
- دا دۇردولار اللرینده شیرین-شربت دلیلرین پیشوازیندا.
- اۇستادلارین سؤز-سووونا گؤره، کوراوغلو چنلیبئلده گیزیروغلو مصطفی
- بَيله ماهرو خانیما قێرخ گۆن، قێرخ گئجه بیر توي ائله‌دی کی، هله رۇزگارین
- گؤزو جۆمله-جاهاندا بئله توي گؤرمه‌میشدی.
- آشیق جۆنونلا آشیق کنگر سازلارینی زیل-بم ائله‌دیلر. گؤتوردولر
- گؤرک کوراوغلو ایله نیگار خانیمین دیلیندن دۇواققاپما اۆزرینده
- گیزیروغلو مصطفی بَيله ماهرو خانیمین شنینه نه دئدیلر. طرفلریندن
- عرض ائيله‌يک قۇللوغونوزا، سیزه کؤنول شادلیغی.
- آلدی آشیق جۆنون:
- گیزیروغلو، ماهرو خانیم،
- نیگار وئردی خئيیر-دۇعا.
- چنلی‌نین شؤهرتی-شانی،
- نیگار وئردی خئيیر-دۇعا.
- آلدی آشیق کنگر:
- دلیلرین قان-قارداشی،
- ایگیدلرین يار-يولداشی،
- چنلیبئلین او سیرداشی،
- کور‌اوغلودان خئيیر-دۇعا.
- آشیق جۆنون:
- جۆمله دلیلر آناسی،
- اۇغورلودو ایلتیماسی،
- سیز نیگارین جۆت بالاسی،
- نیگار وئردی خئيیر-دۇعا.
- آشیق کنگر:
- هر بیریمیز اوغوللويوق،
- شیرین-شکر نوغوللويوق.
- خئيیر-شرده بیز قۇلويوق،
- کور‌اوغلودان خئيیر-دۇعا.
- آشیق جۆنون:
- جۆنون دئير جوشا-جوشا،
- بوي بۇخونونوز بیر تاماشا،
- قاریياسیز سیزی قوشا،
- نیگار وئردی خئيیر-دۇعا.
- آشیق کنگر:
- آشیق کنگر محبتله،
- ایلقار دیلر صداقتله،
- عؤمور سۆرون طراوتله،
- کور‌اوغلودان خئيیر-دۇعا.
قایناق‌لار
- Azadliq . org