سوُ اوستوندن آتیلماق دبی edit
آنا آنلاتیم
- چرشنبه آخشامی یاتیب ائرته‌دن هامی دوروب سو اوستوندن آتیلماقدان اؤتورو یاخیندا اولان چای-چئشمه‌یه دوغرو گئدیرلر. سو اوستوندن یئددی دؤنه اویان- بویانا آتیلیب دئییرلر:آغیرلیغیم-بیغیرلیغیم، بوردا قالاسان، یئددی داش چئویریب دئییرلر دیش‌آغریم- باش‌آغریم بو داشلارین آلتیندا قالسین. یئددی چؤپ کؤهنه ایلین قادا-بالا و پیسلیکلری آدیندان سووا آتیرلار. و یئددی گؤیرتی یئنی ایلین برکتی آدیندان سو قیراغیندان دریب ائوه گتیریرلر. دئمه‌لی‌ییک بو ساییلار یئر وار گؤزله‌نیلیر یئرده وار گؤزله‌نیلمیر. بئله بیر گونده ائوینده یئر خسته‌سی اولان، خسته‌سینی، قوجا شخصی اولان قوجاسینی، کوک تویوغو اولان، تویوغونو، مال-داواری سو اوستوندن آتداندیرماغا گتیریردیلر. بو گون چرشنبه سویوندا بوتون ایلی ساغلام قالما اینانجی ایله یویوناندا اولوردو. سونوندا قابلاردا قالان کؤهنه ایلین سویونو داغیدیب، چرشنبه سویوندان گؤتوروب ائوه گتیریردیلر.
- سون اولاراق بیر سؤزو بئله دئییم؛ من بایراملا ایلگیلی “نوروز” آدینی بؤیویوب کیتاب اوخودوقدان سونرا گؤرموشم. موغانین بیر بوجاغی اولان یاشادیغیم یئرده بو بؤیوک بایرام «ایل بایرامی» آدی ایله تانینیر. چرشنبه آخشامینا «کؤهنه ایلین بایرامی» و یئنی ایلین بیرینجی گونونه «تزه ایلین بایرامی» دئییلیر. ایندی (سیزده به در)ده گزمَگه چیخیلسا، یاخین کئچمیشده بورالاردا یئنی ایلین بیرینجی گونو، هامی اؤز گؤزل-گؤیچک یئمک-ایچمکلرینی توپلاییب عایله عوضولری ایله بیرلیکده «سئیره» چیخیردیلار. گؤزللیک و سئوینج دئیَنده، او چاغین سئوینجینی سئیره چیخمانین جوشقوسو و آنامین جیبلریمه تؤکدویو مامپاز شیرنی‌سی‌نین لذّتی ایله آنیمساییرام.
آنلام‌لار
یازیلیش‌لار
- لاتینجه : təkə oynatma dəbı
قایناق‌لار
- موغان
- milmugan.blogfa.com