حسن پاشانین چنلیبدله گلمه یی
edit
آنا آنلاتیم
- حسن پاشانین چنلیبدله گلمه یی
قاصید قاصیدین دالینا دۆزولموشدو. خوتکارا گۆنده بیر خبر گلیب چاتیردی. اؤزو ده بیر-بیریندن قارا، بیر-بیریندن بد خبرلر: بولو بَيین اؤلميی، عرب ریحانین اؤلميی. ایندی ده خبر گلیب چاتمیشدی کی، کوراوغلونون اوغلو تاپیلیب گلیب. اؤزو ده نئجه اوغول؟ ائله بیر بۇندان حسابینی آپار کی، کوراوغلونون اؤزونو ایکی دفعه يێخیب. بۇ خبری ائشیدندن سونرا خوتکارین الی لاپ يئردن-گؤيدن اۆزولدو. تئز بیر قاصیدی بیر نامه ایله گؤندردی هاسان پاشايا کی، “گرک الینده ياغ دا داشسا، قويوب اؤزونو منه يئتیرهسن”. هاسان پاشا نامهدن حالی اولوب قالدی مات-معطل کی، نئجه ائلهسین؟ گئتسین، نئجه گئتسین؟ گئتمهسین، نئجه گئتمهسین. چوخ گؤتور-قويدان سونرا باخدی کی، گئتمکدن باشقا چارهسی يوخدو. تداروک گؤروب، ایستانبولا يولا دۆشدو.
- خوتکار هاسان پاشانی گؤرجک، ائله بیرینجی سؤزو بۇ اولدو:
- – هاسان پاشا، بیر منه دئ گؤروم، نَيی گؤزلهيیرسن؟ گؤزلهيیرسن
- کوراوغلو گلیب سنی توقاتدا، منی ده ایستانبولدا اؤلدورسون؟!
- هاسان پاشا دیلینی سالدی ایشه. مین يئردن مین بهانه گتیردی. آنجاق
- هئچ بیری بیر قۇروشا ديَمهدی. خوتکارین آخیرینجی سؤزو بۇ اولدو کی:
- – هاسان پاشا، بیلمیرم. سنه قێرخ گۆن مؤهلت وئریرم. يا بۇدو
- کی، گرک چنلیبئلی داغیدیب، کوراوغلونون باشینی گتیرهسن، يا بۇدو کی،
- قێرخ بیرینجی گۆن سنین اؤزونو دار آغاجیندان آسدیراجاغام.
- هاسان پاشانین قۆدرتی قالمادی کی، بیرجه کلمه کسه. اوردان دۇروب،
- بیرباش گلدی توقاتا. قوشون بؤيوکلرینی يێغیب باشلادی حاضیرلیغا. ایندی
- هاسان پاشا بۇرادا حاضیرلاشماقدا اولسون، سنه دئيیم آشیق جۆنوندان.
- آشیق جۆنون بۆتون بۇ شئيلرین هامیسینی جیکیندن بیکینه کیمی ال
- آلتیندان اؤيرهنیب، دابان آلدی چنلیبئله. احوالاتی، نئجه کی، بیز بیلیردیک،
- ائلهجه کوراوغلويا دانیشدی. کوراوغلو دئدی:
- – عيبی يوخدو. سیز اؤز ایشینیزده اولون! قويون گلسین. هاسان پاشا ایله
- ده بۇرادا گؤروشریک.
- بۇ سؤزده دلی حسن يئریدی قاباغا دئدی:
- – کوراوغلو، اؤزونه چوخ دا آرخايین اولما. بۇنا هاسان پاشا دئيرلر.
- بۇ نه بولو بَيه بنزهمز، نه ده عرب ریحانا. قوي بیز ده حاضیرلاشاق.
- دلیلر ده، خانیملار دا هامیسی دلی حسنین فیکرینی بَيندیلر.
- آخیردا بئله اولدو کی، دلی حسن دلیلرین اۆچ مین ساي-سئچمهسینی آيیریب،
- چنلیبئلین توقات باخارینداکی بندرلری تۇتدو. باشلادیلار هاسان پاشانی
- گؤزلهمهيه.
- بیر گۆن کئچدی، بئش گۆن کئچدی، اون بئش گۆن کئچدی، هاسان پاشادان
- خبر چێخمادی.
- گۆنلرین بیر گۆنو سحر تئزدن کوراوغلو بیر ده باخدی کی، بۇدو،
- کئشیکچی بیر آدام گتیریر. گلهاگل، گلهاگل، کوراوغلو باخدی کی، بۇ آدام
- ائلچی پالتاریندادی. سوروشدو:
- – کیمسن؟ نه ایستهيیرسن؟
- ائلچی ادب سلامینی يئرینه يئتیریب دئدی:
- – قوچ کوراوغلو، من سنین دوستون المقولو خانین قاصیدیيم.
- گلمیشم سنه خبر وئرم کی، المقولو خان اؤز باشینین آداملاری ایله
- سنه قوناق گلیر.
- کوراوغلو دئدی:
- – خوش گلیر، صفا گتیریر. هر کیم منه قوناق گلسه، گؤزومون
- اۆستونده يئری وار.
- اوندان دمیرچیوغلونو، ائيوازی، بیر ده گۆرجووغلو مممهدی چاغیردی
- کی:
- – تئز اولون، حاضیرلیق گؤرون! گرک المقولو خانی ائله قارشیلاياق کی،
- گۆرجووغلو مممهدین، بیر ده رۇقیيه خانیمین باشی آشاغی اولماسین.
- حاضیرلیق باشلاندی. قويون کسن کیم، اوجاق ياندیران کیم، آتینی
- تۇمارلايان کیم، ائله اولدو کی، ائله بیل چنلیبئل تويا حاضیرلاشیر. کوراوغلو
- تئز بیر آدام قاچیرتدی دلی حسنین يانینا کی، بس احوالات بئلهدی.
- قوناق گلیر. تئز گلسین. اوندان اۆزونو تۇتدو ائلچیيه کی:
- – ياخشی، خان نه واخت گلهجک؟
- ائلچی دئدی:
- – قوچ کوراوغلو، خان گلیب. من اونلاری چنلیبئلین اۆچ آغاجلیغینداکی
- بۇلاغین باشیندا قويوب گلدیم. دئدیلر کی، بیز کوراوغلونو بۇرادا
- گؤزلهيهجيیک.
- کوراوغلو قالخدی آياغا کی:
- – ائوین يێخیلسین، بس سحردن نیيه بۇنو منه دئمیرسن؟ کیشینین
- يانیندا بیابیر اولدوق. دئ گؤروم، نئچه نفردیرلر؟
- کوراوغلو هاي وۇردو يئددی يۆز دلی آتلانسین. اؤزو ده دلی مئهتری
- سسلهدی کی، قێراتی گتیرسین. بلی، دلیلر آتلاندی. قێرات گلدی. کوراوغلو
- آياغینی قويدو اۆزنگیيه آتا مینسین، نه فیکیرلشدی، نه فیکیرلشمهدی،
- بیردن اۆزونو بللی احمده تۇتوب دئدی:
- – بللی احمد، من قايیدینجا او ائلچینین الینه-آياغینا زنجیر
- وۇروب، گؤز آلتیندا ساخلارسان.
- بللی احمد “باش اۆست” دئيیب، او ساعت بیر آغیر کوتان زنجیرینی سالدی
- ائلچینین بوينونا. ائلچی ایشی بئله گؤرنده قێشقیردی.
- – بۇ ندی؟ من بۇ ساعت گئدیب خانا دئيهجهيم. قوناغین ائلچیسینی
- ده زنجیره وۇرارلار؟
- بللی احمد دئدی:
- – آيه، ناراحات اولما! بۇ بیزیم قايدامیزدی. ائله کی، کوراوغلو قايیدیب
- گلدی، اوندان سونرا سنی لاپ يۇخاری باشدا اوتورداجاغام.
- ائلچی باشلادی دارتینیب-چێرپینماغا کی:
- – منه هئچ بیر شئي لازیم دئيیل. بۇ ساعت منی بۇراخین، من چێخیب
- گئدیرم.
- کوراوغلو نه فیکیرلشدی، نه فیکیرلشمهدی، بیردن میسری قێلینجی چکیب
- جۇمدو ائلچینین اۆستونه، تۇتدو اونون بوغازیندان کی:
- – بۇ ساعت دئ گؤروم، سن کیمسن؟ بۇرايا نَيه گلمیسن؟ يوخسا
- باشینی بدنیندن آيیراجاغام.
- ائلچی ایشی بئله گؤرنده دۆشدو کوراوغلونون آياقلارینا کی:
- – آمانین بیر گۆنودو، کوراوغلو! بیر قلتدی ائلهمیشم اجدادیم ایله.
- منه يازیغین گلسین. بیر سۆرو کۆلفتیم وار. آمان وئر، دئيیم.
- کوراوغلو دئدی:
- – آماندی دئ! آمما يالان دئسن، واي حالینا!
- ائلچی دئدی:
- – واللاه-بالله، بیرجه کلمه يالان دئسم، هر نه بیلیرسن ائله!
- نئجه کی، وار، دۆزونو دئيهجهيم. آمما گرک سؤز وئرهسن کی، منی
- بۇراخاجاقسان.
- دلیلر، خانیملار هامیسی مات-معطل قالدیلار کی، گؤرهسن بۇ نه
- سیرردی. کوراوغلو دئدی:
- – دئدیم سنه کی، آمانداسان. دانیش!
- ائلچی باشلادی کی:
- – جان کوراوغلو، من سحردن هر نه دئمیشمسه هامیسی يالاندی.
- من هئچ بیلمیرم کی، المقولو خان کیمدی. منی بۇرايا گؤندرن
- توقاتلی هاسان پاشادی. بۇدو، اون بئش مین قوشون ایله گلیب سنین اۆستونه.
- بۇ آدلا ایستهيیر کی، سنی آپاریب قاباقجا اؤزونو تۇتا، سونرا دا چنلیبئله
- يئریش ائلهيه.
- کوراوغلو قايیدیب اوتوردو، دئدی:
- – ياخشی، بس قوشون هاردادی؟
- ائلچی دئدی:
- – بیز بۇرايا آخشام چاتمیشیق. گئجه ایله قوشونو بندرگاهلاردا گیزلهدیب،
- اؤزو يۆز-يۆز اللی آداملا سنی بۇلاق باشیندا گؤزلهيیر.
- کوراوغلو گئتدی فیکره. ائله بۇ دمده دلی حسنین دالینجا گئدن
- آدام باشی لوولو گلدی کی:
- 354
- – هر يئری الک-ولک ائلهدیم. نه دلی حسن وار، نه ده دلیلر..
- بۆتون بندرگاهلار دا بوشدو.
- کوراوغلو قالخیب تۇتدو اونون بوغازیندان کی:
- – سن نه دانیشیرسان؟
- دلی دئدی:
- – جان کوراوغلو، منی نیيه اؤلدورورسن؟ من ایشین اولانین سنه
- دئيیرم. اینانمیرسان آدام گؤندر، يوخلاتدیر.
- تئز دلیلردن بیر نئچهسینی گؤندردیلر. خبر گلدی کی، بس دئيیلن
- دوغرودو. نه دلی حسن وار، نه ده کی، دلیلر. کوراوغلونون گؤزلری
- دؤندو قان چاناغینا. ائله اولدو کی، داي بیر آدام جۆرت ائلهيه بیلمهدی
- آغزینی آچیب بیر کلمه دینه. نیگار خانیم ایشی بئله گؤرنده دۇروب گلدی
- قاباغا. دئدی:
- – کوراوغلو، بئله دايانماقدان بیر شئي چێخماز. اولان اولوب. ایندی بیر
- تدبیر گؤرمک لازیمدی. دئ گؤرک، نه ائلهيک. او نئجه دئيرلر، دۆشمن
- کسیب قاپینین آغزینی.
- کوراوغلو ائله بیل ياتمیشدی، اوياندی. دۇردو آياغا. آمما دۇردو، نه
- دۇردو. ائله قالخدی کی، ائله بیل قاف داغی گۇرولتو ایله يئریندن اوينادی. ائله
- بیرجه بۇنو دئدی کی:
- – نئينک. قوي اولسون.
- سونرا اۆزون ائيوازا تۇتدو، دئدی:
- – دلیلردن ایکی مین گؤتوروب کسرسن بندرگاهلاری. اونو-بۇنو
- بیلمیرم. چنلیبئله بیر آدام بۇراخسان، باشینی اؤزوم کسهجهيم.
- اوندان دؤندو دلی مئهتره، دئدی:
- – دلیلردن يئتمیش نفر گؤتور. هاسان پاشانین قاباغینا گئدهجيیک.
- کوراوغلونون بۇ سؤزوندن دلیلر قايناماغا باشلادیلار. کوراوغلو
- باخدی کی، دلیلر بۇنا راضی دئيیللر. آمما قورخودان دا بیر آدام جۆرت
- ائلهيه بیلمیر کی، دانیشسین، دئدی:
- – تئز اولون! گرک هاسان پاشا باشا دۆشمهسین کی، بیز اونون ایشدکلرینی
- بیلمیشیک.
- سونرا اۆزونو تۇتدو دمیرچیوغلويا، دئدی:
- – قورخمورسان کی؟
- دمیرچیوغلو گۆلدو، دئدی:
- – جان کوراوغلو، سن رۆسخت وئر، اونلاری کوتان زنجیری ایله توقاتاجان
- قوولايیم. قورخماق ندی؟
- کوراوغلو دئدی:
- – حاضیرلا زنجیرینی! يئرده قالان دلیلرین هامیسینی گؤتوروب کسرسن
- ياغی قوروغونون بندرینی. ائله کی، من داوا باشلادیم، اؤزونو
- وۇرارسان قوشونا. يا بۇدو گرک هامیمیز قێریلاق، يا بۇدو گرک
- چنلیبئله دۆشمن آياغی ديَمهيه. آمما دستهنین ایچینه قورخاق آدام
- بۇراخما. آرايا پرخاشلیق سالار.
- غرض، کوراوغلو ائله کی، دئمهلیسینی دئدی، تاپشیریلماسینی تاپشیریب قۇرتاردی،
- آتی میندی، دلی مئهتری ده يئتمیش دلی ایله گؤتوروب دۆزلدی يولا.
- چنلیبئل ديَدی بیر-بیرینه. ائيواز هاي وۇردو، ایکی مین دلی بئله آيریلدی.
- دمیرچیوغلو هاي وۇردو، ایکی مین دلی بئله آيریلدی. ایشی بئله گؤرنده
- خانیملار دا قالخدیلار آياغا. قێلینج گؤتوردولر، آلتدان گئيینیب اۆستدن
- قێفیللاندیلار. ائيوازا قوشولوب بندرگاهلارا چێخدیلار. ایندی هره اؤز
- ایشینده اولسون، بیر گؤرک کوراوغلوگیل نه ائلهدیلر.
- کوراوغلو دلیلر ده يانیندا گلیب چاتدی ائلچینین دئدیگی بۇلاغین يانینا.
- کوراوغلو ائله گئدیردی کی، گۇيا هئچ بیر شئيدن خبری يوخدو. بۇلاغا بیر
- آز قالمیش باخدی کی، بۇدو نئجه ائلچی دئمیشدی، اولار يۆز، يۆز اللی آدام
- ايلشیبلر بۇرادا. ائله کی، کوراوغلوگیلی گؤردولر، هامیسی قالخدیلار آياغا.
- کوراوغلو دا گلیب چاتدی. اۇجادان بیر خوش گلدین ائلهيیب سوروشدو:
- – بس هانی خان؟
- – کوراوغلو، خان يوخدو، گلن پاشادی. سنه من زحمت وئرمیشم.
- آنجاق منی گرک باغیشلاياسان. من قورخدوم کی، سن گلمهيهسن،
- اودو کی، سنین دوستون المقولو خانین آدینی وئردیم.
- کوراوغلو دئدی:
- – گلمیسن، لاپ ياخشی ائلهمیسن. قوناق کی وار، بیزیم عزیزیمیزدی،
- ایکی گؤزوموزدو. بۇيورون گئدک! هامینیزا گؤزوموز اۆسته يئر وار.
- هاسان پاشا دئدی:
- – عزیز اولاسان. من ائله بیلمسيدیم، هئچ توقاتدان دۇروب بۇرايا
- گلمزدیم. من بیلیردیم کی، سن مرد آدامسان. منی بۇ قوجا واختیمدا
- باشی آشاغی ائلهمزسن.
- کوراوغلو دئدی:
- – الله ائلهمهسین. باشی آشاغی دۆشمنین اولسون. بۇيورون گئدک!
- آيه، دلی مئهتر قوناقلارا يول گؤستر!
- هاسان پاشا دئدی:
- – يوخ، کوراوغلو، گل ائله بیز صؤحبتی ایندی بۇراداجا ائلهيک. عيبی
- يوخدو. ائله گئتمیش کیمی واریق. واخت اولار، اینشاللاه چنلیبئله ده گئدریک.
- بیر ده من چنلیبئله بئله گئتمک ایستمیرم. اورايا، الله قويسا،
- من گرک باشقا جۆر گئدم.
- کوراوغلو هریفین سؤزلرینی باشا دۆشدو. اۆرگینده دئدی: “آي سنین او
- مئيیدینی گؤروم. الله قويسا سنی چنلیبئله من اؤز ایستهدیگیم کیمی
- آپاراجاغام”.
- کوراوغلو هاسان پاشا ایله دانیشا-دانیشا اطرافا نظر يئتیردی. گؤردو
- قوجا تۆلکو قوشونو ائله گیزلهدیب کی، بیر نفرینین ده باشی گؤرسنمیر.
- هاسان پاشا دئدی:
- – دۆش، کوراوغلو! دۆش، ائله صؤحبتیمیزی بۇ بۇلاغین باشیندا ائلهيک.
- کوراوغلو بیر يولداشلارینا باخدی، باشا دۆشدو کی، هئچ کس اونون آتدان
- دۆشمهيینه راضی دئيیل. هئچ، اصلینه باخسان، بئله يئرده آتدان دۆشمک
- عاغیللی ایش ده دئيیلدی. آمما کی، کوراوغلو بۇنو اؤز قئيرتینه سێغیشدیرا
- بیلمهدی. فیکیرلشدی کی، اگر آتدان دۆشمهسم، دئيرلر قورخدو. اودو کی،
- ائله بیردن آشیریلیب آتدان دۆشدو، يۆيهنی دلی مئهتره وئریب، اؤزو هاسان
- پاشانین يانینا گلدی. کوراوغلو ائله جلد آتدان دۆشدو کی، دلیلر هئچ بیر
- شئي ائلهيه بیلمهدیلر. دۇروب گؤزلهمهيه باشلادیلار.
- بلی، ائله کی، کوراوغلو ایله هاسان پاشا بۇلاغین باشیندا قاباق-قاباغا
- ايلشدیلر، هاسان پاشا سؤزه باشلايیب دئدی:
- – کوراوغلو، منی خوتکار سنین يانینا گؤندریب. بسدی بۇ قدر
- خوتکارا دۆشمن اولدون. ایستهيیرم خوتکارلا سنی باریشدیرام. خوتکار دئيیر،
- او منیم بؤيوک اوغلوم، بۆرجو سۇلطان کیچیک اوغلوم. ایستهيیر، کؤچوب يانیما
- گلسین، ایستهيیر ائله چنلیبئلده اوتورسون. ایستهيیر بۆتون قوشون سرکردهلیگینی
- اونا تاپشیریم. سن ده داي اۇشاق دئيیلسن. بیلیرسن کی، بۇ ایشین
- آخیری يوخدو. جاوانلیق ایدی، ائلهدین. او نئجه دئيرلر، داي هوسدی، بسدی.
- گل بۇ داشی اتهيیندن تؤک. ائله بۇرادان بیرباشا منیمله گئدک
- ایستانبولا، قۇرتارسین گئتسین.
- کوراوغلو دئدی:
- – هاسان پاشا، آدام وار، او نئجه دئيرلر، دیل ایشلهدر، آدام وار ال
- ایشلهدر. من ایندیيه کیمی ال ایشلتمیشم. اودو کی، دیلده سنین کیمی
- ياغلی-ياغلی کسیب دوغرايا بیلمهيهجهيم. من سؤزو بیر دفعه دئيهرم.
- اونو دا ديَیشمهرم. نه قدر کی، بۇ دۆنيادا من وارام، خوتکار وار،
- من اونا دۆشمنم. سیز ائله بیلمهيین کی، من سیزین ایشلرینیزی بیلمیرم.
- خوتکار سنی بۇرايا نیيه گؤندریب، سن بۇرايا نئجه گلمیسن،
- هامیسی منه بللیدی. من کوراوغلويام. منی آلداتماق، تورا سالماق
- اولماز. الیم، آياغیم ديَمهمیش قوشونونو دا گؤتور، چێخ بۇردان گئت!
- من خوتکارا دا دۆشمنم، سنه ده.
- بۇنو دئيیب، کوراوغلو دۇردو آياغا، هاسان پاشا دا دۇردو. آمما
- کوراوغلونون گؤزو اطرافدا ایدی. هاسان پاشا نه ائلهدی، نه جۆره خبر وئردیسه،
- کوراوغلو بیر ده باخدی کی، دؤرد بیر اطرافدان قوشون قالخدی آياغا.
- ياواش-ياواش باشلادیلار يئریمهيه. کوراوغلو گؤردو کی، هه، نئجه فیکیرلشمیشدیسه
- ائلهجهدی. هاسان پاشا اونو سالیب قوشونون دۆز اورتاسینا. اؤزو ده
- قوشون نه قدردی؟ آدام ائله بیل گؤبلکدی يئردن چێخیر. بیر سۇ ایچیم
- ساعتدا دؤرد بیر طرف اولدو آدام.
- کوراوغلو بیر بئله باخدی، دئدی:
- – هاسان پاشا، سن دئيیردین کی، من خوتکارین بؤيوک اوغلويام. ياخشی،
- بس اوغولو آتانین يانینا آپارماق اۆچون بۇ قوشون، بۇ سۇرسات، بۇ جببخانا
- نَيه لازیمدی؟
- هاسان پاشا دئدی:
- – کوراوغلو، سن ایندی منیم الیمده اسیرسن. بۇرادا اون بئش مین
- قوشون وار. مین جانین اولسا، بیری منیم الیمدن قۇرتارماياجاق. گل
- ناحاق قانا باعث اولما! اؤز خوشونلا تسلیم اول!
- کوراوغلو اطرافینا نظر سالیب گؤردو قوشون گئتدیکجه ایرهلیلهيیر. لاپ
- اۆزوک قاشی کیمی قالیبلار آرادا. دئدی:
- – هاسان پاشا، اؤزون بیلیرسن کی، نئجه دفعهلرله منیم الیمه فۆرصت
- دۆشوب، آمما سنی اؤلدورمهمیشم. سن ائله بیلمه کی، من سندن
- قورخموشام، يا اؤلدوره بیلمهمیشم. يوخ، من سنی، باخ، بۇ گۆن اۆچون
- ساخلايیردیم. ایندی يا سنه وئرن الله، يا منه.
- کوراوغلو بۇنو دئيیب ایستهدی آتا طرف گئتسین. هاسان پاشا حؤکم ائلهدی،
- باشینداکی آداملار بیردن سیگیرتمقیلینج تؤکولدولر اونون اۆستونه. دلی
- مئهتر ایستهدی دلیلره هاي وۇرسون، کوراوغلو ال ائلهدی کی:
- – دايان!
- اوندان دؤندو، پاشايا دئدی:
- – هاسان پاشا، گل بۇ قوشونو قێردیرما! سن ده آتینی مین، من ده.
- بۇ مئيداندا وۇروشاق. يا سن منی اؤلدور، يا من سنی. بۇنونلا دا
- داوامیز قۇرتارسین.
- هاسان پاشا دئدی:
- – بۇنلار هامیسی قورخاقلیقداندی. من سنین فیکرینی باشا دۆشورم.
- سن بیزی يۇباتماق ایستهيیرسن. آنجاق کئچمیش اولا. خوتکارین فرمانی
- بۇدو کی، سنین يا باشینی آپارام، يا اؤزونو.
- هاسان پاشا بۇنو دئيیب بیردن باشینین آداملارینا هاي وۇردو کی:
- – تۇتون، باغلايین قوللارینی!
- آداملار تؤکولدولر. کوراوغلو الیندهکی شئشپری توولايیب بیر ساغا
- هرلهدی، بیر سولا هرلهدی، اؤزونه يول آچیب چێخدی. دلی مئهتر قێراتی بۇراخدی.
- آت بیر دفعه فێنخیریب دؤردهمه اؤزونو يئتیردی کوراوغلويا. کوراوغلو قێزیلقوش
- کیمی سێچرايیب آتین بئلینه دۆشدو. اوندان اۆزون هاسان پاشايا تۇتوب
- دئدی:
- من دلیيه هديان سؤيلهمه پاشا،
- هۆنرلیسن، گل مئيدانا، افندیم!
- داغیدار اؤلکهنی، چئویررم تاختین،
- بۇلارام جمعدهيین قانا، افندیم!
- من بلهدم سنین جنگی-شستینه،
- قێلینج چکیب گیررم بۇ گۆن قصدینه،
- هايقیریب مئيداندا گلسم اۆستونه،
- يئتیرهرم سنی جانا، افندیم!
- باش ايمهرم خوتکار يازان فرمانا،
- گلرسن الیمدن آخیر آمانا،
- کوراوغلويام، نرم چێخار آسمانا،
- قوشون قاچار دؤرد بیر يانا، افندیم!
- سؤز تاماما يئتیشدی. کوراوغلو بیر دلی نره چکیب اؤزون وۇردو قوشونا.
- هاسان پاشا دا هاي وۇردو، قوشون دؤرد طرفدن تؤکولدو. کوراوغلو اۆزون
- ياغی قوروغونا طرف تۇتوب دئدی:
- مرد ایگیدلر داوا گۆنو گلیبدی،
- آت سۆروب مئيدانا چێخان گۆندو بۇ.
- مۆخننتلر تر ساواشا واریبدی،
- وۇروبان آتیندان يێخان گۆندو بۇ.
- جومرد ایگید هئچ قاچارمی مئيداندان؟
- قێلینج چکیب هايیف آلاق دۆشماندان،
- قورخاق کسلر بويون ايیب پۆنهاندان
- سینیلیب خلوتدن باخان گۆندو بۇ.
- قوچ کوراوغلو، قێلینج گؤتور دستینه.
- مۆخننت پاشالار دولوب قصدینه،
- قاری دۆشمان هۆجوم ائدیب اۆستونه،
- نیزهنی گؤزونه سوخان گۆندو بۇ.
- دمیرچیوغلويا ائله بیر ایشاره بس ایدی. هاي وۇردو، دلیلر سیگیرمقیلینج
- تؤکولدو قوشونون اۆستونه. هاسان پاشا ایشی بئله گؤرنده هاي وۇردو
- کی، قوشون او طرفه يئریسین.
- کوراوغلو دئدی:
- – هاسان پاشا، گؤرورسن کی؟ باخ، ایندی سن منیم الیمدهسن. بیر
- هملهده سنی يئرله يئکسان ائلهرم. آمما کی، ديَمیرم. قوشونونا
- سرکردهلیک ائله.
- داوا قێزیشدی. کوراوغلو دلیلری داوادا گؤرنده اۆرگی تئللندی. دئدی:
- دولون آت بئلینه، قوچ دلیلریم،
- خوتکاری تاختیندان ائندیرک، هويدو!
- تالاياق مۆلکونو، آلاق جانینی،
- ائوینی باشینا ائندیرک، هويدو!
- شێغیيیب اۆستونه قددینی بۆکک،
- گرک چنلیبئله مین اسیر چکک!
- پاشانین باشیندا گلین تۇرپ اکک!
- شاهین چێراغینی سؤندورک، هويدو!
- بیر هايقیرسام، پولاد قوللار بوشالار،
- دۆشمانلار الیمدن چکر هاشالار،
- اؤلدورک خوتکارلار، قێراق پاشالار،
- مئيدانی محشره دؤندهرک، هويدو.
- قئيسری اؤلدورک، سرداری تۇتاق.
- بؤيويون، کیچیگین قول-قولا چاتاق،
- عرب آت دؤشونه جۆملهسین قاتاق،
- چنلیبئله اسیر گؤندهرک هويدو.
- گلر کوراوغلونون داماقلی چاغی،
- دلیلر مجلیسده، خان ائيواز ساغی.
- آلادی گؤزلری، قاشلاری ياغی،
- بۇلغارلی خانیمی دیندیرک هويدو!
- سؤز ائله تزهجه تامام اولموشدو کی، قوشونون دال طرفیندن نره
- سسی گلدی. کوراوغلو دا، هاسان پاشا دا هر ایکیسی گئری دؤندولر. کوراوغلو
- باخدی کی، دلی حسن اۆچ مین دلی ایله دالدان اؤزونو وۇردو هاسان پاشانین
- قوشونونا. کوراوغلو قالدی معطل کی، بۇ نئجه اولان ایشدی. او اول-اول
- ائله بیلدی کی، دلی حسن هاسان پاشانین کؤمهيینه گلیر. باخدی کی،
- کؤمک ندی؟ دلی حسن بیر سۇ ایچیم ساعتدا هاسان پاشانین قوشونونو
- قاتیم-قاتیم قاتلايیب، آغناتدی بۇ طرفه. داوا قێزیشدی، نه قێزیشدی. دلی
- حسن قێزغین داوادا قێشقیریب دئدی:
- – آيه، دمیچریوغلو، وۇر!.. قاباق سنین، دال منیم. گؤرک کیم تئز
- قۇرتاراجاق؟
- دمیرچیوغلو سؤزو ائشیتجک، قێلینجی آتدی يئره. ال ائلهيیب بئلیندن کوتان
- زنجیرینی آچدی. دئدی:
- – دلی حسن، منیم دستم خێردادی. گؤرورم کی، زنجیری توولاماسام
- سندن گئری قالاجاغام. يا مدد!
- زنجیری باشلادی هرلهمهيه. قاباق کسیلدی، دال کسیلدی. اورتادا دا
- کوراوغلو اؤزو. قوشون باشلادی ساغا، سولا يايیلماغا.
- ائيواز هاسان پاشانین قوشونونو بئله گؤرنده قالخدی آياغا. آتی
- مینیب بندرگاهلارداکی دلیلره هاي وۇردو. ایکی مین دلی ده ائيوازلا سول
- طرفدن تپیلدی قوشونا. کوراوغلو ایشی بئله گؤرنده قێراتی جؤولانا
- گتیردی، دئدی:
- قێراتیم کیشنهيیب گیرر،
- آتیلار مئيدان باشینا.
- قێلینج چکیب دلیلریم،
- اود الر دۆشمان باشینا.
- ياخشی ار ياخشی آت مینر،
- اورتادا گؤسترر هۆنر،
- آتیلاندا نیزه، شئشپر،
- قالدیرار قالخان باشینا.
- گر گیریشسم چالهاچالا،
- قۇش گرکدی، قاناد سالا،
- چکیب اۇچوردارام قالا،
- بَي، پاشا، سۇلطان باشینا.
- داوا گۆنونده ائيواز خان
- يۆز ياغیيا وئرمز آمان،
- دولانیب اولاسان قۇربان،
- بیر ائله اوغلان باشینا.
- ایگیدده اولار ناموس، آر،
- دار گۆنده گؤرر گۆجو کار.
- کوراوغلو، دلیلر، نیگار،
- يێغیلار دؤوران باشینا.
- هاسان پاشا گؤردو ایش شۇلوقدو. بئله گئتسه بۇرادان بیر نفر آدام
- قۇرتارا بیلمهيهجک. اودو کی، هرجی باداباد دئيیب آتین باشینی دؤندردی،
- بیر دسته قوشونلا کوراوغلويا هۆجوم ائلهدی. کوراوغلو میسری قێلینجی چکیب
- اونلاری قاباقلادی. دئ بیر ساغا وۇردو، بیر سولا وۇردو، قوشونون آغزینی
- سێندیریب قاچاغا سالدی. اۆزون دلیلره تۇتوب دئدی:
- خوتکار اۆستوموزه قوشون گؤندردی،
- قێرین، دلیلریم، ائيلهيک جنگی.
- چێخین قارینجا تک دولون هر ياندان،
- بیلین اؤلکلرین منم فیرنگی.
- اللی ندی، آلتمیش ندی، يۆز ندی؟
- دالدالاردا تنه-تنه سؤز ندی؟
- دره ندی، تپه ندی، دۆز ندی؟
- منم گۆربهلرین شیری، پلنگی!
- ياراناندان بۇ مئيداندا تک منم،
- هر لکه پاشايا بويون ايمنم،
- قسم اولسون، تر ساواشدان دؤنمنم،
- آخیر سۇدا سێنار سۇيون سهنگی!
- کوراوغلو فرمانی مردی-مردانا،
- جان-دیل ایله قێلینج وۇررام دۆشمانا.
- باش ايمیرم نه سۇلطانا، نه خانا،
- منم ایگیدلرین يئکی-ایرنگی!
- آخیر کی، قوشون داوام گتیره بیلمهيیب تسلیم اولدو. کوراوغلو هاي
- وۇروب داوانی داياندیردی. هاسان پاشانین اؤزونو ده اسیرلرین قاباغینا
- سالیب چنلیبئله گتیردی. اوندان اۆزون دلیلره تۇتوب دئدی:
- – هانی دلی حسن؟
- دلی حسن دلیلرین ایچیندن چێخیب کوراوغلونون قاباغینا گلدی.
- يئتیشنده قێلینجین چێخاردی، ایکی اللرینین اۆستونده تۇتوب کوراوغلونون
- قاباغیندا دیز چؤکدو. دئدی:
- – قوچ کوراوغلو، هر شئيدن قاباق منیم بؤيوک بیر تاقسیریم وار.
- گرک اوندان کئچهسن. من سنه خبر وئرمهمیش بندرگاهلاری بوشالدیب،
- دلیلری گؤتوروب گئتمیشدیم. آمما اونو دئيیم کی، من قصداً
- بئله ائلهمیشدیم. هاسان پاشانین قوشون ایله گلمهيینی کئشیکچیلر آخشامدان
- منه دئدیلر. اونون قوشونو نئجه يئربيئر ائلهمهيینی، نئجه پۇسقو
- دۆزلتدیگینی من گؤرموشدوم. قورخدوم کی، ایشی سنه خبر وئرسم،
- چنلیبئله سس دۆشه، دۆشمن ایشی بیله، فیکرینی ديَیشه. اودو کی، سسسیزسمیرسیز
- دستهنی گؤتوروب گئجه ایله اونلارین دالیندا پۇسقويا گیردیم.
- کوراوغلو دئدی:
- – آفرین. من ائله بئله ده فیکیرلشیردیم. من ایندی سنین بۇ گۆنکو
- ایشینین عوضینی وئرمک ایستهيیرم.
- اوندان اۆزون تۇتدو هاسان پاشايا. دئدی:
- – هاسان پاشا، سن منیم يولومدا محمود پاشانین قێزی دونا
- خاتونو کئچل همزهيه وئردیردین. جامال پاشانین قێزی دۆنيا خانیمی دا
- بولو بَيه وئرمک ایستهيیردین، آنجاق اونا قیسمت اولمادی. ائشیتدیگیمه
- گؤره سنین بۇلقار خانیم آدیندا بیر قێزین وار. اونو گرک دلی حسنه
- وئرهسن. گؤتور بۇ ساعت بیر نامه ياز، گؤندر، بۇلقار خانیم گلسین بۇرايا.
- قورخما، بیزده بیر قايدا وار، هره اؤز ایستهدیگینه گئدیر. بَينر
- گئدر، بَينمز گئنه ده سنین قێزیندی. سنینله بیرینجی شرطیم بۇدو.
- هاسان پاشا دئدی:
- – دئ گؤروم، ایکینجی شرطین ندی؟
- کوراوغلو دئدی:
- – هله سن نامهنی ياز، وئر، سونرا دا ایکینجی شرطیمی دئيهجهيم.
- هاسان پاشا گؤردو آيری علاج يوخدو. کاغیذ گؤتوروب کوراوغلونون
- دئدیگی کیمی يازدی. کوراوغلو نامهنی آلیب قويدو جیبینه.
- اوندان دئدی:
- – هاسان پاشا، ایندی قۇلاق آس، ایکینجی شرطیمی دئيیم. آنجاق اصلینده
- شرط دئيیل، منیم عهدیمدی. ایندی يئرینه گلیب.
- کوراوغلو بۇنو دئيیب اۆزونو تۇتدو دلی مئهتره، دئدی:
- – آيه، دلی مئهتر، قێراتلا دۆراتی بۇرايا چک!
- دلی مئهتر او ساعت قێراتلا دۆراتی چکدی اورتالیغا.
- کوراوغلو دئدی:
- – هاسان پاشا، منیم آتام آلی کیشی سنی کیشی بیلیب، بۇ ایکی آتی سنه
- باغیشلاماق ایستهدی. بۇ ياخشیلیغین عوضینده سن بۇ آتلارین اۆستونده اونون
- ایکی گؤزلرینی چێخارتدیردین. اودو کی، بۇ چنلیبئله گلندن من عهد
- ائلهمیشم. ایندی عهدیم يئرینه گلیب. نه قدر کی، عؤمرون وار، چنلیبئلده
- قالیب بۇ ایکی آتا مئهتر اولاجاقسان.
- اۇستاد دئيیر بیر نئچه گۆندن سونرا بۇلقار خانیم چنلیبئله گلدی.
- کوراوغلو اونو دلی حسنه وئریب تويونو ائلهدی.
قایناقلار
- Azadliq . org