Wt/azb/جیجی بیجی

< Wt‎ | azb
Wt > azb > جیجی بیجی

جیجی بیجی

edit

  آنلام‌لار

  1. جیجی-بیجی. «دده قورقود داستان»دا «پس واراسان، بیر جیجی-بیجی تۆرکمان قێزینی آلاسان» جۆمله‌‌سینده ایشلنمیشدیر. همین سؤز متنین مۆعاصیر شکلینده «جیجی میجی» شکلینده ساده‌لشدیریلیب. «جیجی- بیجی» سؤزو «کیتابی-دده‌‌ قوْرقود»آ عاید ایزاهلی لۆغتده هم ضعیف، کؤرپه، هم ده خوْشخاسیت، هلیم، مئهریبان قێز معناسیندا وئریلیب.3 ت.حاجیيئو «جێجی باجی» (بیجی - ه.ت.) سؤزونون لوْرو سؤز و ایفاده کیمی فرسیز قادین معناسیندا عینیله قالدیغینی گؤستریر. ن.جعفروْو «داستان»داکی قادین اوْبرازلاریندان بحث ائدرکن يازیر: «...اساس ایشی، دئمک اوْلار کی، کافیرلرله وۇروشماقدان، ایسلام دینینی يايماقدان عبارت اوْلان (بۇرادا صؤحبت، طبیعی کی، کوْنکرئت بیر دؤوردن، ائپوْخادان گئدیر) بیر جمعیتده قادین «جێجی-باجی تۆرکمان قێزی»ندان عبارت اوْلا بیلمز - دؤورون، ائپوْخانین اؤزونه‌مخصوص قادین ایدئالی واردیر کی، ائپوْس بۇنو تقدیم ائدیر. «کیتاب»دا گئنیش يئر تۇتان قادین اوْبرازلاری - دیرسه خانین خاتونو، بوْيو اۇزون بۇرلا خاتون، ساری دوْنلو سئلجان خاتون، بانیچیچک... ایسلام شریعتی‌نین هله اؤزونه رام ائده بیلمه‌دیگی، ارلرینه، نیشانلیلارینا يوْلداشلیق ائدن، دؤيوشکن قادینلاردیر. و گؤرونور، بۇ جۆر قادین اوْبرازلاری‌نین يارادیلماسینا يۇخاریدا حاقیندا بحث ائتدیگیمیز قادین - آنا کۇلتو دا مۆعيين تأثیر گؤسترمیشدیر». گؤروندويو کیمی، «داستان»داکی «جیجی-بیجی» ضعیف، کؤرپه قێز، خوشخاسیت، هلیم، مهریبان قێز، فرسیز قادین معنالاریندا ایزاه ائدیلمیشدیر. بۇرادا «جیجی-بیجی»نین منفی چالارلی سؤز اوْلماسی داها دقیقلیکله اساسلاندیریلیب. ه.تاهیرزاده شکی آرئالیندا جیگی//جیجی//جیژی//جی سؤزونون «آنا» معناسیندا ایشلنمه‌سینی گؤسترمکله برابر، بئش.قۇکاسيانا اساسلاناراق تۆرک منشأ‌لی «آنا» آنلاملی «جیجی» و «آپا» سؤزلری‌نین گۆرجو دیلینده قوْشا ایشلنمه‌سینی گؤستریر (جیجیاپا- آنا). اوْنو دا علاوه‌‌ ائدک کی، قرب لهجه‌سینده سیرداش، رفیقه آنلاملی «جیژی باژی» سؤزو ایشلنمکددیر (آي جیژی - باژیم، من نویلیم، اوْلار هر گۆن بیر بیرینن سؤزدشئللر!).3 محض بۇنا گؤره ده «جیجی-بیجی»نی شرطی اوْلاراق قوْهوملوق مزمونلو سؤزلر سێراسینا داخیل ائتمیشیک. يۇخاریداکی قئيدلر «داستان»داکی منفی چالارلی «جیجی- بێجی»نین شیوه‌لریمیزده سئمانتیک ديَیشمه ایله مۆسبت آنلاملی سؤز کیمی مۆهافیزه‌‌ اوْلونموشدور» فیکرینی سؤيله‌مه‌يه ایمکان يارادیر.


  یازیلیش‌لار

  • لاتینجه : Cici bici