تپیک دؤیوشو
edit
آنا آنلاتیم
- بئش آلتی اوشاق بیر یئره ییغیشیر. ایکی نفر آیریلیر، اؤزلرینه یولداش سئچیر. دئمه‌لی بؤلوشورلر. یاری بؤلوندوکدن سونرا اویونون کسمتلری (شرطلری) دئییلیر. اؤرنک اوچون دئییلیر؛ “قارداش بیزبیرنی (آیاغین اوجویلا) ووردو یوخدور”. سونرا باشچی‌نین بیری “پیشدی‌بیلدی” دئییر و اویون باشلانیر. هر ایکی بؤلومون شخصلری گؤیه آتیلیب تپیک چالیب اوبیری بؤلومون شخصلرینی وورماغا چالیشیرلار. بؤلومون بیری پاران-پاران اولوب داغیلینجا اویون سورور. بو اویونو اوشاقلار ایلین سویوق آیلاریندا چوخ اویناییرلار. بو اویوندا جیلیدیم و زرنگ اوشاقلار، اَفل اوشاقلاری چوخ دؤیورلر. اویوندا یورولاندا “کووماش” دئییب بیر آز آرا آلیب دینجَلیرلر، سونرا یئنیدن “پیشدی‌بیلدی” دئییب باشلاییرلار.
- گؤروندویو کیمی بو اویون ایندی ایدمان زاللاریندا گئدن ایسپورون دؤیوش نوعونون یئرینه ایشله‌ییرمیش. ایلنجه‌‌سیندن باشقا بو اویون یئنی‌یئتمه‌لری فیزیکی باخیمدان چئویکلشدیریب گلیشدیریردی. بو اویوندا بعضاً تپیک یئییب آغلایان اوشاق دا اولوردو و بئله حاللاردا اوشاق ییه‌سی ووران اوشاغین عایله‌سی ایله هورابا‌لاشیردی. اما بونلارا باخمایا‌راق اویون یئنه ده اوینانیردی.
آنلام‌لار
- təpik döyüşü .
قایناق‌لار
- milmugan.blogfa.com