ایینه ایینه
edit
آنا آنلاتیم
- بو اویون تام شکیلده «موتال-موتال» اویونو کیمیدیر. بو اویونو چوخلو اوشاقلار دؤوره اوتورا‌راق اوینارلار. بیر باشچی اولور. هامی اللرینی یئره دوزور. باشچی دا بیر اَلینی یئره قویوب، بو شعره اوخشار سؤزلری اوخویور؛
- «ایینه-ایینه
- اوجی دویمه
- شام آغاجی
- شاتیر کئچی
- قوز آغاجی
- قوتور کئچی
- هاپپان، هوپپان
- ییریل ییرتیل
- سو ایچ قورتول.»
- باشچی بو سؤزو اوخویا-اوخویا بارماغی ایله، یئره دوزولن اللرین اوستونه وورور. سؤزون سونو هر هانسی الده بیتیرسه، او ال اویوندان چیخیر. بو ایشی بوتون اللر اوچون گؤرورلر.سونا قالان الده هامی حاضر دورومدا دایانیر. باشچی او قالان ال ایله یئره اوخویور سؤز یئرده بیتسه یوخ قالان الده بیتسه هامی اللرینی دؤشونه وورور. کیم سونا قالارسا، او سجده حالیندا یاتا‌راق قالان اویونچولار اللرینی اونون بئلینه بیر-بیری‌نین اوستونه قویورلار.باشچی سوروشور؛ ال اوستدن کیمین اَلی؟ یاتان اویونچو جواب وئریر. کیمین الی‌نین لاپ اوستده اولدوغونو بیلسه، اویون بیتیر. دوز دئیه بیلمه‌سه، اویونچولار بیرلیکده اللرینی گؤتوروب اونون بئلینه وورا‌راق دئییرلر؛
- «گؤتورون ویرون یالاندو
- چول ائششه‌یه پالاندو»
- سونرا باشچی یاتان اویونچودان سورغو سوروشور او دا جواب وئرمه‌لی اولور؛
- «دره‌ده نه اؤلوب؟
- -ائششگ
- باشینا نه ییغیشیب؟
- -قارغا
- نه تهر ائلئی؟
- -قار-قور»
- بو سؤزو ائشیدن اویونچولار، قار-قور دئیه‌رک یاتان اویونچونو قیدیقلاییرلار. و اویون بیتیر. بو اویونو اوشاقلار چوخ اویناییرلار. اما باشچی عمومیّتله بیر یئکه شخص اولور.بو اویونلاردا ماراقلی و دقّتی جلب ائدن جهت شعره اوخشار سؤزلرین اوشاقلارین اللری‌نین وصفینده اولماسیدیر. اینجه و ظریف بارماقلاری ایینه‌یه و شام آغاجی‌نین یارپاقلارینا، دیرناغی دویمه‌یه، اَلی شام آغاجی (کاج) و قوز آغاجینا اوخشاتماسیدیر. نه یازیق کی، اؤز سؤزوموز اولا-اولا ایندی شام‌آغاجینا کاج و قوزآغاجینا گیرده‌کان دئییریک. فولکلوروموزدا اولان بو کیمی نمونه‌لری توپلاماقلا دیلیمیزین سؤز داغارجیغی‌نین یوخسوللاماسی‌نین قارشی‌سی‌نی آلماق اولار.
آنلام‌لار
- iynə iynə .
قایناق‌لار
- milmugan.blogfa.com