امه کؤمجی
edit
آنلام‌لار
- امه کؤمجی بیتکی‌سی امه کؤمجیلر توروندن اولان بیتکی‌دیر. چیچکلری بنؤوشه رنگلیدیر، یارپاق قولتوغوندان چیخیر، سالخیم، بعضنن ده، تک-تک یئرلشیر. یارپاقلاری دیلیملی‌دیر. مئیوه‌سی قوتوجوقدور. امکؤمجی جینسینین آذربایجاندا ۱۰ نوعو بیتیر، اونلار اکین ساحه‌لرین‌ده، تارلالاردا، باغلاردا، مئشه و یول کنارلارین‌دا، یاخجی حاصیل وئرن تورپاقلاردا یابانی حالدا تاپیلا بیلر. گؤوده و یارپاقلاری بیشمیش و چی حالدا یئییلیر. گؤیرتی کیمی خؤرکلره قاتیلیر، یاخشی بال وئرن بیتکی‌دیر.امکؤمجی C ج ویتامینی و کاروتینله زنگیندیر. چیچه ییندن آلینان رنگدن یونون بویانماسین‌دا و شرابچیلیقدا ایستیفاده اولونور.آذربایجاندا امه کؤمجی‌دن گؤیرتی شورباسی، بوُغلاما، دولما و دیگر یئمکلرین حاضیرلانماسین‌دا ایستیفاده اولونور. امه کؤمجینین فایدالاری سایماقلا بیتمز. ایلتیهاب علیهینه یاخشی واسطه اولان بو بیتکی‌دن دریده‌کی چیبانلارین، یارالارین آغریلارینی دینجلشدیرمک اوچون ایستیفاده اولونور. سینه نی یومشالدیر، چوخ یاخشی بیر بلغم-گتیریجیدیر، آسمی آرادان قالدیریر و اؤسکوره یی تئز کسیر. بو ندندن ده سویوق قیش آیلارین‌دا امه کؤمجینین اؤزوندن و قوروسوندان ایستیفاده ائتمک لازیم‌دیر.امکؤمجی کئچللییه، ساچلارین تؤکولمه‌سینه قارشی دا یاخشی واسطه‌دیر.امه کؤمجینین قیزدیرمانی سالماق، سیندیریمه راحتلیق گتیرمک اؤزللی ییده وار.بوغاز و بادامجیق ایلتیهابلارینی آرادان قالدیریر. زؤکم، قریپ، گؤی اؤکسورک، برونشیت، معالیجه‌سینده یاخشی دیر. آغجیر ساراطانین معالیجه‌سینده ده اوندان گئنیش ایستیفاده اولونور.
یازیلیش‌لار
- لاتینجه : Əməköməci
- تورکییه تورکجه سی:Ebegümeci
- اینگیلیزجه: mallow
- بیلیمسل آدی: Malva
کؤکن
- تورکجه
قایناق‌لار
- آذربایجان دیلینین ایضاحلی لغتی - باکی، شرق-غرب؛ 2006