آردیج edit
آنلام‌لار
- آردیج، سرویگیللر فامیلییاسیندان گلن اینه یاپراقلی و تؤره‌مسی باشقا بیر توره-نوعا باغلی اولان بیر آغاج تورودور. آغاج توخوملارینی یئره تؤکتوغونده آردیج (قاراتویوق) قوشو طرفین‌دن یئییلیر. آردیج قوشونون سیندیریم-هضم سیستئمینده توخومون قابیقلاری آچیلیر. سیندیریم عملیاتی سونراسیندا آردیج قوشو توخوملاری دیشکیسییلا(مدفوع) بده‌نیندن آتار. سون مرحله اولاراق توخوملار تورپاغا قاریشاراق گؤیه ریر.یابانی مئیوه‌لر آراسیندا آردیج آیری بیر اهمیته مالیک‌دیر. بو آغاجین مئیوه‌سینه تاریخ بویونجا چوخ اهمیت وئریلمیش‌دیر. چونکی چوخ شفالیدیر. اورتا چاغ زامانیندا اوروپانین بیر چوخ یئرینده وبا چوخ مشهور و اؤلدوروجو بیر خسته‌لیک ایدی. اینسانلار بو زامانلاردا آردیج مئیوه‌سیندن چوخ توکدرک-استعمال ائد‌رک اؤزلرینه شفا آختارمیشلار. عینی دؤنمده آردیج مئیوه‌سین یییه رکن، سیدیک-ایدرار، بنؤوشه قوخوسو آلدیغی اوچون رومانی قادینلار چوخ ایستیفاده ائدرلرمیش. آیریجا آردیج، جادیلاردان قورونماق اوچون ائولرین اطرافینا اکیلیرمیش. آردیجین، اینسانلاری خسته‌لیکلردن قورودوغونا اینانیلیرمیش. بو اینانج گونوموزه قدر گلیبدیر.آردیچ آغاجی، داغلیق ساحه‌لرده آسانلیقلا یئتیشه بیلن بیر آغاجدیر. دوزنلیکلر، یوکسک داغلاردا، باتاقلیق و مئشه‌لرده یئتیشه بیلر. گنیش بیر یئتیشمه ساحه سی اولان آردیج، بعضن کول- فورماسین‌دا بعضن ده یوکسکلی یی ۱۰ مئتره چاتان آغاج شکلین‌ده طبیعتده وار. بو آغاجین قارا بیر مئیوه‌سی واردیر. آردیچ قوشونون یانیندا "لیر قوشو" و "توی قوشو" دا بو مئیوه‌لردن یییه ر. و بو قوشلارین سیندیریمی نتیجه‌سین‌ده چیخان نجیس بو آغاجا حیات وئریرلر. بو آغاجین بؤیومه‌سی ،آیری آغاجلارا گؤره یاواشدیر. فیدانین ۱،۵ ایله ۲ مئتر آراسیندا بؤیومه‌سی اوچون ایللر لازیم اولا بیلر. آغاج حالینا گلمه‌سی اوچون ده اونلارلا ایل لازیم‌دیر. آردیج آغاجی، برک، ایتی و اینه‌لی قورولوشو سایه‌سین‌ده چتین و قوراق-خشک ایقلیملرده راحتلیقلا یئتیشه بیلر. بو قدر دایانیقلی اولماسینین بیر باشقا سببی ایسه یاپیسینداکی سیلیسیک آسئدیدیر.شامان تورکمنلری و بکتاشی - علویلرینده مقدس اولاراق قبول ائدیلن بیر آغاجدیر. بوداقلارینا بئز باغلاناراق دیلک توتولور و یا بوداقلاری "تکیه" لرده قوتسال توستو اولاراق ایستیفاده ائدیلر.جعفرلی"یه گؤره، یووارلاق قارا یئمیشلری توخداج اوچون ایشلنن بیرآغاشجیق؛ دمله مسی گؤز آغریسینا و سوُیو ایت دیرسینه خئییردیر.
- آذربایجاندا بیر داغ آدی دیر
یازیلیش‌لار
- لاتینجه : Ardıc
- اینگیلیزجه:
- فارسجا:آردج،درخت عرعر،سرو کوهی
- * بیلیمسل آدی: Juniperus
کؤکن
- اسکی تورکجه(دیوان لغات الترک)
قایناق‌لار
- آذربایجان سؤزلوگو - 2013؛ اسماعیل جعفرلی
- wikipedia.org