Wq/yue/百變星君

《百變星君》（Sixty Million Dollar Man）係一套港產片，主角係周星馳，1995年8月19號喺香港上畫。

語錄

（夏威夷·火奴魯魯）
（鬧鐘響，阿達起身開工）
阿達（撞親個頭）：哎吖！死嘞！死嘞！夠鐘！開工！開工！開工！
阿達（同隻奶牛打招呼）：早晨呀，Ivy！嗱？走嚇嘩？出嚟！出嚟畀我楂！朝朝都系噉楂你咋嘛，出嚟呀！（踢奶牛）出嚟喇嘛！
阿達（楂牛奶）：啊，Ivy你真系抵惜嘅，楂極都有！第日我娶個老婆系噉呢就唔慌餓死咯。
阿達（托住杯奶上樓畀李澤星飲）：大少！鮮奶！
（李澤星攞啲牛奶嚟啷口）
阿達：換過張床單佢！啊唔系，成張掉咗佢，聽日買張新床。
僕人：Yes, Sir!
（李澤星行去走廊，縱身跳入樓下嘅游泳池）
鬼妹：Hey, take a morning bath!
鬼妹2：Wash your hair, OK?
李澤星：今日輪到邊個洗腳呀？
鬼妹：Me.
李澤星：叫你洗腳咋，唔好洗第二度呀。
（李澤星喺幾個鬼妹簇擁之下行出屋企）
李澤星：一齊講我靚唔靚仔？
一眾鬼妹：好靚仔！
阿達（追上李澤星）：大少！大少呀！老爺打電話返嚟，佢話過兩日返嚟探你喎。
李澤星：叫佢攞多一百萬美金過嚟！
阿達：夠唔夠呀？
李澤星：噉你講多啲啦！
阿達：啊！系！爹啲呀！我好乖呀，我好掛住你呀！我而家返學喇！快啲攞二百完返嚟畀我。
（李澤星踩空）
阿達：對唔住！對唔住！
李澤星：我堂梯去咗邊呀？
阿達（踎低身）：喺處！
（阿達同李澤星上咗直升飛機返學）
阿達：食雪糕呀！綠色襯返件衫呀！
李澤星：黑色一粒粒咩嚟架？
阿達：朱古力！
李澤星：綠襯黃吖嘛。綠襯黑嘅咩？（抌咗雪糕）
阿達：對唔住！
鬼妹：One two. Look at my shoes. Three four, knock at the door. Fix six, pick up sticks. Nine ten……（見到李澤星架飛機，四竄）
李澤星：我都話咗個黑柴著間條架喇。
阿達：系吖。
李澤星（見到王小虎）：王小虎喎。
阿達：系吖，我認得佢屎窟呀！
李澤星：截住佢。
（李澤星同阿達跳飛機）
李澤星（拍王小虎膊頭）：走得去邊啫？
王小虎：星哥，我咪企喺度等你囉。
李澤星：上次唔好意思呀，我燒曬你成身啲毛，搞到你要紋眉同埋戴假髮，我都好後悔。
王小虎：算啦！我成家人都打你老竇工。況且我而家都好有型吖。
李澤星：你個冚家鏟又的確係眉清目秀。呢下真系吹你唔漲架，真系。嚟，整粒朱古力先。
王小虎：星哥，我真系受唔起呀。呢啲瀉藥我食得少咩？
李澤星：嘩嚇，你醒目成噉樣樣？噉冇計喇，走喇！（轉身）
阿達：大少，就噉就算喇？
李澤星：冇辦法架啦，你睇佢個樣咁醒目，玩佢唔起架而家。
（王小虎見到地下有二百文美金，嗱嗱聲執起入袋）
李澤星：咦喂，我唔見咗兩嚿水喎。會唔會畀人偷咗呢？
王小虎：噉報警逐個搜身喇，啲冧巴我抄低曬架喇。
（王小虎嗱嗱聲吞咗兩張銀紙，又一次中計）
李澤星：醒目仔！張銀紙好唔好味呀？都系瀉藥做架。入口即溶，五秒見效。
（王小虎想用手指勾返兩張銀紙，為時已晚，嗱嗱聲走入廁所）
阿達（扐出遙控器）：中計嘞啩？
李澤星：Hold it! Hold it! 等佢屙到一半先。
李澤星：爆！（王小虎暴殄天物）彈！（王小虎連帶個馬桶畀彈上天）
李澤星（楂住望遠鏡狂笑）：哈哈哈！
鋼牙妹：你知唔知噉整人好危險架？
阿達：喂，僆仔你邊瓣架？你大佬系邊個呀？
鋼牙妹：我阿叔系呢個嘅姜司教授。我喺度讀書架。
李澤星：我吩咐過豬兜唔准入嚟讀架喎。
阿達：噉咪系，我都系洗咗黑錢至行得入呢間學校咋。
李澤星：你豬成噉洗黑錢都唔得啦，走啦！
阿達：走呀！
李澤星：走呀！
阿達：走呀！
鋼牙妹：人渣！
李澤星：慘得過我靚仔？
鋼牙妹：你亦唔靚仔！
李澤星：咩話？
鋼牙妹：你亦唔靚仔！
李澤星：你講咩？你噉嘅大話都講得出？你對唔對得住你自己良心？
阿達：算啦！
李澤星：對唔對得住你父母？
阿達：唔好同佢嘈啦！
李澤星：你對唔對得住呢個國家？你快啲開記者招待會澄清呀！如果唔系我煎你嘅皮，拆你嘅骨，飲你嘅血！
（姜司教授上堂）
姜司教授：人體系世界上最奇妙嘅嘢。而我嘅課程呢就系人體學裡便最尖端嘅課程。就系話人體嘅模仿性同埋適應性。就好似變色龍曉用保護色去模仿四周圍嘅顏色。而人類亦都同樣有噉樣嘅功能。
阿達：大少，請！
李澤星：睥咩呀？有書你就講！Get out!（坐低）
姜司教授：或者我舉個例吖。比如話，兩公婆，佢哋相處得耐咗。佢哋個樣就會慢慢變得相似。人哋話呢啲系夫妻相。其實呢，就系人體內嘅因子互相模仿。（烏低身問李澤星）呢位同學有咩意見噉呢？
李澤星：阿Sir，我成日對住啲女，又唔見我變咗啲女？
姜司教授（繼續講課）：人體系非常之脆弱嘅。我相信總有一日，我哋嘅身體大部分將會畀人造器官所代替。到時候，只系留返個腦。人體器官將會被電腦控制。佢有好強嘅模仿能力，可以變任何嘅人，甚至任何嘅物件。
李澤星（擰頭）：唔知可唔可以變支雪茄呢？
姜司教授：理論上系可以嘅。呢位同學好似對呢個問題好有興趣噉噃。
李澤星：其實系對你有興趣。正話有件四眼鋼牙話我聽你系佢阿叔。我專登嚟睇嚇你有咩咁把炮。
姜司教授：我而家開始解剖，如果你可以望住多過三分鐘嘅，先至再講其他嘢。
姜司教授：我而家開始解剖屍體嘞！
（姜司教授開始解剖屍體）
同學甲：What's he doing?
同學乙：He's really crazy!
姜司教授：果然有膽識呀嚇。喺我嘅解剖堂，你系唯一一個可以企咁耐嘅。
李澤星：超！我未有使捨過你呀真系！
姜司教授：如果你真系敢擘大對眼睇一次嘅話，我就話你把炮。
（李澤星暈）
（食堂）
李澤星：畀佢嚇嚇只腳又會軟成噉嘅真系！
阿達：我頭先攋咗尿，失陪一陣。
李澤星（坐低）：腳軟哩，鋼牙？
鋼牙：你好叻呀？夠膽食咗碟肉醬意粉佢！
（李澤星想嘔）
李澤星（彈起身）：我老竇系校董，我轉頭叫佢炒你阿叔魷魚。再趕你出校，賣你落吧跳脫衣舞！睺你跳跳嚇嗰陣，再炒你魷魚！
姜司教授（食緊面）：冇人可以炒到我嘅。我系美國政府聘用嘅高級科學顧問。嚟呢度，只系做客席教授。
李澤星：炒你唔到就攞去炆，炆完再炸都重得呀！
姜司教授：估唔到你就系全校最令人討厭同作嘔嘅二世祖。果然聞名不如見面。
李澤星：你講咩呀？我老竇系校董呀！
姜司教授：如果你老竇唔系校董嘅話，你一早就畀人打死咗嘞！
李澤星：Shut up!
姜司教授：你夠膽就話畀人知你老竇唔系校董，你睇嚇情形會系點？
李澤星：我話你聽吖，我老竇唔系校董，又如何呀？
（姜司教授同鋼牙妹支箭噉標出去）
（李澤星畀人狂毆）
（李澤星半夜潛入姜司教授實驗室）
姜司教授：個仆街累我畀人打鑊金嘅。呢個仇我一定要喺今晚報！
阿達：系吖！系吖！
李澤星：左便！左便！
阿達：右便！右便！
李澤星：唔系！哎吖！嘩！你小心啲啦！家嚇棍撞棍嘞！
阿達：對唔住呀大少，有冇撞瘀到呀？攞樽油同你捽幾下。
李澤星：死開啦你！快啲過嗰便上樓梯摷嚇。
阿達：大少，冇理由上樓梯架喎。實驗室多數喺地牢嚟架。咦，呢度似喇。（開門）大少，真系呢度呀。
李澤星：嘩嚇，咁大個地牢呀？有排玩喇！擺喺嗰度先。
阿達：嘩，你話踩到呢個捕獸器呀，唔死都殘廢呀！
李澤星：你去邊呀？
阿達：冇，我驚佢踩唔中呀，擺啲蕉皮喺處幫幫佢吖嘛。
李澤星：哎吖，好計吖。
阿達：多謝！搞掂！
李澤星：喂，呢啲喉同我拆曬佢！每條屙涿尿落去裡便。
阿達：好呀。（屙尿，見到一隻手經過）大少大少，正話我見到有隻手喺嗰度飆過呀。
李澤星：屙尿啦你。
阿達：真架！呃親你保佑我冇仔送終。
李澤星：睇你個樣梗冇仔送終啦。就算有都系畸形架啫！
阿達：噉又未必。
阿達（用支電筒喺度照嚇照嚇，身後竄出一對眼）：睥咩呀，僆仔？（突然醒覺）啊！大少大少！我啱啱見到有對眼呢，乜都冇淨系得對眼。凌空噉睥住我喎。
李澤星：凌空睥？
阿達：凌空睥！
李澤星：噉你想我點啫？
阿達：冇，我就想請教嚇，遇到噉嘅情況應該點樣做？
李澤星：嗱，畀著我呢，我就一嘢插爆佢雙眼。你使唔使睩大只眼，等我示範一次畀你睇冇？
阿達：唔使，唔使。
（對眼又蒲頭）
李澤星：吆！咩嚟架？做咩呀？咦，佢睥咩呀？系咪就系「凌空睥」呀？
阿達：就系「凌空睥」囉。
李澤星：插佢！
阿達：死喇！
李澤星：見點呀你？
阿達：
李澤星：做咩啫？
阿達：唔知呀，咩嚟架？
李澤星：等我嚟處理！
阿達：呢下唔得。細力啲，細力啲得架喇。
李澤星：走？唔好走！差人，企喺度！重捉你唔到？出嚟！我叫你出嚟呀！細路你匿喺度做咩呀？攞個身份證睇嚇。
半人：冇帶！
阿達：
李澤星：啊！——（奪路而走）救命呀！——
（阿達自食其果）
阿達：等埋我呀！救命呀！——
（鋼牙妹屋企）
警員：Check it.
鋼牙妹：Don't believe them. They are crazy. They are really crazy.
警員：OK,OK! Don't worry. We'll handle it. Calm down.
（地牢）
探長：李生，我哋搵咗大半個鐘頭呀，都搵唔到你講嗰只識行嘅手板，重有識及嘢嘅眼，都冇出現過呀。
李澤星：混賬！我工人啱啱畀只怪手差啲通櫃。
阿達：咩差啲呀？直情通咗兩吋，通咗兩吋呀！
李澤星：前後四吋。
阿達：前後四吋。
姜司教授：我呢個學生就最有想像力架嘞。咪由得佢玩多陣囉。
李澤星：教授！我思疑你系一個極度心理變態者。更加相信你殺害咗一百幾十個無辜嘅人，將佢哋嘅手手腳腳斬落嚟進行殘酷嘅科學實驗。
姜司教授：你真系有偵探嘅頭腦。但系你奈我咩何？你搵到啲手手腳腳先講啦！
（李澤星轉眼見到一隻手）
（李澤星搵個錘仔撲落去，原來系阿達只手）
李澤星：撞鬼你咩？擺只手喺度揚嚇揚嚇。
阿達：我見頭先只手咁鹹濕，一定系公嚟架。所以特登扮只乸諗住引佢出嚟噉解之嘛。
李澤星（指揮探長做嘢）：嗱！你而家派兩個人過嗰便睇睇，我同兩個人上便及及，阿達你過去嗰便攞指模。
探長：我至系探長呀，你唔好再喺度扮探長呀！（推開李澤星）
李澤星：嗱，我老竇呢就系……（李澤星畀幾個人「ung2」出實驗室）
阿達：大少！
姜司教授：拜拜！行得開嘅，聽朝返嚟上堂啦！
（阿達喺出便偵察）
（阿達返去）
（阿達開門）
（阿達畀撲咗個頭）
阿達：做乜打我喎大少？
李澤星（一身棒球員打扮）：叫咗你敲三長兩短暗號架嘛。
阿達：出便冇人架嘛。
李澤星：嗰個姜司教授殺人狂魔嚟架。我識穿咗佢，佢一定諗辦法嚟殺死我架嘛。唔系我使鬼叫你請六條茂尼嚟保護我咩？重有呀，我叫你請保鏢咋，唔系請model呀。而家佢哋叉起條腰個死款，邊有運行架？
阿達：佢哋淨系識叉起條腰架咋。
李澤星：咩呀？
阿達：啊，（睇表）講起夠鐘添。收工！
六盲人：Yes, Sir!
李澤星：咩意思呀？
阿達：盲架嘛。大少，成個夏威夷都冇人願打你工。唯有喺盲人學院請呢扎茂尼嚟頂住檔囉。所以咪……
李澤星：如果我數到三重見到你，我就噬落去。三！（撲阿達個頭）
阿達（執起頂帽）：點解佢唔數二嘅？（撞到黃一飛）啊，老爺！
黃一飛：我要畀個爆棚驚喜佢。
（黃一飛畀撲咗一鑊）
李澤星：爹啲！
黃一飛：仔呀！
李澤星：媽咪！
朱咪咪：仔呀！好硬正呀你！
李澤星：你冇嘢吖嘛你？
黃一飛：哦，我冇事，邵爵士個氣功師傅教咗我上乘嘅氣功吖嘛。所以你一撲落去呢，支棍子攣咗，我冇事架。嗱，而家就喉嚨又唔通啦，又冇嘔血啦。個肺又好舒服啦。淨系黐咗線之嘛。
李澤星：系？
黃一飛：系！唔信我拉開鏈畀你睇嚇。我啲總掣線黐埋咗架嘛而家。
朱咪咪：啋！撞鬼你咩？
黃一飛：你唔好搞我呀，而家秦始皇打到嚟呀！你快啲頂住，我要救世人呀！
阿達：我去睇睇佢吖。
（門鐘響）
李澤星：敵人到呀，準備！
李澤星：我開門引開佢注意力。你兜去後便噍佢！
阿達：呣！
孫佳君：Hi!
（李澤星睇到暈曬浪）
（李澤星撲暈阿達）
李澤星：小姐你冇嘢吖嘛？
孫佳君：冇嘢呀，呢個咩人嚟架？
李澤星：唔知喎！系賊嚟啩。小姐你有咩吩咐呢？
孫佳君：我叫Bonnie呀。我住響對面屋嘅。我屋企個沖涼缸壞咗。
李澤星：唔系啩？
孫佳君：唔知可唔可以借個地方沖嚇涼呢？
（游泳池邊）
李澤星：我通常都喺呢度沖涼嘅。洗頭水，護髮素，隨便揀。重有只鮑魚刷喺水底。
孫佳君：唔錯呀。話時話吖，你換衫都換得幾快喎。
李澤星：其實我剝人啲衫重快呀。
孫佳君：唔信！
李澤星：嘩，噉叫跳水呀？我淒！（楂起一對胸罩）邊個嘅呢？
朱咪咪：我架！
李澤星：喂！大佬呀！你唔怕畀人笑都因住啲狗會吠吖大佬！（跳落水）
朱咪咪：喂喂喂！你老竇暈咗呀！
李澤星：再毆多佢兩棍醒返架嘞！
朱咪咪：你去睇嚇佢啦！
李澤星（同孫佳君講）：跳水咁叻，等我幫你擦嚇背先。
孫佳君：喂，呢支嘢好似洗廁所架喎。
李澤星：啱吖，而家洗廁所啦而家咪。
孫佳君：耶！好衰架你！
朱咪咪：你就嚟連你老竇姓咩你都唔記得架你！
李澤星：話時話真系唔記得咗喎！咦，阿嬸，你都好面善喎。搵邊位呀你？
朱咪咪：我生嚿叉燒好過生你呀！
李澤星：生我系副作用啫，享受製造過程之嘛你！
朱咪咪：噉又系。
李澤星：涼就就嚟沖完喇！跟住去邊度wet好呢？
孫佳君：去wet？我冇諗過喎。不過如果有人同我洗嚇腳趾呢，我或者會有靈感嘅。

（酒吧）
李澤星：咩嚟架？
孫佳君：Mental illness drop.
李澤星：即系咩呀？
孫佳君：忽得呀！Yeah!
李澤星：Yeah!（猛摳自己嘅口）
孫佳君：喂！做咩呀你？想吐返出嚟呀？
李澤星：系吖，我想睇清楚個牌子，再買返一百幾呀粒看嚇門口之嘛。
孫佳君：唔使啦，我你度大把，嚟吖。（將成幾十粒忽得灌入李澤星嘅口中）
李澤星：Yeah!
侍應生：Good evening, what can I serve you?
孫佳君：Seven Tequila.
李澤星：即系Tequila加Seven-up
孫佳君：No! Seven Tequila. 一人七杯吖！
李澤星：Yeah!
（孫佳君同李澤星一齊飲酒）

（*李澤星將成杯酒潑喺孫佳君面上）

李澤星：你當我傻架，八婆？
主持人：Ladies and gentlemen. Now it's the time you've all been waiting for. The world's most famous twist contest!（眾人鼓掌）Yeah! First, let's see who our champous will be tonight. The winner will receive a mystery prize.
孫佳君：不如我哋去跳舞吖。
李澤星：跳舞我唔識架喎。
孫佳君：如果你贏咗嘅，我今晚陪你瞓吖。
李澤星：Bonnie，我諗你睇錯人。我並唔系一個貪圖女色嘅人。Understand?
孫佳君（驚惶失措）：喂喂喂！攬住我吖。
李澤星：唔好咁心急得架。
孫佳君：我老公嚟咗呀。
李澤星：有噉嘅事？
孫佳君：你擰轉頭睇嚇吖。行緊去吧嗰便呀。
李澤星：嘩！乜你十幾個老公架？
孫佳君：唔系吖，系我老公同佢啲保鏢呀。
李澤星：你老公開保安公司嘅咩？
孫佳君：唔系吖！佢系搞組織架。
李澤星：系？民主黨定共和黨呀？
孫佳君：山口組呀。
李澤星：Yeah! 拜拜！（想松人，好衰唔衰畀個主持人捉住只手，呢次冇死咯）
主持人：I know how's the result. The winners are Mr. Lee Chak Sing and his lovely lady.
（李澤星想走）
主持人：Wait, give the lady a kiss, give the lady a kiss!
（富田憤而起身）
富田頭馬：二五仔嚟咗呀。

（公路）
孫佳君：好衰架你！要人楂車自己又唔楂。你做咩唔出聲啫？你瞓著咗呀？啊？你做咩成口白泡架？喂喂！你點呀？喂！喂！喂！你唔好暈呀！喂！（擺低李澤星喺地下度）喂！你點呀？（手忙腳亂）唔系！唔系！喺邊呀？（喺櫃桶度攞出一支超大嘅針）是但啦！
孫佳君：系吖！佢真系OD呀。我有曬架撐架，你快啲過嚟救佢啦。我求嚇你吖！
電話另一頭：嚟到佢都死啦！你自己搞掂佢啦！你又唔系第一次。
孫佳君：厾人我唔掂架。我畀人厾先至得架咋嘛。
電話另一頭：你唔識都要識架嘞！唔系死喺你屋企重大鑊呀！嗱，我而家去搵本說明書教你，你等我一陣呀。
電話另一頭：喂喂！嘜咗位未呀？
孫佳君：嘜咗喇！
電話另一頭：佢系服食過度毒品，引致心臟衰竭，動脈萎縮，預防反常膨脹。要同佢進行動脈注射，刺激心臟。噉先有得救架。
孫佳君：唔好啦！
電話另一頭：你點都要搏嚇架嘞。攞咗針未呀？
孫佳君：攞咗喇。
電話另一頭：唔好理咁多，一嘢拮落去喇！
（李澤星劇痛，將孫佳君撞暈咗）
電話另一頭：喂喂！
李澤星（扐起電話）：喂！
電話另一頭：你醒返喇？
李澤星：我醒返喇！條女暈咗咋。
電話另一頭：嚇？噉支針插咗去邊度呀？
李澤星：插咗喺我褲浪對上左手便。
電話另一頭：十個男人九個擺左邊架喎。你呢？
李澤星：我好彩呀，啱啱第十個，擺右邊嘅。
電話另一頭：噉恭喜你喎。但系我袋擺左邊呀。
李澤星：冇嘢嘞！拜拜！

（出便）
畫外音：唔關我事架，唔關我事架，唔好呀！No!
富田（扚起一個人）：你個仆街！我畀咁多錢你，叫你喺政府嘅電腦度改少少嘢。你厾我背脊？
手下：Boss, don't kill me! Don't kill me. Don't kill me.
富田頭馬（擦鞋）：大佬，呢輪你啲廣東話真繫好掂。
富田：呢輪同我條女講得多。自不然就掂架喇。搞掂埋你先。
手下：Don't kill me! Don't kill me. Don't kill me.
富田：你叫我唔殺你，就唔殺你？我點做大佬呀？
手下：畀個機會我呀。畀個機會我呀。
富田：好！我就畀個機會你。等你死都死得眼閉。等個衰婆同個姦夫返嚟，齊齊攞去大海，餵魚！（開槍）
（李澤星揀路走佬）
富田：Get him!
（李澤星開跑車逃走）
富田：Shit! Fuck! 冚家鏟！
富田頭馬：What is 「冚家鏟」?
（HAWAII DIAMOND HEAD POLICE STATION）
探長：你搞乜嘢呀？尋日又話姜教授屋企有手有腳會行會走！今日就話有人要殺你。Get out! 你走呀！
李澤星：……
（李澤星慌慌失跑返屋企）
（朱咪咪拍佢膊頭）
李澤星：阿媽，阿媽，好大鑊，好大鑊，好大鑊。
朱咪咪：好大鑊呀我！
李澤星：你聽我講吖！
朱咪咪：咦！你聽我講啦！
李澤星：我畀人楂槍啡呀。
朱咪咪：啡都唔算大鑊呀！我有嘢同你講呀！
李澤星：你有咩新嘢講呀？來來去去叫我畀心機讀書。我一嬲都系架啦。
朱咪咪：唔系吖！我今次有新嘢講呀！你老竇李一飛其實唔系你親身老竇嚟架。
李澤星：我知呀，廁所達先系吖嘛。
朱咪咪：啊？！你點知架？
李澤星（揞面）：我今日撲傻咗老竇啫，我冇撲你吖，你發咩神經啫，喺度？
李一飛：傻？！（行雷閃電）撲濕我個頭，以為我傻咗乜都唔知。佢兩個姦夫淫婦，將過去嘅醜事揚曬出嚟。我先至知道你唔系我嘅仔！（又一次行雷閃電）
李一飛：我都知道事有蹺蹊。我嘅綽號系台山湯告魯斯，男中嘅極品。但系，生個仔好似坺屎噉。
李澤星（擺手）：我完全唔知你哋噏咩，總之我要二百萬。邊個畀二百萬我，我就認邊個做老竇。
阿達（手楂二百文紙）：二百文我有。
李澤星：二百萬！喂！你返入去洗廁所啦！
阿達（諗返舊時）：二十五年前，有一晚，我喺柴房睇緊鹹書，你阿媽光脫脫噉衝入嚟熄咗眼燈。
朱咪咪：喂喂喂！你唔好亂講呀！嗰晚我有著襪架。
阿達：對唔住，我記錯。你當日著住一對白襪仔。老爺嗰晚唔喺屋企。我一時控制唔到就同你阿媽……。開返燈之後，我好後悔。
李澤星：所以話你睇鹹書你話有咩謂呢？但系你好收聲喇，你唔好再噏喇！
朱咪咪：喂喂喂！唔好呀！仔打老竇會畀雷劈架。
李澤星：邊個話佢系我老竇？你話系就系呀？有咩證明呀？
朱咪咪：哎吖，粵語殘片話齋，老竇跪仔，個仔會暈架。
李澤星：嚇嘩？你跪低睇嚇我會唔會暈？跪吖！
（阿達跪低，李澤星頭暈）
朱咪咪：嗱，嗱，嗱，系咪呢？暈喇！暈喇！
李澤星：我乜事都冇呀！死未？（同阿達咬耳仔）你唔好喺度搞搞震吖嗱，我重有大好前途架。
李一飛：喂！呢度有張二百萬嘅支票，如果你認我做老竇嘅呢，我前事不計重陸續有嚟。如果唔系嘅呢，你知道會點架啦！
（李澤星收下二百萬支票）
李澤星：多謝阿爸！
（李一飛抱住李澤星）
李一飛：系！噉先至系吖嘛乖仔。嗱，正所謂識時務者為俊傑吖嘛。
朱咪咪：你噉即系大逆不道呀！唔好呀！
（李澤星趕阿達扯）
李澤星：Get out!
阿達：唔認我唔緊要。
李澤星：躝啦！
阿達：自細到大我都縱容你，其實系害咗你。
李澤星：小心講嘢吖嗱，我報警拉你呀。
阿達：我老實同你講，你系一個極度令人討厭令人作嘔嘅人。
李澤星：講吖！
阿達：我希望你以後識得點樣尊重人，人哋先會尊重返你。（李澤星兜咗阿達一腳）
（李澤星開門，將阿達踢出門）
李澤星：走啦契弟！
阿達：你就契弟！生得你出有權話你！「yang3」我都夠膽死！

（教堂）
四眼鋼牙：喂！稟神嗱？
李澤星：你唔驚我嘅咩？
四眼鋼牙：我驚你有牙呀？我夠有鋼牙咯。你唔開心咩？
李澤星：我見到你有乜法子開心啫？
四眼鋼牙：噉我走嘞喎。
李澤星：快啲吖唔該。（四眼鋼牙掉頭走）
李澤星：喂！過嚟！（四眼鋼牙坐喺李澤星身邊）我有個朋友呀，佢為咗錢唔認自己親身老竇。
四眼鋼牙：噉點呀？
李澤星：冇咩，系噉啫。
四眼鋼牙：噉走先嘞。
李澤星：喂喂喂！佢重趕咗個老竇出門口，兼且伸咗佢一腳。當其時行緊雷落緊雨。你覺得佢個人點？
四眼鋼牙：禽獸都不如囉。
李澤星：但系佢好靚仔架喎。
四眼鋼牙：哦。噉都好啲。唔系就要拉去打靶架嘞。
李澤星：講開先講吖嗱，你覺得我又靚仔成點？
四眼鋼牙：我蟲蟲向天發誓，你一啲都唔靚仔哩。

富田頭馬：今晚成屋得返佢一個人咋。
李澤星（一身棒球員打扮）：仆街吖！
富田頭馬：Move it!
李澤星：真系嚟呀。
富田頭馬：你系咪想打911報警？
李澤星：得唔得呀？
富田頭馬：隨便。
李澤星：911幾號電話話？
（黑鬼一槍都射唔中李澤星）
黑鬼：Sorry!
（李澤星跳落樓）
（阿達將啲燈全部熄滅）
富田頭馬：邊個熄燈？
富田頭馬：咪走呀！
甲：做咩成碌木噉企喺度呀？
乙：我點知佢會撞過嚟喎。
富田頭馬：追佢呀！呢間屋太大嘞，炸咗佢先。
（光頭佬開曬啲燈，得意之際畀李澤星撲咗一棍）
李澤星：我妻！
阿達：重有！
李澤星：Yeah!
阿達：Yeah!（撲多一棍）
李澤星：話時話你返嚟做咩啫？
阿達：我根本冇走過。
李澤星：唔好喐！攞支槍過嚟！只手唔好亂喐呀！慢慢遞過嚟。快啲！咪諗埋曬啲衰嘢呀！只眼鬼鬼鼠鼠以為戴副超我睇你唔到呀嗱？你唔好制呀你！（攞到支槍）我叫你攞支槍過嚟吖！
富田頭馬：你咪攞咗囉。
李澤星：哦。OK.（用槍頂住富田頭馬個頭）咪喐！
黑鬼：咪喐呀！你朋友喺我手上！
李澤星：我叫你咪喐呀！你大佬喺我手上呀！
黑鬼：你咪亂嚟呀，我哋交換人質。
李澤星：換你老母！即刻放返我朋友，如果唔系我一槍就打爆佢個死人頭！
黑鬼：OK! OK!
（阿達跪低，李澤星暈低）
李澤星：你跪喺度做咩啫？
阿達：我個仔嚟架，受唔起呀。一跪佢就會暈架嘞。
富田頭馬：Hello! Goodbye!
（計時炸彈好快就嚟爆）
李澤星：呢條蠢人，有槍唔用，佢系要用炸彈。呢鑊佢百密一疏嘞。
阿達：留低把刀喎。
李澤星：重記唔記得我哋個彈弓廁所呀？
阿達：彈阿王小虎嗰個？
李澤星：就喺你隔籬咋。
阿達：哦？個廁所一次可以彈幾多人上去架？
李澤星：一個。
阿達（睇嚇個計時炸彈）：啊，唔驚！重有個幾鐘頭，彈完一個，咪又一個囉。
李澤星：配返個眼鏡啦！剩返十秒咋。
阿達：把刀斬唔斷條鏈架。你斬斷我只手自己走啦！
李澤星：呢啲嘢唔使你教吖！（斬斷自己只手）我成世未對你好過。呢鑊補返數啦！阿爸！
阿達：阿仔！
李澤星：坐低啦！（撳遙控器，阿達畀炸到九霄雲外）
（鋼牙妹畀一個閃電嚇醒）
鋼牙妹：啊！
姜司教授（喺出便敲門）：蟲蟲，你冇事吖嘛？
鋼牙妹：我冇事呀。
姜司教授（入嚟）：你發惡夢呀？
鋼牙妹：系呀！我見到李澤星畀人炸到粉身碎骨。好得人驚呀！
姜司教授：你平時咪好憎佢嘅？點解發夢都會夢見佢架？
鋼牙妹：噉我又真系幾憎佢架。
姜司教授：我記得嘞！有個心理學家話呢，最吸引女人嘅就系嗰啲衰男人嘞！
鋼牙妹：耶！其實佢都唔系咁衰架咋。佢今日都識得去教堂嗰度懺悔。佢衰硬頸咋！驚我笑佢。佢幾可憐架，一個朋友都冇。
姜司教授：其實呢，佢繫個聰明仔嚟架。如果唔系，點可以諗到咁多橋嚟整蠱人啫？
（電話響）
姜司教授（拎起電話）：Yes.
電話另一頭：Doctor Chang please.
姜司教授：Speaking.
電話另一頭：有個病人叫李澤星，佢畀人炸到粉身碎骨呀。請你快啲返嚟醫院吖。
鋼牙妹：做咩事呀，阿叔？
姜司教授：哎吖，原來你唔系發夢呀，系真架。

（醫院）
阿達：教授！教授！我個仔點呀？
姜司教授：你冷靜啲，喺一般嘅醫學角度嚟講，你個仔已經死咗。
阿達：下？
姜司教授：但系對於我嚟講，佢只系死咗一半。
阿達：噉即系點呀？
（姜司教授揭開個蓋，阿達見到個仔剩返個嘴）
李澤星：阿爸，系咪你嚟咗呀？
阿達：啊？做乜淨系得個嘴架？
姜司教授：系吖。
李澤星：教授冇話你知咩？我週身散曬，死剩個腦同把口咋。
姜司教授：哎，你抖抖先。
阿達：唔好講嘢喇。
姜司教授：我講一個好消息同一個壞消息畀你知。
阿達：咩呀？
姜司教授：好消息呢就系我同你提過啲人造器官嘅？美國政府已經發明咗嘞。佢哋可以保留兩樣嘢，而其他呢，全部用人造器官代替。可以幫你個仔砌返一模一樣。
阿達：噉快啲砌吖，快啲砌吖。
姜司教授（引薦）：呢位昆西醫生，就系呢度嘅主診醫生。
阿達（同昆西醫生扼手）：昆西醫生嚇嘩？你好！你好！呢個系我個仔嚟嘅，唔該你幫幫手救救佢條命吖。唔該！
姜司教授：聽我講埋先，重有個壞消息。要畀六千萬美金佢，先至肯做手術架。
阿達：對唔住呀，我冇咁多錢。
姜司教授：冇錢冇得傾架！
阿達：唔怕！我打畀佢個便宜老竇。（講電話）我明白架嘞，老爺。你自己同佢講吖。
李一飛：阿星，錢我大把。但系唔准你再見廁所達。如果唔系我同你脫離父子關係。最多以後得閒飲茶算數。
李澤星：其實我呢幾日已經諗得好清楚架嘞李生。我哋得閒飲茶算喇！
李一飛：好，既然你死性不改呀，你以後自生自滅喇！
阿達：點解你咁蠢啫？
昆西醫生：Oh Jesus, you're wasting my time. I can't believe it.（行開）
姜司教授：乜咁現實架？真系一啲人情味都冇。
阿達：六千萬我冇呀仔，六千文或者有。
姜司教授：哎，你真系有六千文？好，我蝕底啲殺咗你。貴有貴做，平有平做嘅啫。夠唔夠膽搏一搏呀？

（姜司教授嘅實驗室）
（姜司教授喺度努力做緊嘢）
姜司教授：抹汗！（阿達同姜司教授抹汗）搞掂！
阿達：辛苦曬！辛苦曬！
姜司教授：趁熱食咗佢呀。
阿達：好呀！好呀！
姜司教授：我煮嘅牛肉麵，包你食到舐舐脷呀！
阿達：個衰仔黑口黑面，都系畀佢食先嘞！嚟呀，乖仔，嗱，碗麵你食先嘞！
李澤星：邊有心情呀？
姜司教授：手術總括嚟講繫好成功。個樣亦回復返同以前差唔多嘞。
李澤星：面型唔掂吖嘛。
阿達：國字口面啫，好有性格呀。
李澤星：噉會唔會國過櫳呀？
阿達：冇乜嘢呀。
李澤星：你望望我先講吖。
阿達：望乜嘢呀？我都未食麵。
李澤星：嗱，大家天地良心嘞，噉都過到骨？
阿達：哎吖，水貨嚟架嘛！將就嚇囉。
李澤星：噉我自殺嘞。
阿達：喂喂喂！噉又唔使咁偏激。喂！教授呀，噉又的而且確過唔到骨嘅！拍硬檔幫幫手再搞搞添啦。
姜司教授：呣。
姜司教授：你睇，四正曬。
阿達：同以前一模一樣呀。
李澤星：多謝曬你呀教授。
姜司教授：應該嘅。
李澤星：但系我覺得有啲長短手噉樣。
姜司教授：系人都有長短手架啦。
李澤星：但系都冇話差咁遠架，講真。噉點先？
阿達：水貨嚟架嘛。將就嚇啦！
李澤星：噉我自殺喇！
阿達（忞）：教授，家下你系咪玩我哋兩仔爺呀？咁短你都夠膽交貨。你系咪搵笨呀家下？
姜司教授：冷靜啲！冷靜啲！
阿達：冷靜啲？點樣冷靜啲先？
姜司教授：信多我一次，信多我一次。
阿達：信多你一次下嘩？
姜司教授：你真係好彩，呢個月醫院掉咗幾百對手落垃圾桶。我終於搵咗一雙最完美嘅畀你。
阿達：你試下用力睇下。
李澤星：得嘞！
阿達：得嘞下嘩？
李澤星：得呀！（發現自己冇腳，暈咗）
姜司教授：對唔住，呢個月掉嘅淨系得手咋。
阿達：水貨嚟啫，將就下囉。

（草坪）
姜司教授：左手！右腳！我都話得架啦！（李澤星有齊曬手同埋腳）Yeah!
李澤星：Yeah!
阿達：Yeah! 好嘢！好嘢！恭喜曬，教授！恭喜曬！終於成功咯！
姜司教授：我都話得架啦！系咪呀？恭喜！停呀！
李澤星：我停唔到呀！僕你個街呀！
（黃昏）
阿達：佢重要發到幾時呀？
姜司教授：睇嚟，要冇電先至會停嘞。
阿達：停咗喇！冇電喇！冇電喇！
阿達（扶起李澤星）：嚟。
姜司教授：啲電子器官開頭未適應呢，失控救難免架嘞。遲啲就冇事架嘞。（扐出一啲電芯）重有呀，你以後餐餐食電芯。千圻唔好濕身。如果唔系，全身就會癱瘓架嘞。
李澤星：急尿！
姜司教授：隨便。
阿達：喂！淨系食電芯？
李澤星：嘩！（楂住一條水喉）What is this?
姜司教授：呢個系排尿器。用完記得閂返佢。
（阿達笑）
李澤星：你都搵個似樣少少架。
阿達：喂！噉屙屎點呀？
姜司教授：都系呢度囉。
李澤星：你？（暈）
姜司教授：唔好暈呀！（扶起李澤星）我重差一塊電子晶片未輸入你個腦裡便。如果輸埋落去嘅話，你嘅電子器官模仿功能就會啟動。到時候就可以千變萬化。喺理論上可以變成任何嘢。
李澤星：我淨系想呢度變返同以前一樣。
姜司教授：都得。
李澤星：噉你重唔搞搞佢？
姜司教授：不過我重未發明到。
李澤星：你？！啡你至得。（搵水喉啡姜司教授）
姜司教授：唔好呀！
阿達：啡佢！啡佢！
姜司教授：唔好呀！唔好呀！
畫外音（姜司教授）：阿星，山口組喺度嘅勢力好大，而且心狠手辣。萬一富田知道你未死，一定會再嚟架。所以聽日我會幫你舉行一個假葬禮。而你就盡快離開呢度返香港，以後都唔好再返嚟。
（葬禮淨得蟲蟲一個參加）
李澤星：當今世上居然會有人為我流眼淚，我會記住架！

（香港兩年後11時51分）
（滂沱大雨）
差人：喂！老友！老友！呢幢樓就嚟拆架嘞喎，重未搬呀？
阿達：走架嘞……阿Sir，入去執埋啲嘢走架喇。
差人：好快啲走喇！
阿達（開門，開燈）：又畀雨淋濕哩？
李澤星：掂親水都梗曬軑，啲手手腳腳唔知撻咗去邊。我都唔想做人咯。
阿達：咪講埋啲衰嘢啦，擳啲機油咪冇事咯。
李澤星：做乜拗到我噉啫？
阿達：攞只手指嚟，噉喇。（用李澤星嘅手指塞住鼻哥寵）
李澤星：喂！唔好玩啦！我好急尿呀，你幫我放放水先啦。
阿達：好啦！好啦！
李澤星：我攞咗出嚟喇，畀你踩住咗喺下便呀。
阿達：喂！唔好意思喎嚇。做乜換咗個花灑？
李澤星：舊嗰個塞咗，屙親都喺耳仔出，有咩辦法唔換呀？
阿達：冇嘅？咪一樣耳仔出？一樣塞住？
李澤星：系？喂，你幫我吹返通佢吖唔該。
阿達：等一陣你得閒自己吹啦。哎，咪屙住。嗱，屙啦！（中招）
（兩仔爺食飯）
阿達：食飯！食飯！老竇今日畀人炒魷魚呀。嗱，呢處過兩日就拆架嘞！到時我哋早啲去公園霸兩張靚凳。聽講話呢輪公園呢出現咗變態色魔，專門捉你呢廷噉嘅後生仔嚟通櫃呀。嚟呀，整啲喼汁佢。
李澤星（食電芯）：日日食呢啲，真系想轉嚇口味。
阿達：好呀，聽日同你買只環保電芯呀。
李澤星：噉不如買兩樽滴露呀，我同你一人一樽猜咗佢，一了百了算喇！
（門鐘響，王小虎嚟搵李澤星）
李澤星：小虎？乜咁錯蕩呀？
王小虎：星，我幫你搵咗份工。
李澤星：有噉嘅事？
王小虎：系做生物教師。你跟住呢個地址去間學校度。八點鐘，我已經幫你安排好曬架喇。有萬幾文一個月架。
李澤星：小虎，我以前噉對你，你重對我咁好。我……
王小虎：傻啦，以前啲嘢唔好再提喇。大家都系成年人。
李澤星：小虎！
王小虎：畀啲心機做啦。

（第二日）
（李澤星返工）
的士司機：喂，找錢呀。
李澤星：差五毫子。
的士司機：啊？
李澤星：重差五毫子。
的士司機：你喺度教書架？
李澤星：好話嘞。
的士司機：畀多一文你呀，等你一陣間有錢打電話報警呀。

李澤星：早晨！我系新嚟嘅生物教員。
生番（標曬冷汗）：我有不祥預感呀，實在太平靜嘞！
李澤星：系！環境相當唔錯。
生番：你太疏忽嘞。呢度號稱：全港教師墳墓。教員受傷，半身不遂嘅比例系百分之五十七。每日返學都唔可以太疏忽嘅。
李澤星：其實我以前都系一個無惡不作嘅學生。卑鄙系我嘅花名，無恥系我嘅真名。正所謂咩未見過呀？
生番：蠢材！我以前嘅綽號系地獄之王教員呀。而家喺度，繫條可憐蟲咋！
（上堂嘅鈴聲）
（李澤星走入學校）
學生甲：阿Sir，早晨！
李澤星：早晨！
學生乙：阿Sir，早晨！
李澤星：乖女！
學生乙：咦你新嚟架？
李澤星：系吖。
學生乙：不如我帶你去教務處呀。
李澤星：好呀。
學生乙：呢度就系嘞。
李澤星：嚇？唔系啩？
學生乙：拜拜！
生番（擔遮）：小心！（啲學生將啲水倒落嚟）
（生番同李澤星東逃西竄）
李澤星：咦，有啲料到喎嚇。睇嚟呢度安全啲。
生番：有時越安全就越危險呀。（李澤星不幸畀扇門磧到）
李澤星：你話喺度教書有百分之五十七重傷。噉重有嗰四十三點呀？
生番：有百分之二十三死亡，有百分之十一神經失常，只有百分之九可以忍辱偷生。
（走出一個學生）
李澤星：嘩，阿Sir，乜你又搞成噉呀？
長毛：阿Sir！
生番：唔使驚！佢系長毛，學生中嘅二五仔嚟嘅。專系嚟報料架咋。
李澤星：哦，二五仔唔使著褲嘅。
長毛：就系畀人識穿咗先要除褲。佢哋話，今日有個新嚟嘅阿Sir，要佢死無葬身之地呀。嗰個唔系你嚇嘩？
李澤星：哼！噉真系要見識嚇。
李澤星（走入班房，將把刀插喺台上面嚇嚇班學生先）：我講你聽，我以前都系一個狼心狗肺行同禽獸嘅。
某同學（舉手）：阿Sir！
李澤星：咩事呀？
某同學：請問你咩血型架？
（李澤星抬頭望，一個網從天而降罩住自己）
（李澤星畀班同學搞掂）
（長毛同生番行天主教禮）

（校長辦公室）
校長：阿鄧生，今年我哋聖貴族國際學校嘅盈利呢比舊年上升百分之一百。我身為校長嘅，都可以向校董會有所交代啦。
鄧生：哎，出年我哋每級加多兩班，學費雜費再加百分之五十。
校長：我哋萬七文一個月架嘞噃。
鄧生：哎，呢班學生邊系讀書架？佢哋啲老竇冚棒唥都大把錢嘅。求祈有學校肯收佢哋，包佢哋去到美國啲野雞學校讀書呀，多多錢都畀呀。
校長：噉又系。
鄧生：重有呀，出年如果盈利多啲呀。我申請上市呀。
校長：噉呀？鄧生，高見，高見嚇！
鄧生個仔（開門入嚟）：喂！老竇呀，有個瘌痢畀個學生打到仆街吖。
校長：有啲噉嘅事？
鄧生：打開門做生意系噉架喇。
鄧生個仔（坐低）：系咯，學生系我哋啲客嚟架嘛。舞廳啲舞小姐晚晚都要笑面迎人架啦。
校長：但系舞小姐唔使畀人打架喎。
鄧生：但系要畀人撲喎，撲咪即系打？！
鄧生個仔：系囉，所以你以後當自己系舞小姐喇。
校長：我唔做舞小姐，我系媽咪呀。我系媽咪呀。
鄧生：媽咪！
（李澤星畀啲學生猛咁糟質）
某同學：你唔識字架？狗與老鼠不得內進呀！耷濕佢！
（Male Staff Lavatory：「美男子不得內進」）
李澤星（照鏡）：又唔入得！
（李澤星用花灑澆花，畀啲學生發現）
（啲學生拖住李澤星嘅花灑四圍走）
李澤星：頂唔順！頂唔順！斷喇！
李澤星（攬住校長）：救命呀校長！救命呀！
校長：畀心機做啦！慢慢你就慣架嘞。

（李澤星畀綁喺校門上）
（昔日嘅四眼鋼牙妹經過，現時嘅佢已經變得婷婷玉立）
李澤星：Hello!
蟲蟲：Hello!
李澤星：我未死架。
蟲蟲：阿叔一早話咗畀我知嘞。
李澤星：Hello! Hello!
蟲蟲：你就系今日新嚟嗰個先生嗱，嚇嘛？
李澤星：系吖。Hello!
蟲蟲：使唔使幫手呀？
李澤星：唔使！我幾好呀！
蟲蟲：噉你教成點呀？
李澤星：So far so good嘅。
蟲蟲：你系咪教園藝架？
李澤星：嚇？
蟲蟲：呢個花灑呢。
李澤星：唔好，唔好，唔好，唔好，小心睇住！睇嗱喳呀！你知喇，花灑嘅嘢。嚇嘩？
蟲蟲：OK.
校董個仔（開住架跑車）：蟲蟲！
蟲蟲：有人嚟接我呀！走先嘞。
李澤星：嚇嘩？
蟲蟲：拜拜！
李澤星：拜拜！
長毛：嘩！阿Sir，乜搞成噉呀？
李澤星：So far so good噉啦。
長毛：咁好呀？噉就繼續啦。不過我系你就死咗佢嘞。
李澤星：就照你說話做啦。

（李澤星屋企）
（李澤星企圖自殺）
李澤星（飲滴露）：唔系啩？喺呢度流返出嚟？
李澤星（摸電）：電咗重精神！死嘞！
李澤星（諗住跳樓）：有本事就跳樓都唔好畀我死！
（李澤星鼓起勇氣跳落樓，喺千鈞一髮之際姜司教授將一塊晶片抌入李澤星嘅口）
姜司教授（非常興奮）：終於成功喇！成功喇！
姜司教授：你知唔知道？嗰塊超級霹靂無敵嘅晶片我已經發明咗。就喺千鈞一髮嘅時候我將佢抌咗入你個口度。你而家已經變成一個七十二變嘅超人。可以維護世界和平。
李澤星：咩話？
姜司教授：可以維護世界和平！
阿達：可以咩話？
姜司教授：可以維護世界和平！！
（阿達起身）
姜司教授：你去邊呀？
阿達：我去殲滅銀河系五大行星嘅侵略者。
姜司教授：你呢？又去邊呀？
李澤星：我冇咁巴閉。我想返去自殺。
姜司教授：你聽我講埋先喎。你雖然成身都系水貨呀，但系只要有咗嗰塊晶片啫，模仿器就會自動啟動。到時候能源就會源源不絕，你真系可以變成其他嘢架喎。
李澤星：噉變個電飯煲得唔得呀？
姜司教授：得！只要你想就得嘞。
（李澤星變成電飯煲）
李澤星：唔好玩啦教授！重細咩你？
姜司教授：你自己照嚇鏡喇。
李澤星（吃驚）：啊？！點會噉架？
姜司教授：信喇嘛？想變返人就諗嚇自己。
阿達：教授，呢個唔系我個仔嚇嘩？變返原形畀佢睇。
阿達：有啲噉嘅事嘅真系？
（李澤星含住一嚿飯）
阿達：唔好嘥！唔好嘥呀！（問教授）教授呀，乜淨系得飯嘅咩？變啲餸出嚟得嘛？
（李澤星變成一支西人牙膏）
姜司教授：變嘞！
阿達：變嘞！變嘞！衰仔吖！你變成一碌牙膏噉托杉咩？
李澤星：啱啱諗起刷牙就搞成噉喇。
阿達：唔好講咁多喇，變條金條出嚟先講呀。
姜司教授：哎，對唔住！目前至叻只可以變牙膏。
阿達、李澤星：啊！
姜司教授：開頭唔慣就唔可以變咁多嘢架喇。不過唔緊要喎，你抖返一陣，就可以變返自己架嘞囉喎。我費咗一生嘅精力，將黃老太家庭電器用品大全輸咗入你嘅電腦入便。跟住落嚟呢，你就可以變好多好多有趣嘅嘢架嘞。
李澤星：黃老太家庭電器用品大全有咩架勢嘢呀？
阿達（刷牙）：系囉。系囉。
姜司教授：有呀！有好多都好架勢架。就好似有個馬桶噉，又新款，又……
李澤星：得喇，唔好再講嘞。
李澤星：呢支西人牙膏嚟喎，你黑人用返黑人牙膏好喎。
FBI：我都系西人嚟架。
李澤星：你系西黑人，坐返低啦！
FBI：吆！
姜返司教授（介紹）：呢位呢就系美國嚟嘅FBI Mr. Black Stone。佢希望今次呢，就可以帶你返去美國指證山口組嘅富田嘅。
阿達：唔好搞嘞！上次未做已經炸到散曬，死梗架。
姜司教授：你都搞成噉嘞，正所謂人唔似人，鬼唔似鬼噉。重有咩可以擔心至得架？
李澤星：啊！最衰都系你呀，好嘢唔見你益嚇我。整啲家庭用品畀我歎嚇，搞到我而家噉嘅樣。你話畀蟲蟲見到幾丟架得架。
姜司教授：噉你又唔使擔心喎。今晚校董個仔吖已經約咗蟲蟲上山頂餐廳相睇喎。
李澤星：咩話？阿爸，即刻擳曬我啲牙膏出嚟，等我膏盡人亡而死。
阿達：死咩死？啊？你問過阿爸未呀？家嚇你幾咁重要你知唔知呀？全世界淨系得你一個可以變成一支西人牙膏。你話畀蟲蟲知道佢以後可以免費日日噉刷牙，重唔仆倒噉埋嚟呀？將來你重要維護世界和平。而家竟然同我話要死？
李澤星：噉我而家應該點呀？
阿達：你自己話呢？
（好大支西人牙膏招搖過市）
（山頂）
電話另一頭：你而家喺邊嗱？等緊你開飯架。
魔術師（講電話）：我而家喺山頂呀，Honey。
電話另一頭：噉重唔返嚟？
魔術師：我好快返嚟架嘞。（西人牙膏突然出現喺面前）見到支牙膏呀。
電話另一頭：咩牙膏話？
魔術師：好大支西人牙膏呀！

（山頂餐廳）
鄧太：飲杯！我哋阿尊呢成日話阿姜小姐你又大方又靚架。
蟲蟲：佢笑我之嘛！幾年之前呢佢重叫我做四眼鋼牙妹架。
鄧太：噉就真系女大十八變囉。阿尊老竇呵？
鄧生：入咗我哋鄧家門，著衫就要密實啲。我哋家規好嚴架。
鄧太：乜你講嘢咁直接架？嚇親啲細路女呀。唔好意思呀！唔好意思！
蟲蟲：我去去洗手間先。
鄧生個仔：好呀。
蟲蟲：唔該。
鄧太（哦鄧生）：系咪呢？系咪呢？人哋驚咗你喇！
（李澤星一身魔術師打扮嚟到山頂餐廳）
侍應生：喂！後便入呀。
李澤星：啊？後便入？
侍應生：喂！唔系我後便呀！後台吖！
李澤星：點解呀？
侍應生：你變魔術吖嘛。
李澤星：我搵人架。
侍應生：唔好意思呀，隨便呀。唔系我呢度呀。
（李澤星見到蟲蟲走入廁所）
（李澤星伸出兩隻眼偷睇女廁，點知對眼掉咗喺地下，重畀人踩咗腳添）
清潔阿嬸：喂！睇路呀！
李澤星：對唔住！
清潔阿嬸：嘩！睩到只眼咁大，想及嘢呀？死飛仔！
（李澤星入女廁）
蟲蟲：啊！
李澤星：系我呀。
蟲蟲：你入嚟女廁做咩呀？
李澤星：我專登趕嚟有啲嘢同你講。
蟲蟲：有咩你講呀。
李澤星：我已經同以前唔同曬。
蟲蟲：我見到，斑馬吖嘛。
李澤星：其實，系我由而家開始，要堂堂正正做一個人。
蟲蟲：堂堂正正就唔會入嚟女廁啦。
李澤星：我冇台呀。
蟲蟲：我朋友喺出面等緊我。
李澤星：你系咪嚟相睇架？
蟲蟲：都唔關你事吖。
李澤星：未必嘅，如果你有少少少少咁多鍾意我嘅話。
蟲蟲：你憑乜嘢話我鍾意你呀？
李澤星：憑你兩年前喺我葬禮入便，你為我流過一滴充滿愛意嘅眼淚。
蟲蟲：對唔住呀！我諗你誤會咗呀。我喺屋企踩死只曱甴我都會喊到叭叭聲架，OK？
李澤星：蟲蟲，我可以保證我而家絕對好過一隻曱甴。（變咗成一隻馬桶）
李澤星：我都話同以前唔同咗架咯。
蟲蟲：原來阿叔研究人造器官真系成功咗呀？
李澤星：實在太成功嘞！
（鄧太入嚟女廁解決問題）
鄧太：死嘞！死嘞！乜爆曬棚架？
蟲蟲：伯母，你冇事吖嘛？
鄧太：冇，冇！我呢輪食得減肥藥多呢，屙爆缸。只腳都軟呀。（見到李澤星變嗰隻馬桶）哎吖，乜咁趣致呀？個屎塔搬咗出嚟嘅。
蟲蟲：系咯，系咯。
鄧太：喂，你唔使理我呀！一陣間好臭嚇架。噉你出去同佢哋傾嚇偈吖，食嚇嘢噉哩。乖！乖！
（出面）
鄧生個仔：蟲蟲呀，不如我哋跳隻舞呀。
蟲蟲：好呀。
鄧太：話之佢吖！
李澤星：阿嬸，你屙屎定屙尿呀？
鄧太：梗系屙屎。
李澤星：屙住喺面盆先得嘛？
鄧太：啊——
李澤星：啊——
（鄧太畀彈出女廁）
鄧生：咩事呀？
鄧太：我畀個屎塔嚇到彈咗出嚟吖。
鄧生：你系咪擒晚打麻雀打到short咗呀？
鄧太：真架。真架。
鄧生：返埋位先啦，行啦。
鄧太：哎吖！
鄧生個仔：做咩呀？
鄧太：我條底褲漏咗喺入便嗱。
鄧生：行啦！唔覺架喇。
鄧太：系咯，你返去坐先啦。

司儀：各位，現在由馳名中外嘅大魔術師Richard Billion為各位表演魔術雜技，現在開始。
李澤星：嗨！
Richard Billion：Hello!
李澤星：你識變咩魔術呀？
Richard Billion：我咩都識變。
李澤星：牙膏得唔得呀？
Richard Billion：牙膏？飛機大炮變得多嘞。（即時變咗幾支牙膏）牙膏都系第一次呀。
鄧太：畀多支我個仔吖，嚟吖，嚟吖。
（李澤星變成一支西人牙膏）
李澤星：咁大支牙膏你又曉唔曉變？
Richard Billion（手指指）：你真系吖！
李澤星：唔得哩？炒你魷魚！（變成一支鑊鏟，炒咗Richard Billion）
鄧生個仔：好勁呀嚇？
李澤星：多謝！多謝！細佬玩嘅絕對唔系特異功能，只系一啲掩眼法啫。而家想請一位現場觀眾出嚟幫嚇手。（手指鄧太）唔啱呢位阿嬸哩？
鄧太：我唔玩呢啲嘢嘅！
李澤星（手指鄧生個仔）：呢位靚仔吖。
鄧生個仔：我……
李澤星：冇膽就算嘞。
鄧生個仔：我真系有膽架。
（李澤星借表演節目教訓鄧生個仔）
鄧生：好嘢！好嘢！
（李澤星用鞭狂抽鄧生個仔）
鄧生：好戲！好戲！
鄧太：好戲！明日之星呀！
鄧生（醒覺）：嚟真架喎。
鄧太：我頂你個制吖！嚇？
（鄧太畀劈開兩半）
鄧生：好嘢！
鄧生：老婆！老婆！
（李澤星拉蟲蟲鑽入炮桶）
（大炮彈兩個人出去）
（李澤星攬住蟲蟲慢慢降落）
李澤星：驚就攬緊少少。呢啲嘢真系千祈唔好客氣呀喂。
蟲蟲：好玩呀！我恨跳降落傘恨咗好耐架喇。啊！好開心呀！
李澤星：蟲蟲，你唔好噉啦！我好驚呀！
（落地）
蟲蟲：喂！你知唔知頭先噉樣整蠱人唔啱架？
李澤星：我噉做都系為咗你啫。我真系決心重新做人嘅哩。你試嚇接受我吖，蟲蟲。
蟲蟲：點為之接受先？
李澤星：不外乎系拍嚇拖呀結嚇婚呀生嚇仔嗰啲噉嘅嘢啫。你想做邊樣先？
蟲蟲：黐線。（掉頭走）
蟲蟲（轉身）：我會考慮嚇同你拍拖先嘅。
李澤星（擺甫士）：Yeah!

（李澤星返工）
李澤星：由今日開始，冇人可以再對我大聲半句。
的士佬（聲大大）：冚家鏟！重未畀錢呀！
李澤星（細細聲）：唔好意思呀，嗰五毫子唔使找嘞。Sorry!
Sorry!
（生番畀班學生綁喺校門上便）
生番：喂！快啲放我落嚟呀！快啲走呀！快啲去報警呀！班衰仔唔肯考試，喺裡面作反呀！喂！快啲放我落嚟呀！喂！
（李澤星唔鬼睬佢）
（李澤星兩三下手勢就搞掂咗班馬騮）
學生：走呀！快啲走呀！
李澤星（拍女生膊頭）：好鍾意玩水嚇嘩？
光頭仔：嚟緊喇！
李澤星：有書唔好好哋讀系要做人渣？！返入去考試！
（教室）
李澤星：全部揞住雙眼擰轉身！開始考試！光頭仔第一個！
光頭仔：我唔考！我唔考！
（考試開始）
李澤星：中國歷史考試第一題。明太祖系邊個？Ａ、朱元璋
Ｂ、朱油糕
Ｃ、朱茵。
光頭仔：朱茵。
李澤星：錯！系朱元璋呀朱頭炳！第二題，五胡亂華系邊五胡？以下有一個答案系錯嘅，要你揀出嚟吖嗱。匈奴，鮮卑，羯，羌，氐同埋香港。
光頭仔：羌。
李澤星：你就真系夠「羌」呀。耷呀！第三題，乾隆系雍正嘅邊個？Ａ、老竇
Ｂ、仔
Ｃ、大姨媽。
光頭仔：我記得架！你等一陣，我記得架。我嗰堂有聽書架。
李澤星：諗清楚呀你，威返次畀大家睇嚇吖。
光頭仔：系Ｂ，乾隆系雍正嘅仔。
李澤星：Yeah!
飲杯！光頭仔乖呀！叻仔呀！叔叔抱！叔叔惜曬呀嚇。
光頭仔：我以後都會畀心機讀書架。
第啲同學：我都會呀。我都會呀。

（校長室）
校長：呢一個月嚟呢，多謝你將我哋全校最頑劣嘅學生教到乖曬。佢哋嘅成績上升百分之三百呀。
李澤星：都系校長領導有方啫。
校長：李澤星先生，你真系我哋教育界嘅超級巨星呀。（拍掌）
李澤星（拍掌）：校長好嘢！校長好嘢！
校長：正因為噉呢，所以我哋學校實在唔能夠屈就你有咁偉大嘅抱負同埋發展。所以，請你另謀高就。（喺個櫃桶裡面攞出一封信）
李澤星：校長不愧為校長。果然詼諧呀！
校長：我唔系講笑架。你撬咗校董個仔嘅牆腳，我都保你唔住架。
李澤星：哦！噉啫嚇嘩？冇事嘅。約出嚟大家傾嚇偈吖。
（會議室）
李澤星（鞠躬）：早晨！
鄧生個仔：哎，廢話少講！你想保住而家份工嘅話呢，就即刻同我離開蟲蟲。
李澤星：等等！大家首先聽我講單緊要嘢先。
鄧生：你講啦。
李澤星：其實我系《未來戰士》第三集。
鄧生：咩話？
校長：重未拍架喎套戲！
李澤星：而家拍呀。
鄧生、鄧生個仔、校長：啊！——
校長：《未來戰士》第三集呀。《侏羅紀》第四集呀。《大白鯊》第五集呀。史匹堡咬人呀！我鍾意呀！（三個人畀送上救護車）
蟲蟲：喂！點解佢哋會黐咗嘅？
李澤星：睇西片多得滯吖！冇計吖！港產片咁渣！但系校長臨黐之前呢佢吩咐我，代住佢個位先。希望大家努力讀書，發唔發達唔緊要架，但繫起碼要做一個受人尊重嘅人。
學生：Yeah!
蟲蟲：你而家都幾受人尊重吖。
李澤星：我寧願發達！

（體育場）
（班學生打緊排球）
李澤星：好波！
同學：殺佢呀！
同學：扣殺呀！
蟲蟲：小心啲呀。
（李澤星畫咗一個心，攞嚟同蟲蟲調情）
蟲蟲：咦——
李澤星：望咩呀？未見過人耍花槍呀？
蟲蟲：我妻！
李澤星：我個心！我個心！
（富田頭馬戙喺李澤星面前）
李澤星：僆仔！想嚟踢波呀？呢個場我睇嘅，畀咗利市未呀？
（富田頭馬開槍）
李澤星：又系你？
富田頭馬：我大佬收到風你重未死！重要要過美國指證佢。鬧咗我一大餐！今次一定要懟冧你！
（富田頭馬同啲僆落敗而逃）
富田頭馬：唔好殺我呀，超人！
李澤星：我做到超人都系全靠你之嘛。
富田頭馬：（普通話）謝謝！
李澤星：（普通話）不客氣！不客氣！
富田頭馬：做咩呀？
李澤星：打籃球呀！
富田頭馬：嚇？打籃？
（李澤星將富田頭馬塞入籃框）
蟲蟲：佢點呀？佢系咪真系死咗呀？
李澤星：差唔多啦，重差啲嘅。
蟲蟲：點解會噉架？我好驚呀。
李澤星：驚咩啫？有我喺度吖嘛。
蟲蟲：噉如果你唔喺度呢？
李澤星：噉我哋永遠喺埋一齊囉。
蟲蟲：好呀！好呀！好呀！
學生（拍掌）：好呀！……
蟲蟲：唔好呀！唔好呀！唔好呀！
李澤星：算啦，其實我都系講嚇架咋。
蟲蟲（發圍，楂住李澤星衣襟）：喂！你講咩呀？講過唔算數？跟我嚟！

（富田屋企）
孫佳君（開門，開燈，見到富田坐喺sofa度）：乜系你呀？你保釋咗出嚟咩？
富田：估唔到哩？
孫佳君：Honey，噉就真繫好嘞。系哩，聽講你派咗阿Mark去香港喎。點呀？
富田：衰咗喇。
孫佳君：唔系嘩？
富田：佢背脊骨斷咗七截，呢世都唔喐得架嘞。不過我有六千萬。
孫佳君：六千萬？
富田：我已經將阿Mark改變成全世界最強嘅人造人。同埋我輸入咗殺人嘅百科全書同埋戰爭百科全書入咗佢嘅電腦裡便。我睇個香港仔點死！（大笑兼擰頭）

（李澤星婚禮）
（阿達喊）
姜司教授：你做咩喊呀？
阿達：就噉就畀咗個仔你，唔喊有鬼呀。
姜司教授：你個仔死剩把口咋喎，其他嘢冚棒唥都系我嘅喎。
阿達：死剩把口都溝到你侄女呀，你吹得佢漲咩？
李澤星（攬實光頭仔）：多謝你！
李澤星：阿爸！
阿達：阿仔！
李澤星（同教授扼手）：教授！
姜司教授：恭喜！恭喜！
李澤星：多謝曬！
阿達：喂！話時話喇，你嗰兜花灑掂唔掂架？
李澤星：花灑甩咗喇。哈，唔知點解佢而家生返一兜八爪魚出嚟。
阿達：八爪魚？！
侍應生：隨便啦！
王小虎：星哥！
李澤星：小虎！
王小虎：恭喜博士！恭喜世伯！（同李澤星擁抱）星哥你今日大好日子，我真開心呀！
李澤星：我整蠱咗你幾呀年你都重未死，我更開心啦。
王小虎：多謝曬你呀！如果唔系得你，我都唔會紋眉到家嚇都咁靚仔呀。
（李澤星發現唔對路）
李澤星：大家唔該行後啲，借借唔該嚇。
王小虎：影幅相先。
李澤星：阿小虎已經冇紋眉好耐嘞。
王小虎：系咩？
兩下子：系。
（王小虎現出原形，原來系阿Mark）
李澤星：快啲走！
阿Mark：今晚呢度全部人都要死！
李澤星：蟲蟲！
蟲蟲：我好驚呀！
李澤星：唔使驚！定啲嚟！唔使驚！（中槍）
阿Mark：Fire!

（「李澤星」開門入房）
姜司教授（品酒）：（普通話）一級棒！
「李澤星」：咪埋嚟呀！
姜司教授：哎，乜你中咗槍呀？好彩你系人造人，打唔中個頭冇事架啦。
「李澤星」：唔好詐詐諦諦呀你呀。
姜司教授：你唔系連我都唔認得嚇嘩？
「李澤星」：答我問題先。我第一次上你堂左手邊第一行第八個位系男系女系人系鬼？叫咩名？
姜司教授（驚惶失措）：咁多學生，我點知呀！
「李澤星」：我數三聲，答唔出就一刀劏落去。一！二！三！
姜司教授：咪系你囉！
「李澤星」：啱咗。
（阿達屙完出嚟）
阿達：喂！冇嘢吖嘛，阿星？
「李澤星」：唔好詐詐諦諦呀。我問你個問題先。我第一次上佢堂左手便第一行……
（姜司教授通水）
阿達：咪你囉。
「李澤星」：你聽到我問佢。
阿達：冤枉呀，我邊有聽到吖。
「李澤星」：我一刀劏落去架。
蟲蟲（企喺門口）：我系真架，你問我問題吖。
「李澤星」（舉刀劈落）：我問你老母！
姜司教授：刀下留人呀！
阿達：搞清楚先。
「李澤星」：放手！
李澤星：見唔見我老婆呀？
「李澤星」（現原形）：玩到最開心嘅時候你硬系嚟叉鑊我嘅？！
李澤星：快啲走！快啲走！我警告你呀，最憎人扮我架。
（畀追蹤導彈擊中）
阿達：星！
蟲蟲：星！
姜司教授：星呀！
姜司教授：唔好埋去呀！
蟲蟲：星！
富田：你呢個二打六嘅機械人邊度夠我呢個叻呀？
眾人：啊？！
富田：咩嚟架？
蟲蟲：咩嚟架，阿叔？
姜司教授：我知嘞！佢遇強愈強嘅復仇系統已經啟動。佢將會變成超級市場裡便最恐怖嘅武器。
阿達：唔系避孕袋啩？
富田：傻嘅！就算系衛生巾都唔怕你啦。

（李澤星變成咗黃老太）
眾人：啊！！！
富田：唔系啩？
眾人：黃老太？
富田：喐佢！喐佢！（撇）
（阿Mark開槍射黃老太，但系冇乜用，黃老太有寶衣護體。）
黃老太：黃老太金蟬寶衣！
黃老太（「叉」阿Mark）：你唔合格！
（黃老太畀阿Mark踢上天）
（黃老太變成熨斗，將阿Mark壓扁咗）
眾人：Yeah!
（阿Mark恢復原形）
（阿Mark將黃老太踢入貨櫃裡便，然之後自己沖埋入去）
阿Mark：咦？！唔見人嘅？
李澤星：你企咗喺我肚裡便喇，死佬！
阿Mark：你個八婆變咗個微波爐？
姜司教授：射唔出哩？呢個超級微波爐鑽石都照熔呀！Yeah!
邊個話家庭用品冇用架？
姜司教授：得架喇。
李澤星：未得！你估牛扒呀？話曬機械人嗱，酷多陣添啦。
（阿Mark收皮）
姜司教授：好嘢！成功喇！成功喇！
阿達：好嘢呀！（見到仇人）光頭佬！
富田：啲人呢？去咗邊呀？
阿達：耷佢！（猛耷光頭佬）
富田：唔好呀！
蟲蟲：你點呀？你冇嘢吖嘛？
李澤星：條粉腸熔咗哽住個胃，家嚇有啲滯。
蟲蟲：你而家系男定系女呀？我嫁唔嫁你好呀？
眾人（四圍走）：八爪魚呀！
李澤星：唔使驚呀！重喺度！我飛返靚個發就可以繼續結婚。蟲蟲！
姜司教授（拍李澤星膊頭）：呢位即系黃老太嘞嚇嘛？
李澤星：咩呀，博士？
姜司教授：冇嘢！我想約你行街睇戲曬月光噉啫。唔知你意思點呢？
李澤星：傻咗咩，博士你？不過可以考慮嚇同你行街先嘅。
姜司教授：Yeah!