ალბერტ აინშტაინი (გერმ. Albert Einstein; დ. 14 მელახი, 1879, ულმი, გერმანია ― ღ. 18 პირელი, 1955, პრინსტონი, ააშ) — ფიზიკოსი-თეორეტიკოსი, საარძოთ მერჩქინელი რე XX ოშწანურაშ უკაბეტაშ მენცარო. თიქ წჷმარინუ ფარდობითობაშ თეორია დო თაშნეშე კაბეტი თია აფჷ მიშნაღელი კვანტური მექანიკაშ, სტატისტიკური მექანიკაშ დო კოსმოლოგიაშ გოვიტარაფაშა. 1921 წანას მიაჩჷ ნობელიშ პრემიაქ ფიზიკაშ დარგის, 1905 წანას ფოტოელექტრონული ეფექტიშ თიშობური გოთანჯუაშ დო თაშნეშე თეორიულ ფიზიკაშა მიშნაღელი თიაშ გეშა.
ციტატეფი edit
ნაციონალიზმი ბაღანური ლახარა რე. |
მა დღას ვაფიბქრენქ მუმალშენ – თინა თეშით ბიწორას ქუმურს. |
მა ვა მიღჷ მუთუნნერი გასაჩემე ტალანტი. უბრალოთ, მოკიკინე ვორექ. |
დღას ვადინუა კიკინაფაშ გინაფა. |
ანდა რაგადანს, ნამჷ-და ხვალე ინტელექტის შეულებუ მენცარობას მუდგაინერი ღირსუამიშ კეთება. მარა თინეფი ჩირთჷნა, თე ირფელი ხასიათიშა რე დოჸუნელი. |
მორალი არძაშე უშანულამაში რე – მარა ხვალე ჩქინო დო ვართ ღორონთიშო. |
ლოგიკა ქემეიჸონანს A-შე B-შა. თოლშა აწორინაფათ ირფელიშ მეჭირინაფა შილებე. |
ქჷდიგურე გოღა, ქჷდოდირთი ამდღა, გიღუდას ჭუმენერ დღაშ იმენდი. |
თინჩალა ურთიართსმებათ მიჭირინუაფუ. |
გინორთი გენიას დო სიბორუეს: გენიას უღჷ მუში ხურგეფი. |
ელმოლს ირფელი რე მუთ ჩქიმ დინოხ ვარენ. |
მენცარი სარალე ფილოსოფოსი რე. |
რჩქინაშ აკა წყუ გამორსა რე. |
მორთი დო, ვემინდომა-და წჷმოძინელ კოჩო რინა, იბურჯე თიშ გეშა, ნამჷ-და რდე ოსქვებური დო პატიოცემელი. |
ქჷდიგურე ლაჸაფიშ წესეფი დო ილაჸაფი არძაშე უჯგუშო. |
ჯგირო „ქჷნიჯინი ორთაშა“ დო ირფელს უჯგუშო ქემეხვადუქ. |
ჸოროფა საღალობაშე უჯგუში მარწაფალი რე. |
ინფორმაცია რჩქინას ვა შანენს. |
ვეშეილებჷ ლექინას ენწყუმა-და, ინწკჷმა უბრალოთ ჯინჯიერო ვაიჩქჷ. |
მოკო მიჩქუდას ღორონთიშ ფირქეფი. |
დო ფაქტეფი ვაუხვადჷ თეორიას-და, ინწკჷმა დოთირე ფაქტეფი. |
ირფელქ შილებე თიჯგურა უბრალოქ იჸუას, მუჭოთ რენ, მარა ვეჸუაფუ თიშე უმოსი უბრალო, მუჭოთ რენ. |
ღორონთი კამათელით ვა მოლაჸაფჷნა. |
შქირენული კუჭი ჯგირი პოლიტიკური ელმაჩამალი ვეჸუაფუ. |
რელიგიეფი, ხელუანობა, მენცარობა, თე ირფელი ართ ჯაშ ნოჸელეფი რე. |
შეკითხირი, ნამჯუთ შხირას მაწუხენს: მა ვორექ ხანგა დო ვარ შხვეფი? |
ადამიერი, ნამუთ დღას ვაჩირთჷნ, დღას ვართუ მუთუნ ახალს. |
ფანტაზია უმოსი შანულამი რე, ვინდარო რჩქინა, რჩქინას ხურგეფი უღჷ, ფანტაზია — მუში უგუხურგუათ გჷთმაჭყანს ევოლუციას. |
გოკიკინაფაშ გოხურგუა ვართ ფერიშ შანულამი რე, თიშ გეშა, ნამჷ-და თის უღუ მუში რინაშ ნასამართი სამანჯელი. |
ჟირ მუდგარენი რე უგუთანჯუ: ადამიერიშ დიბორუე დო ოქიანუ, მარა თე ეკონიას იშენდოიშენ დორწუმაფილი ვა ვორექ. |
ჸოროფაშა გინოლაფა ვა რე არძაშე ბორული მუთუნი, ნამუშ კეთება ადამიერს შეულებჷნ. თეჯგურა გინოლაფას გრავიტაცია მუთუნ შქას ვა რე. |
შანულამი რე ორდე ღებული კოჩი, ვინდარო წჷმოძინელი. |
შთაგონებაშ ნოფული კინე შტაგონებაშ წყუს რე. |
პოზიციაშ სისუსტე ხასიათიშ სისუსტეს შანენს. |
ვამიჩქჷ მუ ანჯარი იჸუაფუ გჷმორინაფილი მასუმა მოსოფელიშ ლჷმას, მარა არგამა რე, ნამჷ-და მაანთხას ხვალე კეტეფი დო ქუალეფი იჸუაფუ. |
ლექინი მათემატიკა თიჯგურა რე, მუთ ბიტალი ლერსი. |
ორთა ხვალე ნჯილოშ კუდელს მოძირანა, მარა მოთაკილუ თენა ნჯილოს კუდელი ორდასჷნ, თიშ გეშა, ნამჷ-და თიში ზჷმაშე გიშნაველი, თით უციოთ გეგშარჩქინდუდჷ. |
