Wq/tt/Шәүкәт Галиев

Шәүкәт Галиев (1928 - 2011) - татар язучысы, балалар шагыйре, Г. Тукай исемендәге Дәүләт премиясе лауреаты (1972).

Өзекләр

Балаларны аналар тудыра, батырларны көрәш тудыра

Батыр – батмас,
Куркак – калыкмас!

Бүтәннәр белән тарткалашып, үзең белән көрәшергә вакыт та калмый.

Җиңелүне күтәрә белү дә кирәк – җиңүгә әзерләнү өчен!

Кояшта яфрак матурлыгы күренә, давылда тамыр ныклыгы беленә!

Куркак булудан курку – батырлыкка бер адым.

Күңелдәге сагыну бөресе туган җирдән киткәч ачыла.

Сугышларны секундлар башлый, еллар гына бетерә.

Туган җирдә исемсезләр дә югалмый.

Туган тел – иң татлы тел,
Туган тел – иң тәмле тел.
Тәмле дип, телең йотма –
Туган телне онытма!

Үзен җиңә алмаган кеше – иң көчсез кеше.

Үзең читтә чакта да, күңел туган якта яши.

Чит җирнең бердәнбер яхшылыгы - туган җир кадерен ныграк сиздерә.

Чыпчыкка да бер Ватан, Лачынга да бер Ватан.