Wq/tt/Нурулла Гариф

Нурулла Гариф - атаклы татар язучысы һәм тарихчысы, мөгаллим.

Өзекләр

А

Аларның якын туганлыклары гомер буе бер-берсенә йомышлары төшүгә кайтып калды.

Авыл таркалды, диләр аннан күченеп китүчеләр.

Ата-ананың баласына карата булган сукыр мәхәббәте баланың дөньга булган карашын да тоныкландыра.

Ә

Әрсезлек белән оятсызлык очрашса бик тиз дуслаша.

Б

Без бүгенге көндә кешенең кешелеклелеге этнең кичәге этлек эшләгәненә дә тормаган заманда яшибез.

Бер күршем гомер буе эчте, беркемгә зыяны тимәде, икенчесе бай яшәде, бер файдасы булмады... Кайсы күршем яхшырак булгандыр... Аңламадым.

Бу дөньяда, бар кешегә дә ошар, файдалы һәм яхшы атлы булу өчен, кимендә икейөзле, ялганчы һәм имансыз булу мәслихәттер.

Г

Гомер буе хакимиятне мактап, мактау кәгазьләре, дәрәҗәләр алса да, кешечә яшәү өчен, фатирлы була алмады.

Д

Дөнья белән хис идарә итә. Бу эш акылга гына тапшырылса, кешелек дөньясы мондый түбәнлеккә дә төшмәс, бөеклеккә дә ирешмәс иде.

Дөнья көтәбез, ләкин көтүчеләре без түгел.

Дөнья малына алданып юкка чыга күпләр...

Дөньясына ачулы булмаса да, үчле булмады.

И

Ил-нигезеңне төзекләндерергә омтылмасаң, үз йорт-нигезеңне торгызып кына, нәселеңне саклап калып булмый ул.

Исерек яки тәмәке тартучы кәләпүшле кешедән күңел кайта. Күңел кайткач, кеше үлә.

К

Кеше күңеле яртылаш нәфестән тора. Аз гына ялтыравык, күңеленә ошаш нәрсә күрдеме, яшенә дә карамастан бу җитмәслек сикерә.

Кешелек дөньясын нинди итеп күрәсең килә, шундый бул.

Кешеләр, эреләнгән саен, вакчыллана баралар.

Кешенең нәфесе үзе яшәгән Галәм киңлекләреннән дә чиксезрәк. Аның гомере, бәлкем, шул сәбәпле Ходай тарафыннан чикләнгәндер дә.

Котырган ат кебек хисләр алдан чапса, ватык арба кебек акыл һәрчак арттан сөйрәлә.

Күңел иркенлеге табигый иркенлектән киңрәк.

Кыйбласыз яшәү авыр. Шул авырлык җиңеллеккә этәрә. Ә аның җимешләре – аракы, наркомания, фахишәлек.

М

Минем дошманнарымның да дошманнары бар, әмма алар миңа дус түгел.

Ө

Өч тиенлек дөньяда яшәүчеләр арасында бер тиенлек бәһа алмаучылар да бар.

Р

Рәсәйдә бер кешенең үлем кайгысын йөз мең кеше үтерүдән дә кайгылырак итеп күрсәтә беләләр.

Т

Таш атканга аш атма, таш та атма...

Тәрбиясезләр тәрбиясендә тәрбияләнүчеләрдән нәрсә көтәргә?

Тәрбиясез кеше белеменең бәясе бер тиен дә тормый.

У

Утыз ел укып, кадак та кагарга өйрәнмәде.

Х

Халык вагайды, диләр, үзләрен эре тотучылар.

Хисләр ташкыны һәрчак акылны күмеп китә, ә хисләр бураны уйнамаган акылда мәгънә юк.

Ч

Чылбырга бәйләп куйсаң, бүре дә эт хәлендә кала. Ә иркенлектә йөрүче бер этнең дә бүре булганы юк әле. Хәер, монысы турында бәхәсләшергә дә була, кем арбасына утырасың бит.

Э

Эшләп ашарга кушалар, эшләмичә ашаучылар.