Wq/tt/Марсель Галиев

Марсель Галиев - атаклы татар язучысы һәм шагыйре.

Өзекләр

А

Авыл ярык тагарак кебек ул. Анда су да, сүз дә тормый.

Б

Бәйсез булу бәйдән ычкыну түгел әле.

Җ

Җир – илнең йөзек кашы.

К

Кешеләр генәме, сулар да бит туган ягына кире кайта.

Р

Россия - гаҗәеп ил, океан артында яшәп сагыныр өчен.

Т

Тезләнгәннең рухы да тезләнә.

Я

Язмыш сынаулары һәм югалтулар хисабына яши-яши җыелган акыл көче җиңелергә ирек бирмәс. Ир егәре – физик һәм акыл көчендә. Ә егәрлекне бездә ат көче белән үлчиләр. Татар – тумышыннан җигүле ат инде ул. Ат җигүчеләр безгә утырып йөри, йөк төяп ташый, сүгенә-сүгенә камчылый, дилбегәне кая тели, шунда тарта, тугарып, болынга җибәрсә, куш аякны аркан белән тышаулый.