Гариф Ахунов (тулы исеме Гарифҗан Ахунҗан улы Ахунов, 1925 елның 18 сентябре — 2000 елның 4 июне) — татар язучысы, драматург, публицист һәм күренекле җәмәгать эшлеклесе, Г. Тукай исемендәге дәүләт премиясе лауреаты.
Өзекләр edit
Адәм баласы бит дөнья йөзенә җир өчен, җирне буш яткырмас өчен туа. Үзенә язган кадәр гомер кичереп, үзенә язган кадәр кайгы-шатлыгын алып, җир өстен яшәртеп һәм матурлап китеп бара. |
Дөнья шулай яратылган: берәүләрнең баш түбәсеннән ашкан бәхете икенче берәүләрнең гомерлек бәхетсезлеге булып тоела... |
Куркаклык ул – үзеңнән олы түрәнең ялгышын ялгыш дип әйтергә йөрәгең җитмәүдә генә түгел, үз намусыңа үзең үз каршы килеп яшәүдә. |
Тормышның үз законнары бар. Алар синең хисләрең белән исәпләшмиләр. |
Халыкны халык иткән, дөньяга таныткан сыйфат – аның күңел байлыгы, теле, сәнгате. |