Wq/tt/Галимҗан Гыйльманов

Галимҗан Гыйльманов - атаклы татар язучысы.

Өзекләр

И

Иң ярлы кеше – туган җирсез кеше.

К

Кайсыдыр изге китапта әйтелгән бит: “Алла безгә биргән рухны нык сагына”, - дигән. Әйбәт, изге җанлы, күркәм рухлы кешеләрнең Аллаһы Тәгалә катына бик иртә китеп баруы шуның белән аңлатыла булса кирәк. Яман ниятле явыз бәндәләрдә рух бик тиз тузып-таушалып бетә икән – ни гаҗәп! Андыйлар гайрәтне чигерерлек дәрәҗәдә озак яшиләр. Туган җир белән дә шулай. Изге җанлы, саф рухлы балаларын туган җир һәрвакыт сагынып яши, үзенә чакырып, ымсындырып тора.

Т

Туган җир читкә киткән саен матурая, кеше, киресенчә, якынрак килгән саен матурая, шуңа күрә туган җирнең гүзәллеген читкәрәк китеп кара, кешенең гүзәллеген якынрак килеп кара.

Туган җирен яраткан кеше генә бөтен дөньяны ярата ала.

Туган җирне онытып булмый, аны сагынып кына була!

Туган туфрагыннан башка үлән дә үсә алмый.