Toke Makinwa (o tshotswe ka kgwedi ya Ngwanatsele e tlhola malatsi a mararao ngwaga wa sekete makgolo a robabongwe.masome a robabobedi le metso e mene ( 1984) ke motho wa radio wa kwa Nigeria, moamogedi wa setshwantsho sa motshikinyego, vlogger, rakgwebo wa mokgwa wa botshelo, motshameki le mokwadi. Toke o itsege ka go tsamaisa The Morning Drive mo Rhythm 93.7 FM le ka motseletsele wa gagwe wa di-vlog tsa YouTube- Toke Moments. O ne a gatisa buka ya gagwe ya "On Becoming" ka Ngwanatsele ngwaga wa dikete tse pedi,lesome le metso e merataro (2016). Ke mongwe wa batshameki ba le batlhano ba maemo a a kwa godimo mo Afrika.
Dikinolo
edit- Rotlhe re ile ra utlwisiwa botlhoko, bangwe go feta ba bangwe. Rotlhe re kile ra swabisiwa, bangwe ba kgona go fola ka bonako go feta ba bangwe. Rotlhe re batho. Fa o bona mongwe a na le bothata jwa go tlogela seemo se se rileng, rapela le ene kgotsa o mo rapelele. Ka dinako tse dingwe, ba tlhoka fela nako ya go dira dilo ka bobone. O se ka wa nna bosula, o se ka wa ba atlhola, o se ka wa ba nyatsa, o se ka wa itira e kete o botoka mo go bone, o se ka wa tenega, o se ka wa dirisa botshelo jwa bone go nna seipato. Gakologelwa gore le wena o kile wa bo o le mo boemong jo ba leng mo go jone gone jaanong, le wena o kile wa bo o rata mongwe yo o neng a sa go rate mme o ne wa tsaya nako ya gago. Le eleng lefa ba dira ditshwetso tsa boeleele kana ba kgopiwa le go wa, nna o ba bontshe lesedi, Nna pelonomi.
- Mo go nna, ke dira fela se ke tshwanetseng go se dira mme kwa bofelong, dilo di a siama. Tota le fa dilo di sa ntsamaele sentle, ke ithuta thuto ya me ke bo ke tswelela pele, ke itse gore ga go na diphoso mo botshelong. Ke dumela gore sengwe le sengwe se diragala ka ntlha ya molemo wa motho, mme motho o tsaya maitemogelo ao a nna le one go ya kwa maemong a a kwa godimo.
- Botshelo jo bo itekanetseng ke toro fela.
- Basadi ba le bantsi ba nna mo manyalong a a sa siamang ka ntlha ya bana. Ka lobaka lo loleele o utlwa basadi ba le bantsi ba bua dilo tse di jaaka, "Lenyalo le fedile mme ke nna fela le bana ba me"
- Ke akanya gore fa o setse o leba botshelo ka tsela eo ga o tlhole o batla go fetola sepe ka gonne go ikwatlhaela go go lapisa thata.
- Go dira ka natla go akaretsa go intsha setlhabelo mo maemong otlhe. Le fa o ka tswa o le mo yunibesithing, o simolola kgwebo kgotsa o setse o na le yone, ka metlha o tla tshwanelwa ke go ithontsha sengwe gore o bone dilo tse dintsi. Fa o setse o ikutlwa o phuthologile, o ka tswa mo go yone. O tshwanetse go nna le lorato lo lo lekaneng le go nna le tumelo e e lekaneng mo go se o se dirang.
- Fa e le gore o na le bothata jwa go tlhobaela ka batho ba bangwe gongwe bala dibuka, lebelela difilimi, ikhutse go sekae. Le ka motlha o se ka wa tlogela go dira ka wena.
- Ke akanya gore go botlhokwa gore mongwe le mongwe yo o leng teng koo a tsamaisane le dinako le go tlhaloganya dinako tse ba leng mo go tsone.