Wq/tn/Olaide Olaogun

Olaide Omolola Olaogun Emmanuel ( O tshotswe ka kgwedi ya Phukwi e tlhola malatsi a le supa, ngwaga wa sekete,makgolo a robabongwe,masome a robabobedi le metso e merataro (1986) Ke modiragatsi e bile ke mmabontle wa kwa Nigeria. E ne e le moemedi wa pele wa Lux.

OLAOGUN OLAIDE in 2013

Dikinolo

• Tlogela manyalo a a sa go tshwareng sentle go sa kgathalesege gore o solofetsa go ikwatlhaya go le kana kang segolobogolo fa a simolola go go tsenya mo kotsing.
  • Olaide ka lenyalo le le sa siamang ka ngwaga wa dikete tse pedi,lesome le metso e robabongwe ( 2019)
• Sengwe le sengwe se amana le dithulaganyo. O dirisa nako ya gago mme o se ka wa feteletsa dilo tse o sa tshwanelang go di dira.
  • Olaide ka go laola nako ka ngwaga wa dikete tse pedi,lesome le metso e supa (2017)
• Fa o setse o tlotla batho ka tsela e ba leng ka yone, o a itse gore ka tlholego fela batho ba rata go ikakanyetsa ba le bosi, ka jalo ke ka ntlha yang fa o sa ba neye se ba se tlhokang gore go nne le kagiso?
  • Olaide o bua ka banna ka ngwaga wa dikete tse pedi,lesome le metso e supa (2017)
• Jaaka mosadi yo o nyetsweng, o ka se nne gongwe le gongwe ka dinako tsotlhe. Nna fa gare fela, o se ka wa nna kwa ntlheng e e kwa godimo.
  • Olaide ka basadi ba ba nyetsweng ka ngwaga wa dikete tse pedi,lesome le metso e supa (2017)
• Selo se le sengwe ke gore ga go na sepe se o se dirang se tota o tla ikutlwang o phuthologile ka sone.
  • Olaide o bua ka go nna le botshelo jo bo monate ka ngwaga wa dikete tse pedi le metso e robabongwe (2009)
• Madi ga a ke a lekana. Ga e ka ke ya go isa gongwe le gongwe. Ga o kake wa bona madi a go dira sengwe le sengwe se o batlang go se dira mo lefelong le le rileng kana mo tirong e e rileng. O tshwanetse go tswelela o dira dilo tse di oketsegileng.
  • Tlhokomelo ya madi ka ngwaga wa dikete tse pedi le metso e robabongwe (2009)
• Go nna motshameki wa terama ke lefelo le gape e leng motheo o o tlhometsweng mongwe le mongwe yo o ikutlwang gore o na le maatla, tlhagafalo le sengwe le sengwe se se tlhokegang go tsena mo go lone. Ruri o ka tlhopha mafoko a gago go tswa foo.
  • Olaide o ne a dira tiro ya gagwe ka ngwaga wa dikete tse pedi le metso e robabongwe ( 2009)
• Fa o simolola sengwe, o tla dira diphoso di le dintsi.
  • Olaide o ne a bua ka diphoso tse a di dirileng ka ngwaga wa dikete tse pedi le metso e robabongwe ( 2009 )
• Fa motho a tshameka, o tshwanetse go kgona go tshameka dikarolo tsa gagwe sentle. Fa e le gore gape o batla gore tiro ya gago e tlhaloganngwe ke babogedi, o dira bojotlhe jwa gago.
  • Olaide o ne a buwa ka bodiragatsi ka ngwaga wa dikete tse pedi le metso e robabongwe(2009 )
• Leba kwa godimo; o se ka wa akanya gore go na le sengwe se se go palelang. Fa o ka dira jalo, ga o kitla o e bona. Le ka motlha o se ka wa ineela; dumela mo bopelonoming jwa Modimo. Rapela mme o bo o abelane ditoro tsa gago le batho mme loapi e tla bo e le lone molelwane wa gago.
  • Olaide o ne a gakolola balatedi ka ngwaga wa dikete tse pedi le metso e robabongwe( 2009)