Miriam Makeba o o tshotsweng ka ngwaga wa 1932, kgwedi ya Motsheganong e le malatsi a le mane, mme a tlhokafala ka ngwaga wa 2008, Ngwanatsele a le malatsi a le lesome, e ne e le seopedi sa kwa Aforika Borwa, se se kileng sa fenya seetsele sa Grammy, mokwadi wa dipina, mokwadi wa dibuka, modiragatsi, moemedi wa lekgotla la mafatshefatshe la UN, ebile e lemolwela ditshwanelo tsa setho. O ne a itsege ka go bidiwa "The Empress of African Song" le go bidiwa Mama Africa.
mo sechabeng sengwe le sengwe, mo lefatsheng lengwe le lengwe, batho ba dira dilo tse ditona le tse dinnye go fetola lefatshe go nna botoka. Akanya ka tse di fitlheletsweng gompieno: go etela kwa lefaufaung, loaro lwa pelo. Re kgonne go dira tse ba tsalwa pele ba neng ba ka se lore ka tsone. Mme le fa go ntse jalo, gompieno batho ba ka nna di milione di le makgolo a ferabobedi, masome a mabedi ga ba na dijo tse di lekaneng. Mme ga go a tshwanela go nna jaana.[1]Mmino wa Aforika, le fa e le wa bogologolo, o nna o ribololwa kwa botlhaba.[2]
Ke sale ke batla go tswa kwa lwapeng. Ke ne ke sa itse gore ba ya go nkitsa go boa. Gongwe, fa nne ke itsile, ke ka bo ke ise ke ke ke tsamae. Go botlhoko go nna kgakala le dilo tsotlhe tse o kileng wa di itse. Ga go na o o ka itseng botlhoko jwa go nna motshabi fa e se motshabi. Go sa kgathelesege gore o ya kae, go na le dinako tse batho ba go bontshang bopelontle le lorato, gape go na le dinako tse ba dirang gore o itse gore o na le bone mme ga o mongwe wa bone. Ke gone mo go utlusang botlhoko.[3]
Jaaka go inotswe m Bordowitz, Hank (2004). "Miriam Makeba". Noise of the World: Non-western Musician in their Own Words. Brooklyn, NY: Soft Skull. p 247. ISBN 1932360603. OCLC56809540.
Gongwe ke ka nna ka tlhokafala ke ntse ke opela.[4]
Fa ke le mmotlana, ke ne ke seke ke reka direkoto ka gore kgaitsadiake Joseph o ne a tshameka seletso sa saxophone a na le setshameki sa di rekoto. Ke ne ke rata go reetsa direkoto tsa gagwe: The Dorsey Brothers, Duke Ellington, baopedi ba batona ba mmino wa jazz, le baopedi jaaka Ella Fitzgerald, Ernestine Anderson le Kitty White, moopedi wa kwa America o e neng e le tsala ya ga Nina Simone. Ga go na o o mo itseng kwa America mme o ne a itsege thata kwa Aforika Borwa.
Masetlapelo a dintwa tsa selegae kwa mafatsheng a tshwana le a Angola le Mozambique ke gore di tlogetse bontsi jwa beng gae ka dikgobalo. Khumanego ke yone lebaka la gore bolwetse jwa HIV/AIDS bo aname ka lobelo mo metsaneng ya mafatshe a Aforika. Lehuma ke lone mmolai wa nnete.[5]
Jaaka go inotswe mo Nkrumah, Gamal (1-7 November 2001)
Ke yone fela nako e mme a mponeng ke diragatsa. Ka nako nngwe mo motshamekong ke a kgamiwa, mme o ne a tlola mo setilong sa gagwe mme a kua are: nnya. Ga ke na go go letla go bolaya. O ka se dire morwadiake jaana. Ditsala di ne tsa mo tlhalosetsa gore ga go diragale ka boammaruri - ke motshameko, mme o ne a nna dingalo. Mongwe le mongwe o ne a tlhabilwe ke ditlhong.Pelo ya me e ne ya kotlomela.[6]
Jaaka go inotswe mo Nkrumah, Gamal (1-7 November 2001)
Ke santse ke sa itse gore ba nthibeletseng. Ke ba boditse gore ke dirileng, ga ise ke bolae ope. Ga ise ke ke tshwarelwe sepe se se maswe, jaanong ke eng lo sa ntetle go ya gae?[7]
Ga ke seopedi sa polotiki. ga ke itse gore lefoko leo le raya eng. Batho ba akanya gore ke tsere tshwetso fela ya go bolelela lefatshe ka se se diragalang kwa Aforika Borwa. Nnyaa! ke ne ke opela ka botshelo jwa me, kwa Aforika Borwa re tlwaetse go opela ka dilo tse di re diragalelang - bogolo jang tse di re utlwisang botlhoko.
Lentswe la gagwe le dintwa tsa gagwe di rotloeditse kgololesego le go tsalwa sesha ga puso ya batho ka batho kwa Aforika Borwa.[8]
Tautona wa kwa Italy Giorgio Napolitano a inolwa mo Jacobson, Celean; D'Emilio, Frances; Diallo, Boubacar; Conde, Maseco; Isango, Eddy (10 November 2008). South African musical legend Miriam Makeba dies. The Seattle Times.
Re a go tlhwaafalela maatla a gagwe le go kgathalela ba ba bokoa.
Jaques Diouf, moeteledipele wa Food and Agriculture Organization (FAO) ya United Nations mo Jacobson et al. (10 November 2008)
