Wikimedia Incubator

Wq/tn/Maria Usifo

< Wq | tn
Wq > tn > Maria Usifo

Maria Usifo

edit

Maria Usifo (yo o tshotsweng ka kgwedi ya Phatwe e tlhola letsatsi ka ngwaga wa1964) ke moatlelete wa Nigeria le motshameki wa nako e e fetileng wa Diolimpiki.

Dikinolo

edit
  • "Go nna motshameki wa Diolimpiki go thata, mme ke tiro e e ka fitlhelelwang e mongwe le mongwe a ka e fitlhelelang ka go dira ka natla le go engwa nokeng ke bakatisi ba gagwe le batsamaisi ba metshameko."
  • "Re ne re ineetse thata e bile re le motlotlo go apara mebala ya bosetšhaba. Ka tshegetso go tswa kwa sekhutlong sengwe le sengwe, re ne re nna re itumelela go tabogela naga (Nigeria), ka e ne e le tshiamelo mo go rona ba le mmalwa ba ba neng ba tlhophilwe go emela naga ka nako eo."
  • "Go nna le taolo yame mo dikgoreletsing go ne go bakilwe thata ke go ikemisetsa game go nna motshameki wa dikgoreletsi wa maemo a a kwa godimo, mme ke ne ka tlhomamisa gore ke dira sotlhe se nka se kgonang mo nageng mo malatsing ao."
  • "Motsotso wame o o sa lebalesegeng thata e ne e le fa ke ne ke nna mmampodi wa ntlha wa basadi go tswa kwa Texas Southern mo ditsong tsa dikopano tsa Mokgatlho wa Bosetšhaba wa Diatleletiki wa Dikholetšhe (NCAA), ke fenya dikgoreletsi tsa dimethara di le makgolo a mane ka metsotswana e le 55.16. E ne e le ka ngwaga wa 1986. Nako e ne ya thuba rekoto ya lebala la metshameko ya metsotswana e le 55,47 e e neng e beilwe ke Anna Kastelskaya wa Soviet Union ka ngwaga wa 1982, mme ke ne ke itumelela go bo ke le MoNigeria."
  • "Ke ne ka ikotlhaela go sa ye kgakala kwa Diolimpiking tsa Seoul ka ntlha ya se se ntiragaletseng kwa Metshamekong. E ne e le tikologo ya bobedi ya dikgoreletsi tsa rona tsa dimethara di le makgolo a mane mme moatlelete mongwe o ne a kgabaganya mola wame mme a thulana le nna. Ke ne ka wela fa fatshe mme ka palelwa ke go wetsa lobelo. Ke ne ka itlhaganelela kwa bookelong mme ka wetsa Diolimpiki ka Plaster of Paris (POP). Ke ne ke utlwile botlhoko thata ka gore ke ne ke sa kgone go fitlhelela maikaelelo le se ke neng ke se ikaeletse mme ga nkitla ke lebala tiragalo eo mo botshelong jwame."
  • "Tlhabololo ya moatlelete wa maemo a lefatshe ke tirego e telele. Re tlhoka go baya thulaganyo kgotsa tsamaiso go ribolola le go tlhabolola baatlelete ba basha. Tsela e e siameng ya go dira se ke go simolola kwa dikolong tse dipotlana le tse dikgolwane. Mongwe le mongwe yo o ka nnang moatlelete o tlhoka go rutwa dilo tsa motheo mo tiragalong epe fela e go ka diregang gore a nne le seabe mo go yone."
  • "Baatlelete ba Nigeria ba dira ka natla fela thata. Mabapi le go ikatisa le go nna masisi, baatlelete ba Nigeria ba kwa pele thata ga balekane ba bone ba Yuropa le Amerika. Se se tlhaelang ke go tlhoka ditlamelo tse di siameng mme ke fa balekane ba bone ba kwa ntle ba nang le ntlha."
Retrieved from "https://incubator.wikimedia.org/w/index.php?title=Wq/tn/Maria_Usifo&oldid=6463754"