Wikimedia Incubator

Wq/tn/Funmi Iyanda

< Wq | tn
Wq > tn > Funmi Iyanda

Funmi Iyanda

edit
 
Setshwantsho sa ga Funmi Iyanda

Olufunmilola Aduke Iyanda (yo o tshotsweng ka kgwedi ya Phukwi e tlhola malatsi a le masome a mabedi le bosupa ka ngwaga wa 1971), yo o itsegeng botoka jaaka Funmi Iyanda, ke moamogedi wa dipontsho tsa dipuisano, mogasi, motlhagisi wa Difilimi le TV, mokhuduthamaga wa bobegadikgang, mothusi wa batho, mmegadikgang, le mokwadi wa di-blog. O ne a tlhagisa le go tshwara thulaganyo ya dipuisano, New Dawn with Funmi, e e neng ya gasiwa mo mafaratlhatlheng a bosetšhaba dingwaga di feta borobabedi. Iyanda o ne a tlhatloga go nna mongwe wa batho ba ba lebelelwang thata mo thelebisheneng kwa Nigeria 3 E bolokilwe ka kgwedi ya Diphalane e tlhola malatsi a le masome amabedi le borataro ka ngwaga wa 2020 kwa Wayback Machine. Funmi ke Mokhuduthamaga wa Ignite Media e jaanong e bitswang OYA Media. Ka ngwaga wa 2011, Iyanda o ne a tlotliwa ka ntlha ya motseletsele wa gagwe wa webo ke Foramo ya Itsholelo ya Lefatshe mme a bidiwa mongwe wa Forbes "Basadi ba le masome a mabedi ba ba Maatla go gaisa botlhe mo Aforika".

Dikinolo

edit
  • "Agona ope yo o ka go sireletsang ka gore batho ba ba tshwanetseng go go sireletsa ke bone ba ba go sotlang. Ke eng se batho ba Nigeria ba tshwanetseng go se itumelela?"
  • "A tota re batho ba ba itumetseng go gaisa botlhe mo lefatsheng, kgotsa a re itumetse ka gore re tlhopha go itatola mathata a rona go na le go lebana le one kgotsa go lebagana le one?"
  • "Go na le kgalefo e ntsi thata - kgalefo e e gateletsweng; bogale jo bo fetisitsweng; tirisodikgoka jaaka karolo ya setso sa rona; go itshepa jaaka karolo ya setso sa rona; dikamano tse di bokoa tsa batho; go sa itekanela, go dirisa boferefere, go laola diphetogo tsa lelapa."
  • "Letsatsi le letsatsi, batho ba wela ka fa tlase ga selekanyo sa lehuma. Fa o na le dikgang agona ope yo o ka go sireletsang ka gore batho ba ba tshwanetseng go go sireletsa ke bone ba ba go sotlang. Ka jalo o tshwanetse go itumelela eng?"
  • "Kamano yame le banna e a kgatlha tota. Ga ke obamele banna ka gore ke godile le bone. Ga ke batle monna ope a ntshwara jaaka morwalo mo tlhogong ya gagwe. Ke batla go bereka le ene, ke mo kgatlhegela jaaka motho. Fa ke na le wena, ke na le wena ka se o leng sone e seng se o ka ntirelang sone. Fa o ka kgona go dira jalo, go molemo. Mme ga go ntshwenye ka gore fa ke sa se dire mongwe o tla se dira. Agona tlhaelo mo lobopong. Lefatshe le tletse ka letlotlo. Ke ka moo ke sa tshwenyegeng e bile ke sa kgone go obamela monna ope."
  • "Fa ke ne ke simolola tiro yame, ke ne ke le monnye thata; Ke ne ke le mo dingwageng tsame tsa bo masome a mabedi, mme ke ne ke sa itse sepe ka isago. New Dawn, e mongwe le mongwe a neng a e rata thata fa ke ne ke e dira, ke ne ke sa itse gore ke dira eng; Ke ne ke dira dilo tsame fela."
  • "Go bona kokomane yotlhe ya batho mo metsweding ya dikgang, thekenoloji, feshene, tlhabololo, gareng ga tse dingwe, go mpha tsholofelo e e seng kana ka sepe."
  • "Ke tlotla dinako tse re tshelang mo go tsone jaanong ka gore go na le motlotlo o montsi o o tlhokegang ka gore ke eng se se sa siamang. Le fa go ntse jalo, bontsi jwa dipuo di ka kgaoganya batho thata. Gape go botlhokwa go lebana le dilo tsa botlhokwa, ka jalo dira jalo. Mme ka dinako tse dingwe ke bona batho ba le bantsi ba bua mme ba sa itse se se tlhokang go diragala le gore ba ka se dira jang."
  • "Bonolo jwa nonyane bo ikaegile ka bonolo jwa kala e e tlhomang sentlhaga mo go yone. Ke fitlhela lefatshe le le lekanyetsang mofuta ope wa ‘yo mongwe’ le ferosa sebete. Rotlhe re bongwe e bile re golagantswe mo tsweledisong ya botshelo. Ke kgona go utlwa botlhoko jwa ba bangwe le go sa phuthologa ka tshiamololo, tirisodikgoka kgotsa botlhoko ka tsela e e tshwanang le e ke kgonang go utlwa boitumelo le kgotsofalo ya bone ka yone."
Retrieved from "https://incubator.wikimedia.org/w/index.php?title=Wq/tn/Funmi_Iyanda&oldid=6466081"