Wikimedia Incubator

Wq/tn/Ebere Orji

< Wq | tn
Wq > tn > Ebere Orji

Ebere Orji

edit
 
Ebere Orji ka ngwaga wa 2020

Ebere Orji (yo o tshotsweng ka kgwedi ya Sedimonthole e tlhola malatsi a le masome a mabedi le boraro ka ngwaga wa 1992) ke motshameki wa kgwele ya dinao wa boditšhabatšhaba wa Nigeria.

Dikinolo

edit
  • "Linkopings FC ke setlhopha se segolo kwa Damallsvenskan mme e nnile toro go tshameka koo, toro e jaanong e fetogileng nnete mme e tla itumedisa thata. Ke tla dira bojotlhe jwame, ke dirisane le ba ke tshamekang le bone le go dira ka natla go fenya dikgele tse dintsi."
  • "Re tsile go dira ka natla go tlogela go fenngwa ke Jeremane ka nno di le boferabobedi go le lefela. Ga re ba tshabe le fa e le letlhakore le legolo. Mabaka a mantsi a ne a dira gore go nne le tatlhegelo eo. Seemo sa loapise ne sa re ama; go ne go le tsididi thata mme bontsi jwa batshameki ba rona ga ba tlwaela go tshameka mo maemong a a maswe jalo. Mme mo lekgetlhong le, re siametse teko. Ka ntlha ya seo, ga go ope yo o ka pegang setlhopha kgotsa badiri ba setegeniki molato wa se se diragetseng, mme o tshwanetse go leba fela gore re tshamekile jang mo Aforika Borwa ka nako ya Dikgaisano tsa Kgwele ya Dinao tsa Aforika tse di fetileng go bona seo. Re ne re le botoka thata. Go bua boammaaruri, Seemo sa loapi ga se a re thusa gotlhelele mme seo ke potso ya gore o tlwaetse eng."
  • "Ke leboga Modimo ka phenyo le dineelo tsame kgatlhanong le Vaxjo. Jaaka setlhopha, re ne ra dira sentle tota mme ra dira ka natla go bona dintlha tsa rona go sale gale mo motshamekong. E ne e le maiteko a setlhopha mme ke itumelela go bona gore re simolotse setlha sentle thata. Ke nnile le seabe se se botlhokwa thata mo phenyong jaaka motlhasedi mme tota ke ne ka dira bojotlhe jwame go netefatsa gore re fenya motshameko. Ke itumetse kwa tlelapong mme gape ke ne ka ikutlwa ke amogelesegile e bile ke kgethegile. Ke lebogela seetsele sa [Motshameki wa Motshameko] mme se ne sa dira gore ke ikutlwe ke le motlotlo ka dineelo tsame mo motshamekong. Ke neela Modimo kgalalelo yotlhe ka ntlha ya seo le gape le ba ke tshamekang le bone ka tshegetso. Re mo seemong se se siameng jaaka setlhopha mme ke tlhoafaletse thata go nna ke dira bojotlhe jwame mme gape ke tshwerwe ke tlala ya go ntsha dintlha tse dingwe go thusa setlhopha go ya kgakala mo setlheng se."
  • "Ka ke ne ke le monnye jaana, ke ne ke ise ke tsamaye thata mme go bona naga eno e ntle e e dikologileng lewatle, e ne e le maitemogelo a a itumedisang. Ke ne ke ise ke bone sepe se se ntseng jalo pele."
  • "Ke ne ka romelwa kwa ntle mme seo se ne se le thata tota mo setlhopheng same. Le fa re kgonne go tshwana ka dinno tse pedi go tse pedi, ga go a lekana mme ra kgaolwa. Go ne go swabisa tota."
  • "Se e ne e le maitemogelo ame a a molemo go gaisa otlhe a Sejana sa Lefatshe. Go tshameka mo makgaolakgannyeng kgatlhanong le moamogedi e ne e le phitlhelelo e e boitshegang mme go tla gae ka sekgele sa selefera ke sengwe se ke tla se anaanelang ka bosakhutleng."
  • "Setlheng se se fetileng (ka ngwaga wa 2015) ke ne ka nosa dino di ka nna masome a mararo mo liking mme mo setlheng se ke ne ke na le di le boferabobedi morago ga metshameko ya ntlha e le mene. Mme ke a itse gore ke tshwanetse go nna ke dira ka natla gore ke nne ke ntsha dino. Ke sone se ke batlang go se dira, ka ke rata fela go nosa dino."

Dikinolo ka ga Ebere

edit
  • "Ke ne ke akanya gore Ebere ka dinako tse dingwe e ne e le mongwe wa batshameki ba maemo a a kwa godimo ngogola (ngwaga wa 2019) mme ka tsholofelo o tla oketsa ntlha e nngwe mo tlhaselong ya rona. Ke akanya gape gore ke mosola gore o itse kgwele ya dinao ya Sweden morago ga dingwaga tsa gagwe tse tharo fa mme gone gape go dirile gore go kgonege go bona ditshupiso tse di ikanyegang thata go tswa kwa matlhakoreng a a farologaneng."
Retrieved from "https://incubator.wikimedia.org/w/index.php?title=Wq/tn/Ebere_Orji&oldid=6462956"