Djaïli Amadou Amal
edit
Djaïli Amadou Amal (yo o tshotsweng ka ngwaga wa sekete makgolo a robabongwe, masome a supa le metso e metlhano (1975) ke mokwadi wa kwa Cameroon ebile ke molweladitshwanelo tsa basadi.
Dikinolo
edit- "Mme tsatsi leo go ne go na le pene, ka e tsaya mme ka simolola go kwala. Morago ga nako, tidimalo e e rileng e ne ya tla mo go nna, ke ne ka ikutlwa botoka. Gongwe seo e ne e le tlholego ya go falola."
- "Jaanong ke tlhomamisegile ka nna le ka lefelo lame. Ga nkitla ke letlelela ope go e tsaya. Ke nna ke ritibetse. Le fa go ka tla mosadi ofe, ke tla lwa. Le fa a ka dirisa dibetsa dife, ke sa ntse ke tla fenya ntwa."
- "Fa o kgonne go rupisa tau, ga se monna wa gago, mohumanegi, yo o tla go fetang. Dira fela jalo le ene mme o tla nna wa gago ka bosakhutleng. Fa e le gore o kgonne go bona ditedu tseno, ke ka gonne o nnile le dinonofo tse di molemolemo tse mosadi a ka nnang le tsone: bopelotelele le boferefere. Tlhokomela monna wa gago jaaka ngwana. Mo thapise jaaka tau e o e rupisitseng. Nna pelotelele, boferefere, botlhale. Mme ga a kitla a kgona go kgaogana le wena. Se ke sephiri sa go gokelela monna mo go wena. Ga go na pheko epe e e neng e tla tshwanela."
- "Re swa fela fa nako ya rona mo lefatsheng e fedile. Nako e e setseng e kwadilwe ke Mmopi go tswa mo moweng wa ntlha wa botshelo. Re ka se kgone go tswelela pele kgotsa go busetsa morago motsotso ono o o tlhomolang pelo. Ke ka ntlha yang fa re hutsafalela tshwetso e e sa tlhokeng go itshwarelwa ya ga Allah?
- "Tshwara monna wa gago jaaka ngwana. Mo thapise jaaka tau e o e rupisitseng. Nna pelotelele , boferefere , botlhale . Mme ga a kitla a kgona go kgaogana le wena. Se ke sephiri sa go boloka monna. Ga go na pheko epe e e neng e ka e fenya."
- "Mo hepise ka boitshwaro jwa gago jwa bopelotshweu, go nna teng ga gago mo go monate, dijo tsa gago tse di monate. Mmontshe gore agona mosadi ope yo o tla tsamayang a kgona go go feta. Mosola wa go nyala lefufa ke gore go go letla go leka lorato lwa gagwe le maatla a gago mo go ene. O mosadi wa gagwe wa ntlha. Botlhe ba ba latelang ga ba kitla ba nna botlhokwa jaaka wena. Ga go ope yo o tla kgonang go tshela se o se tshetseng. Ga go ope yo o tla kgonang go mo naya bana jaaka o mo neile. Ke wena yo o nang le tshiamelo mme o tla nna o le jalo ka metlha."
- "Se mothomogolo a se bonang a ntse, ngwana le fa a ka tsoga ga a kitla a se bona!"