Wikimedia Incubator

Wq/tn/Divine Ndhlukula

< Wq | tn
Wq > tn > Divine Ndhlukula

Divine Ndhlukula (yo o tshotsweng ka Tlhakole a le malatsi a le matlhano ka 1960) ke mogwebi wa mosadi wa kwa Zimbabwe, mothei le motsamaisi wa DDNS Security Operations (Pvt) Ltd e e leng kompone e e tshwereng marapo a SECURICO Security Services. About Me Tsebe e etetswe ka Phalane a le masome a mabedi le borataro ka 2024. O dira mo kgwebong e pele e neng e laolwa ke banna.

Divine_Ndhlukula ka 2011

Dikinolo

edit
  • Bagwebi ba basadi ba tshwanetse go dira ka natla go menagane gabedi gore ba atlege... selo se se molemo se o ka se dirang ke go nna o ikemiseditse, o tlhomile mogopolo, o na le maitsholo a mantle e bile o boloka bothokgami jwa gago.
  • Kgakololo ya me go basadi ke gore: "Fa o batla isago e e tlhomameng, tswa o ye go e tlhama. Fenya poifo ya gago ka gonne ke yone e e dirang basadi ba le bantsi makgoba. Gone jaanong re na le ditshono di le dintsi. Re tlhoka fela go mena matsogo, re tsholetse maoto a rona, mme re tsene ka kgoro ka gore ga gona yo o ka re kukang.
  • Ke kgotsofala thata fa ke tshegetsa maiteko a go maatlafatsa basadi mo go tsa itsholelo ka go ba ruta, go golaganya dikgwebo tsa basadi le dikgolagano dikgwebo gore di gole.
  • Katlego e ikaegile ka babereki. Mo go nna go itse le go dirisana le babereki ba me go botlhokwa thata.
  • Fenya poifo ya gago ka gonne ke yone e dirang basadi ba le bantsi makgoba.
  • Bontsi jwa basadi ba re ba thapileng fano ke bomme ba ba godisang bana ba le nosi, re ne ra ba kgetha segolobogolo ka gonne re ne re itse gore ga go na ope yo o tla ba nayang tshono e bile ba ka se kgone go tlhokomela bana ba bone. Ka jalo e ke tshono ya gore ba kgone go itshedisa le go ruta bana ba bone. Re thapa basadi ba ba ka nnang sekete jaanong, ba ba ka nnang makgolo a robabongwe le go feta mme mo go nna ke sengwe sa dilo tse di itumedisang thata tse ke di dirileng mo botshelong jwa me jaaka motho ka gonne ke nnile le tlhotlheletso e e siameng thata mo basading ba ba neng ba ka se nne le tshono, ba ba neng ba tla tshwanelwa ke go itshedisa mme gongwe ba leke le go rekisa mebele ya bone go itshedisa.
  • "Lo se ka lwa lapa go dira molemo; gonne lo tlaa roba mo pakeng e e leng yone, fa lo sa ngodiege". Ke dumela gore tiro nngwe le nngwe e e siameng ke ya go bula dikgoro ka jalo ke leka go nna molemo ka mo nka kgonang ka teng mo go ba bangwe, lefoko la me le nna seikokotelo sa me, jaaka selotlolo sa katlego ya me e le go rata le go golagana le batho ba e leng peo ya dilo tse dikgolo tse di tlang. Ke dumela gore ke tshwanetse go sala melao ,morago ka dinako tsotlhe mme se se botlhokwa thata ke go boloka bothokgami jwa me ka gonne seno se dira gore ke kgone go robala sentle bosigo.
  • Kgakololo ya me mo bagwebing ba ba eletsang go simolola ke gore ba simolole ba na le maikaelelo, ba itse sentle gore ba batla go fitlhelela eng mme ba simolole go dira ka thulaganyo go fitlhelela phitlhelelo eo, ba le pelotelele. Itse gore ke kgwebo efe e o batlang go tsena mo go yone, le tikologo ya yone ya kafa teng le ya kafa ntle. Dira thulaganyo ya gago ka tlhagafalo, ka boikemisetso le ka tlhoafalo, mme fa o simolola go bona madi, nna le boikgapho ja go itse gore ga e ise e nne madi a gago.
  • Kgakololo ya me go borrakgwebo ba ba eletsang go nna le kgwebo ke gore ba simolole ba na le maikaelelo, ba itse sentle gore ba batla go fitlhelela eng mme ba simolole go dira ka thulaganyo go fitlhelela mokgele oo, ba le pelotelele. Itse gore ke kgwebo efe e o batlang go tsena mo go yone, le tikologo ya yone ya kafa teng le ya kafa ntle.
  • Nna le leano mme o le diragatse ka tlhoafalo, ka boikemisetso le ka go tlhoma mogopolo. O se ka wa tshwenyega ka gore o mosadi. O se ka wa akanya ka seo fa e se fela e le sengwe se se ka go solegelang molemo fa o gaisana le ba bangwe. Ga go na ope yo o tlileng go go naya sengwe mo sejaneng sa selefera. O tshwanetse go dira ka natla go menagane gabedi, gararo, kana ga tlhano mme o se ka wa latlhegelwa ke mogopolo. Dira ka lorato la gago, go tlaa go dira gore o tswelele pele mme fa o setse o na le motheo mo kgwebong ya gago, e dirise ka botlalo mme o dire gore go nne le kgatelopele mme seo se tla tlosa dikgwetlho tsotlhe tse dinnye tse di ka go kgoreletsang. Sa bofelo, tlhopha setlhopha sa gago ka kelotlhoko mme o tlose ba ba sa direng sentle ka bonako.
Retrieved from "https://incubator.wikimedia.org/w/index.php?title=Wq/tn/Divine_Ndhlukula&oldid=6441336"